బార్పేట, అస్సాం: ధుబ్రి జిల్లాలోని బిలాషిపారాలో అస్సాం ప్రభుత్వం ప్రతిపాదిత 3,400-మెగావాట్ల థర్మల్ పవర్ ప్లాంట్ నిర్మాణం కారణంగా అక్కడ నివాసం ఉంటున్న 2,000 కంటే ఎక్కువ మియా ముస్లిం ఇళ్లను కూల్చివేసే కార్యక్రమాన్ని ప్రారంభించింది.

దీనికి సంబంధించి జూలై 4న బహిరంగ ప్రకటన వెలువడింది. మరుసటి రోజు జూలై 5న, చాపర్ సర్కిల్ కార్యాలయ అధికారులు చారుబఖ్రా జంగల్ బ్లాక్, చిరాకుటా పార్ట్-1, పార్ట్-2, సంతోష్‌పూర్‌తో సహా వివిధ గ్రామాలలో తొలగింపు నోటీసులు జారీ చేశారు, దీనితో మియా ముస్లిం కుటుంబాలు తమ ఇళ్లను ఖాళీ చేయాల్సి వచ్చింది.

నాలుగు గ్రామాలలో 5,000 బిఘాలకు పైగా భూమిని తీసుకునేలా ఈ తొలగింపు కార్యక్రమం 10,000 మంది భూమిలేని మియా ముస్లింలను నిర్వాసితులను చేస్తుందని స్థానికులు ఆరోపిస్తున్నారు.

కోక్రాఝర్‌ జిల్లాలోని గిరిజన ప్రాబల్య ప్రాంతంలో థర్మల్ పవర్ ప్రాజెక్ట్‌ను మొదట ప్రణాళిక చేశారు. స్థానికుల తీవ్ర నిరసన తర్వాత, దానిని ధుబ్రీ జిల్లాలోని బిలాప్షిపారా ప్రాంతానికి తరలించారు – ఈ ప్రాంతంలో మియా కమ్యూనిటీ ఎక్కువగా నివసిస్తుంది.

చిరాకుట గ్రామ నివాసి అయిన 52 ఏళ్ల అజిరాన్ నెస్సా, ఆమె కూల్చివేసిన ఇంటి ఆవరణలో నిలబడి, “అకస్మాత్తుగా 50,000 రూపాయలు ఇచ్చి మరేమీ లేకుండా వస్తువులను ప్యాక్ చేసి తరలించమని మాకు చెప్పారు. మేము ఎక్కడికి వెళ్తాలి అని ఆమె వాపోయారు?”

“ప్రభుత్వం మమ్మల్ని తరలించాలనుకుంటున్న స్థలం నది మధ్యలో ఉంది. అక్కడ మేము ఎలా జీవించగలం?” అని ఆమె ప్రశ్నించింది.

అస్సాం భూమి, రెవెన్యూ నియంత్రణ, 1886 కింద నోటీసు జారీ చేసారు. భూమిలేని ప్రతి కుటుంబానికి రూ. 50,000 అందిస్తామని, ధుబ్రీలోని అథాని రెవెన్యూ సర్కిల్ కింద బోయ్జెర్ ఆల్గా గ్రామంలో పునరావాసం కల్పిస్తామని హామీ ఇచ్చిందని అందులో పేర్కొన్నారు.

తొలగింపు డ్రైవ్

అస్సాం భూమి, రెవెన్యూ నియంత్రణ-1886 కింద జారీ చేసిన అధికారిక తరలింపు నోటీసు చారుబఖ్రా గ్రామంలో కనిపిస్తుంది. జూలై 6, 2025 నాటికి నివాసితులు భూమిని ఖాళీ చేయాలని నోటీసులో సూచించారు. భూమిలేని కుటుంబాలకు రూ. 50,000 పరిహారం చెల్లిస్తామని హామీ ఇచ్చింది. ఫోటో: కాజీ షరోవర్ హుస్సేన్

జూన్ 24న అస్సాం ముఖ్యమంత్రి హిమంత బిస్వా శర్మ ప్రతిపాదిత థర్మల్ ప్లాంట్ స్థలాన్ని సందర్శించిన తర్వాత తొలగింపు ప్రక్రియ మరింత వేగవంతమైంది.

చిరాకుటా గ్రామ నివాసి అబ్దుర్ రషీద్ షేక్ (41), ఏప్రిల్ 22న అదానీ గ్రూప్ డైరెక్టర్ జీత్ అదానీ ఆ స్థలాన్ని సందర్శించినప్పుడు, ఆయనకు థర్మల్ పవర్ ప్రాజెక్ట్‌తో సంబంధం ఉందని పేర్కొన్నారు.

