లక్నో : మత సామరస్యం, ఐక్యతను పెంపొందించే లక్ష్యంతో సమాజ్‌వాదీ పార్టీ.. రాష్ట్ర ప్రధాన కార్యాలయంలో ‘హోలీ-ఈద్ మిలన్’ కార్యక్రమాన్ని నిర్వహించింది. ఈ కార్యక్రమం హిందూ మతం, ఇస్లాం, సిక్కు, క్రైస్తవ మతం వంటి వివిధ మతాల నాయకులు, అనుచరులను మత సంఘీభావాన్ని ప్రదర్శించే ఒక ఉత్సాహభరితమైన వేడుక అని ఆ పార్టీ పత్రికా ప్రకటనలో పేర్కొంది.
ఈ సందర్భంగా పార్టీ జాతీయ అధ్యక్షుడు అఖిలేష్ యాదవ్ మాట్లాడుతూ… సాంస్కృతిక మత ఐక్యత ప్రాముఖ్యతను నొక్కి చెప్పారు. భారతదేశ గంగా-జమున తెహజీబ్ సారాంశాన్ని ఆయన హైలైట్ చేశారు – విభిన్న మత నేపథ్యాల నుండి వచ్చిన ప్రజలు ఒకరికొకరు పండుగలను జరుపుకోవడానికి కలిసి వచ్చే దేశ మిశ్రమ సంస్కృతికి చిహ్నమని అఖిలేష్ అన్నారు. “సోదరభావం, సామరస్యం మన సమాజం బలాలు” అని ఆయన అన్నారు. “నేటి కార్యక్రమం ఆ సామరస్యం, ఐక్యత మరియు సోదరభావం సంగమమని ఎస్పీ చీఫ్‌ అన్నారు.”
ఈ కార్యక్రమం సాంస్కృతిక సమైక్యత, శాంతియుత సహజీవనం ప్రాముఖ్యతను నొక్కి చెప్పింది, నేటి వైవిధ్యమైన, చైతన్యవంతమైన సామాజిక నిర్మాణంలో పార్టీ సమగ్ర అభివృద్ధి, మత ఐక్యత విస్తృత సందేశాన్ని ప్రతిబింబిస్తుందని అఖిలేష్ అన్నారు. ఈ కార్యక్రమంలో ఆయనతో పాటు ఆయన భార్య, మెయిన్‌పురి ఎంపీ డింపుల్ యాదవ్ కూడా పాల్గొన్నారు. మొత్తంగా వివిధ వర్గాల మధ్య శాంతి, పరస్పర గౌరవాన్ని పెంపొందించడానికి పార్టీ నిబద్ధతను ఈ కార్యక్రమం ప్రదర్శించింది.
