హైదరాబాద్: తెలంగాణకు పెట్టుబడులు భారీగా వస్తున్నాయి. ‘ఈజ్‌ ఆఫ్‌ డూయింగ్‌ బిజినెస్‌’ రాష్ట్రంలో విజయవంతంగా అమలవుతోంది. ఐటీ, ఫార్మా, ఏరోస్పేస్‌, రియల్టీ తదితర అన్ని రంగాల్లో తెలంగాణ అగ్రగామిగా అవతరించింది. తాజాగా విజువల్ ఎఫెక్ట్స్, యానిమేషన్, గేమింగ్, అనుబంధ విభాగాల్లో సుమారు రూ.250 కోట్ల పెట్టుబడులు రాబోతున్నాయి. కోవిడ్ కారణంగా మీడియా, వినోద విభాగాలు తీవ్రంగా దెబ్బతిన్నాయి. ఇప్పుడు కొవిడ్ తగ్గుముఖం పట్టడంతో ఈ రంగాలు సాధారణ స్థితికి వస్తున్నాయి. దీంతో వీఎఫ్‌ఎక్స్, గేమింగ్ విభాగాల్లో పెట్టుబడుల రావడం పెద్ద విజయంగా భావిస్తున్నారు.
యానిమేషన్, వీఎఫ్‌ఎక్స్, ఈ-స్పోర్ట్స్‌కు హైదరాబాద్ హబ్‌గా మారుతోంది. ప్రస్తుతం జరుగుతున్న ఇండస్ట్రీ ఈవెంట్ ఇండియాజాయ్‌లో $30 మిలియన్ల కంటే ఎక్కువ విలువైన ఒప్పందాలు కుదర్చుకుంటారని” ఇండస్ట్రీ బాడీ తెలంగాణ VFX, యానిమేషన్, గేమింగ్ అసోసియేషన్ (TVAGA) ప్రెసిడెంట్, హైదరాబాద్ ఆధారిత గ్రీన్ గోల్డ్ యానిమేషన్స్ వ్యవస్థాపక CEO రాజీవ్ చిలక అన్నారు.
వీఎఫ్‌ఎక్స్, గేమింగ్ పరిశ్రమ ఇప్పుడు హైదరాబాద్‌లో సుమారు 10,000 మందికి ఉపాధి కల్పిస్తోంది. కోవిడ్ పరిస్థితిని విజయవంతంగా ఎదుర్కొన్న తర్వాత చాలా కంపెనీలు ఇప్పుడు తిరిగి నియామకాలకు సిద్ధంగా ఉన్నాయి. ఈ విభాగాల్లో దాదాపు 20 శాతం మందిని నియమించుకునే అవకాశం ఉంది. “ఆర్డర్లు వస్తున్నందున కంపెనీలు నియామకం చేస్తున్నాయి,” అని యానిమేషన్, గేమింగ్ అసోసియేషన్ (TVAGA) ప్రెసిడెంట్ రాజీవ్ చెప్పారు.
సినిమాలు, ఓటీటీ, క్రియేటర్ ఎకానమీలో బాగా డిమాండ్ ఉంది. గేమింగ్, యానిమేషన్, స్పెషల్ ఎఫెక్ట్స్, అనుబంధ రంగాల ప్రత్యేక క్లస్టర్ అయిన IMAGE టవర్‌కు తెలంగాణ రాష్ట్రం మద్దతు ఇవ్వడంతో ఈ ఏడాది 20 శాతం వృద్ధిని సాధించి, వచ్చే ఏడాది నుంచి రిక్రూట్‌మెంట్ సంఖ్యలో ఈ పరిశ్రమ 50 శాతం వృద్ధిని సాధిస్తుంది.
1.6 మిలియన్ చ.అడుగుల ఇమేజ్ టవర్ సభ్యులకు సాధారణ సౌకర్యాలను సమకూరుస్తుంది. ఖర్చులను ఆదా చేస్తుంది. ఇది ఎకోసిస్టమ్ ఎనేబుల్ అవుతుంది. ఈ టవర్ 120 అడుగుల X 100 అడుగుల సాధారణ స్టూడియో ఫ్లోర్‌తో పెద్ద స్టూడియోతో సహా ఆరు చిన్న స్టూడియోలు ఉంటాయి. ఇది 40 అడుగుల ఎత్తు ఉంటుంది. ఇందులో మోషన్ క్యాప్చర్‌తో పాటు గ్రీన్ మ్యాట్ స్టూడియోలు కూడా ఉంటాయి. ఇది వీడియో పోస్ట్-ప్రొడక్షన్ యొక్క చివరి దశ అయిన కలర్ గ్రేడింగ్ కోసం డిజిటల్ ఇంటర్మీడియట్ (DI) సూట్‌ను కలిగి ఉంటుంది.
ఈ టవర్ సిద్ధమైన తర్వాత అనేక అంతర్జాతీయ కంపెనీలతో సహా కొత్తవి ఇక్కడ భాగస్వాములుగా వస్తాయి. “IMAGE టవర్ VFX, యానిమేషన్, గేమింగ్ ఇతర విభాగాలలో వృద్ధిని పెంచుతుంది.”అని రాజీవ్ అన్నారు.
ఇతర మార్కెట్‌లలో ఇప్పటికీ వర్క్-ఫ్రమ్-హోమ్ అమలులో ఉన్నందున హైదరాబాద్ ఇప్పుడు ప్రయోజనం పొందుతోంది. కొన్ని ఆర్డర్‌లను హైదరాబాద్‌తో సహా భారతీయ నగరాలకు అవుట్‌సోర్స్ చేస్తున్నారు. ఇక్కడి కంపెనీలు కూడా అన్‌రియల్ గేమ్ ఇంజిన్ వంటి కొత్త సాంకేతికతలను ఉపయోగిస్తున్నాయి, ఇది రిచ్ విజువల్స్, అధునాతన రియల్ టైమ్ 3D కంటెంట్‌ను రూపొందించడానికి అనుమతిస్తుంది. వారు తమ హార్డ్‌వేర్‌ను కూడా అప్‌గ్రేడ్ చేస్తున్నారు. తెలంగాణ ప్రభుత్వంతో కలిసి యానిమేషన్, గేమింగ్ అసోసియేషన్ ఉద్యోగుల నైపుణ్యాలను మెరుగుపరచడానికి కృషి చేస్తోంది. శిక్షకులకు శిక్షణ ఇవ్వడంపై కూడా దృష్టి సారించారు.