హైదరాబాద్: హైదరాబాద్ విశ్వవిద్యాలయానికి చెందిన 400 ఎకరాల భూమిని రాష్ట్ర ప్రభుత్వం స్వాధీనం చేసుకుని వేలం వేయాలనే నిర్ణయానికి వ్యతిరేకంగా విద్యార్థులు ఆందోళన చేస్తున్న విషయం తెలిసిందే. అయితే ఒక చిన్న సాంకేతికత కారణం ఆధారంగా తెలంగాణ ప్రభుత్వం తన ఇష్టానుసారం భూమిని స్వాధీనం చేసుకోవడానికి ఆస్కారముంది. వాస్తవం ఏమిటంటే, నేటికీ UoH భూమి రాష్ట్రానికే చెందుతుంది. భూమిని అధికారికంగా వర్సిటీకి బదిలీ చేయనందున, అది ఏర్పాటైనప్పటి నుండి అదే పరిస్థితి.
400 ఎకరాలకు సంబంధించి రెండు దశాబ్దాలు గడిచినా రాష్ట్ర ప్రభుత్వానికి వ్యతిరేకంగా నిరసనలు కొనసాగుతున్నప్పటికీ ప్రభుత్వాలు పెద్దగా పట్టించుకోలేదని హైదరాబాద్ విశ్వవిద్యాలయ అధికారులు మీడియాకు తెలిపారు. “కోర్టు ఆ భూమిని రాష్ట్రానికి అప్పగించిందని చాలా స్పష్టంగా ఉంది. దాదాపు 20 సంవత్సరాల క్రితం 2003-4 ప్రాంతంలో, గచ్చిబౌలి స్టేడియం మరియు దాని పరిసరాల్లోని ఇతర మౌలిక వసతులను నిర్మించడానికి దాదాపు 600 ఎకరాల యూనివర్సిటీ భూమిని తీసుకున్నారు” అని ఒక అధికారి తెలిపారు.
తెలంగాణ రాష్ట్ర పారిశ్రామిక మౌలిక సదుపాయాల సంస్థ (TGIIC) ప్రకారం, 2003లో మునుపటి ఉమ్మడి ఆంధ్రప్రదేశ్ ప్రభుత్వం 400 ఎకరాల భూమిని IMG అకాడమీస్ భారత లిమిటెడ్ సంస్థకు అభివృద్ధి కోసం ఇచ్చింది. దానిని వినియోగించకపోవడంతో రాష్ట్రం దానిని తిరిగి ఇవ్వాలని కోరింది. ఈ అంశంపై కోర్టును కూడా ఆశ్రయించింది. ఈ 400 ఎకరాల భూమికి బదులుగా, రాష్ట్రం ఫిబ్రవరి 3, 2004న హైదరాబాద్ విశ్వవిద్యాలయానికి 397 ఎకరాలు ఇచ్చిందని TGIIC తెలిపింది.
ఈ 400 ఎకరాలపై చట్టబద్ధంగా హైదరాబాద్ విశ్వవిద్యాలయానికి ఎటువంటి హక్కు లేవని TGIIC తెలిపింది, ఎందుకంటే దానికి బదులుగా వేరే చోట 397 ఎకరాలు ఇచ్చాం. అంతేకాకుండా, క్యాంపస్ ఉన్న భూమి ఇప్పటికీ వర్సిటీది కాదనేది వాస్తవం.
“కనీసం జీవవైవిధ్యాన్ని పరిరక్షించగలిగేలా మేము తెలంగాణ ప్రభుత్వంతో కూడా మాట్లాడటానికి ప్రయత్నిస్తున్నాము. జెసిబిలు లేదా పోలీసులు ప్రవేశించడానికి ఎటువంటి అనుమతి ఇవ్వలేదు. పర్యావరణ సమస్యల కారణంగా రాష్ట్ర ప్రభుత్వం దీనిని పునఃపరిశీలించాలని మేము కోరుతున్నాం. భూమిని మాకు అప్పగించమని కూడా మేము వారికి చెప్పాలనుకుంటున్నాము. ఆ భూమిని విశ్వవిద్యాలయం పేర రిజిస్టర్‌ చేయాలని యూనివర్సి వైస్‌ ఛాన్సలర్‌ చాలా లేఖలు రాస్తున్నాడు, కానీ అది జరగలేదు, ”అని పేరు చెప్పడానికి ఇష్టపడని హైదరాబాద్ విశ్వవిద్యాలయ అధికారి ఒకరు తెలిపారు.
మార్చి 31న ఒక రోజు ముందు, హైదరాబాద్ విశ్వవిద్యాలయ క్యాంపస్‌లో ఉద్రిక్త పరిస్థితులు నెలకొన్న దృశ్యాలు వెలువడ్డాయి, దీనిలో 400 ఎకరాల భూమిని చదును చేయడానికి తీసుకువచ్చిన జెసిబిలకు వ్యతిరేకంగా నిరసన తెలుపుతున్న 100 మందికి పైగా విద్యార్థులను పోలీసులు అదుపులోకి తీసుకుంటున్న దృశ్యాలు కనిపించాయి. అంతేకాకుండా, జీవవైవిధ్యం, జంతువులు, పురాతన శిలా నిర్మాణాలు ఉన్నప్పటికీ, ఆ భూమిని అటవీ ప్రాంతంగా పేర్కొనలేదు.
400 ఎకరాలను ఎప్పుడూ వర్గీకరించలేదని TGIIC చెప్పడానికి ఇదే ఆధారం. ఇది అటవీ భూమి కాదని పేర్కొంటూ రాష్ట్ర అటవీ శాఖ హైకోర్టులో పిల్ దాఖలు చేస్తోందని కార్పొరేషన్ తెలిపింది.
తెలంగాణ డిప్యూటీ సీఎం భట్టి విక్రమార్క, పరిశ్రమల మంత్రి శ్రీధర్ బాబు ఇద్దరూ ఇదే యూనివర్సిటీ విద్యార్థులన్న సంగతి మనం గమనించాలి. నిన్న జరిగిన విలేకరుల సమావేశంలో ఆయన మాట్లాడుతూ… నిరసన తెలుపుతున్న విద్యార్థులపై నమోదు చేసిన కేసులను ఉపసంహరించుకోవాలని పరిశీలిస్తున్నట్లు భట్టి కూడా తెలిపారు.
