న్యూఢిల్లీ: పహల్గామ్ పరిణామాలు, ఉగ్రదాడిలో దాడిలో పాల్గొన్న ఉగ్రవాదుల ఆచూకీ, ఆపరేషన్ సిందూర్ సమయంలో భారత్‌-పాక్‌ మధ్య ‘కాల్పుల విరమణ’లో అమెరికా అధ్యక్షుడు డొనాల్డ్ ట్రంప్ పాత్రపై సమాధానాలు ఇవ్వాలని కాంగ్రెస్‌ కేంద్రాన్ని డిమాండ్‌ చేసింది.
ఈ మేరకు కాంగ్రెస్‌ నేత జైరాం రమేష్ Xలో పోస్ట్ చేశారు. “నెహ్రూ వర్ధంతి నాడు కూడా, దేశ అత్యున్నత పదవిలో ఉన్న వ్యక్తి నెహ్రూను తిట్టడంలో చురుకుగా ఉన్నారు. నేడు మనం ఎదుర్కొంటున్న చాలా తీవ్రమైన సమస్యల నుండి దృష్టిని మళ్లించడానికి ఇది ఒక దయనీయమైన ప్రయత్నం, దీనికి ఆయన సమాధానం చెప్పాలని ఎక్స్‌లో పోస్ట్ చేశారు.”
పాకిస్తాన్, చైనాకు సంబంధించిన దౌత్యపరమైన లోపాలను ప్రజల ముందు ఉంచడం ముఖ్యమైనదని ఆయన పేర్కొన్నారు. ఈ సందర్భంగా కీలక ప్రశ్నలను ఆయన లేవనెత్తారు.
“పహల్గాం ఉగ్రదాడి నేపథ్యంలో పాకిస్తాన్‌ను ఒంటరి చేయడంలో మన దౌత్యం ఎందుకు విఫలమైంది. దీనిపై ప్రధాని ఎందుకు మౌనంగా ఉన్నారు?”
“క్రూరమైన పహల్గామ్ ఉగ్ర దాడికి కారణమైన ఉగ్రవాదులు ఇప్పటికీ ఎక్కడో తిరుగుతున్నారు – ముఖ్యంగా వారు పూంచ్ (డిసెంబర్ 2023), గగాంగిర్ (అక్టోబర్ 2024) గుల్మార్గ్ (అక్టోబర్ 2024)లలో జరిగిన ఉగ్రవాద దాడులలో పాల్గొన్నట్లు ప్రభుత్వం పేర్కొంది?”
ఆపరేషన్ సిందూర్ సమయంలో కాల్పుల విరమణ ఒప్పందంలో అమెరికా అధ్యక్షుడు ట్రంప్ పోషించిన పాత్ర గురించి కూడా కాంగ్రెస్‌ నేత జైరాం రమేష్ కేంద్రాన్ని ప్రశ్నించారు. “ఆపరేషన్ సిందూర్‌ను ఆకస్మికంగా ఆపేసిన భారత్‌… కాల్పుల విరమణకు సంబంధించి అమెరికా అధ్యక్షుడు చేసిన ప్రకటనలపై ప్రధాని ఎందుకు మౌనంగా ఉన్నారు?”
అలాగే “చైనా, పాకిస్తాన్ మధ్య లోతైన సైనిక సంబంధంపై ప్రధాని ఎందుకు మౌనంగా ఉన్నారు, అది ఇప్పుడు గతంలో కంటే ఇప్పుడు స్పష్టంగా కనిపిస్తోంది – జూన్ 19, 2020న ఆయన బహిరంగంగా క్లీన్ చిట్ ఇచ్చిన అదే చైనా, భారతదేశంతో వాణిజ్య లోటు పెరుగుతూనే ఉంది?” అని ఆయన అన్నారు.
జమ్మూ కాశ్మీర్ ముఖ్యమంత్రి ఒమర్ అబ్దుల్లా పహల్గామ్‌లో ప్రత్యేక క్యాబినెట్ సమావేశానికి అధ్యక్షత వహిస్తున్న రోజున రమేష్ సోషల్ మీడియా పోస్ట్ చేశారు, కేంద్ర పాలిత ప్రాంతాన్ని హింస, ఉగ్రవాదం అణచివేయలేమని తెలియజేసేందుకు ఇది ఒక మంచి ప్రయత్నంగా ఆయన పేర్కొన్నారు.
