హైదరాబాద్: విశ్వనగరం హైదరాబాద్‌లో కోలివింగ్ హాస్టళ్ల సంఖ్య ఇబ్బడిముబ్బడిగా పెరుగుతోంది. నగరానికి నిత్యం వేలాది మంది యువత ఉ పాధి, ఉద్యోగం, చదువు కోసం వస్తుంటారు. ఏపీ, తెలంగాణ నుంచే కాకుండా.. ఇతర రాష్ట్రాలు, దేశాల నుంచి కూడా వస్తారు. అయితే కొందరు వీటిని అసాంఘిక కార్యకలాపాలకు వేదికలుగా చేసుకుంటున్నారు. ఈ నేపథ్యంలో వీటిపై చర్యలు తీసుకోవాలని కాంగ్రెస్ నాయకుడు వి. హనుమంత రావు డిమాండ్ చేశారు. ఈ మేరకు సీఎం రేవంత్ రెడ్డి, మంత్రి శ్రీధర్ బాబులకు ఆయన విజ్ఞప్తి చేశారు.
“ఐటి ప్రాంతాలలో కో-లివింగ్ హాస్టళ్లకు ఇది అస్సలు సమయం కాదు. అమ్మాయిలు, అబ్బాయిలు విడివిడిగా జీవించాలి. విశ్వవిద్యాలయ హాస్టళ్లలో కూడా, అబ్బాయిలు, అమ్మాయిలు విడివిడిగా ఉంటారు. ఇప్పుడు అది ఎలా సాధ్యం? మనం ఇలాగే కొనసాగడానికి అనుమతిస్తే హైదరాబాద్ నంబర్ వన్ నగరంగా ఎలా మారుతుంది?”
హైదరాబాద్‌లో ఇటీవలి కాలంలో జరుగుతున్న లైంగిక నేరాల తీవ్రతను కాంగ్రెస్ నేత విహెచ్‌ హైలైట్ చేశారు. “భర్తలు భార్యలను చంపుతున్నారు. అదేసమయంలో భార్యలు భర్తలను చంపుతున్నారు. మగవారు, ఆడవారు కలిసి జీవించడానికి ఇది సమయం కాదు.”
నగరంలో గృహ వివాదాల ఫలితంగా హత్యలు ఎక్కువగా నమోదవుతున్న నేపథ్యంలో… హైదరాబాద్‌లో కో-లివింగ్ హాస్టళ్లపై ఆయన ఆందోళన వ్యక్తం చేశారు. రెండు వారాల క్రితం, సరూర్‌నగర్‌లో ఒక వ్యక్తి తన భార్యను మరొకరికి ఫోన్ చేయడాన్ని వ్యతిరేకించినందుకు హత్య చేశాడు; కొన్ని రోజులకే సైదాబాద్‌లో గృహ హింస కారణంగా ఒక మహిళ తన భర్తను విషంతో హత్య చేసింది. గత నెలలో, వివాహంలో ఏర్పడిన గొడవ తర్వాత ఒక మహిళ తన భర్తను మరో ఇద్దరితో కలిసి చంపి, దానిని వనస్థలిపురంలో ప్రమాదంగా చిత్రీకరించింది. తాజాగా ఒక వారం క్రితం KPHB కాలనీలో ఒక వ్యక్తి తన ప్రియురాలి భర్తను హత్య చేశాడు.
మధ్యప్రదేశ్ నుండి మేఘాలయ వరకు హనీమూన్‌ల హత్య కేసు వాస్తవాలతో ప్రజలు ఆందోళన చెందుతున్నారని కాంగ్రెస్ విహెచ్‌ భయాలు వ్యక్తం చేశారు. నూతన వధవు సోనమ్, ఆమె ప్రేమికుడు రాజ్ కుష్వాహా చేతిలో భర్త రాజా రఘువంశీ హత్య…గృహ వివాదాల గురించి కొత్త రకాల ఉద్రిక్తతలను రేకెత్తించింది.
“కుటుంబాలకు సంబంధించిన అక్రమ సంబంధాలు చాలా ఆందోళనకరంగా ఉన్నాయి. ఐటీ మంత్రి శ్రీధర్ బాబు ఈ విషయాన్ని తీవ్రంగా పరిగణించి, హైదరాబాద్‌లో అలాంటి (కొలివింగ్) హాస్టళ్లు పనిచేయకుండా నిరోధించడానికి తగిన చర్యలు తీసుకోవాలని నేను డిమాండ్ చేస్తున్నానని విహెచ్‌ అన్నారు.”
ఈ సందర్భంగా విహెచ్‌ మాట్లాడుతూ… “నీ సోదరిని చంపవద్దు, నీ తల్లిని చంపవద్దు, నీ భర్తను చంపవద్దు, నీ భార్యను చంపవద్దు. వార్తా సంస్థలు సోషల్ మీడియా అలాంటి వార్తలను ఎక్కువగా చూపించవద్దని నేను అభ్యర్థిస్తున్నానంటూ” కాంగ్రెస్ నేత వి.హనుమంతరావు ఒక ప్రకటనను విడుదల చేశారు.