మియా డి పట్టా భూమిని కలిగి ఉన్న కుటుంబాలు ఇప్పటికీ ఈ ప్రాంతంలోనే నివసిస్తున్నప్పటికీ, నాలుగు గ్రామాలలోని చాలా మంది నివాసితులు – “ప్రభుత్వ భూమి”లో నివసిస్తున్న వారు – తొలగింపు నోటీసు తర్వాత తమ ఇళ్లను ఖాళీ చేయాల్సి వచ్చింది.

పునరావాస స్థలం, బోయ్జెర్ ఆల్గా, వరదలు, కోతకు గురయ్యే లోతట్టు చార్ ప్రాంతం. తొలగించిన ప్రదేశంలో నివాసితులు పునరావాస ప్రాంతంలో తాగునీరు, రోడ్లు, ఆరోగ్య సంరక్షణ, పాఠశాలలు వంటి ప్రాథమిక మౌలిక సదుపాయాలు లేవని పేర్కొన్నారు.

“వారు మమ్మల్ని దూరంగా విసిరివేస్తున్నట్లుగా ఉందని” 50 సంవత్సరాలకు పైగా చారుబఖ్రా గ్రామంలో నివసిస్తున్న 70 ఏళ్ల కాషెం అలీ అన్నారు.

బోయ్జెర్ అల్గా పార్ట్-II వద్ద పునరావాస ప్రాంతం, ఇది ప్రాథమిక సౌకర్యాలు లేని లోతట్టు చార్ గ్రామం. ఫోటో సోర్స్: గూగుల్ మ్యాప్

అస్సాంలో ముస్లిం ఇళ్ల తొలగింపు
సంతోష్‌పూర్ జంగల్ బ్లాక్‌లోని కుటుంబాలు ఖాళీ చేయడానికి కేవలం రెండు రోజుల సమయం ఇచ్చిన తర్వాత తమ వస్తువులను ట్రాక్టర్ ట్రాలీలో తొందరపడి లోడ్ చేస్తారు. ఫోటో: కాజీ షరోవర్ హుస్సేన్

1981లో బ్రహ్మపుత్ర వరదలు తన ఇంటిని కొట్టుకుపోయిన తర్వాత 60 ఏళ్ల వయసులో ఉన్న అజహర్ అలీ సంతోష్‌పూర్‌లో స్థిరపడ్డారు. అతను ఇప్పుడు మళ్ళీ నిరాశ్రయుడయ్యాడు.

“ఇది అభివృద్ధి గురించి కాదు,” అని ఆయన చెప్పారు, “ఇది హిమంత ప్రభుత్వం మియా ముస్లింలను వేధించే మార్గం అని ఆయన వాపోయారు.”

సంతోష్‌పూర్ నివాసి అయిన అజహర్ అలీ తన జీవితంలో రెండవసారి నిరాశ్రయుడయ్యాడు – మొదట 1981లో బ్రహ్మపుత్ర నది ద్వారా మరియు ఇప్పుడు బహిష్కరణ చర్య ద్వారా. ఫోటో: కాజీ షరోవర్ హుస్సేన్

‘పోలీసులు కాల్పులు జరిపారు’
తొలగింపు చర్య సమయంలో ఈ ప్రాంతంలో 3,000 మందికి పైగా పోలీసు సిబ్బందిని మోహరించారని మరియు ఇళ్లను కూల్చివేసేందుకు 100 కి పైగా బుల్డోజర్లను ఉపయోగిస్తున్నారని ఒక అంచనా. కుటుంబాలను త్వరగా ఖాళీ చేయమని ఒత్తిడి చేయడానికి ప్రభుత్వం బెదిరింపులకు దిగిందని స్థానికులు తెలిపారు.

తొలగింపు చర్యకు వ్యతిరేకంగా ప్రజలు నిరసన చేపట్టడంతో, వారిపై పోలీసు చర్య తీసుకున్నారు. చారుబఖ్రా గ్రామంలో పోలీసులతో జరిగిన ఘర్షణలో కనీసం ముగ్గురు మహిళలు గాయపడ్డారు. చారుబఖ్రా గ్రామానికి చెందిన వారిని స్థానికులు మసియా ఖాతున్ (40), రుమియా ఖాతున్ (45) మరియు హఫీజా ఖాతున్ (30) గా గుర్తించారు.

జూలై 5న అస్సాంలోని ధుబ్రిలో ప్రతిపాదిత థర్మల్ పవర్ ప్లాంట్ స్థలం వద్ద తరలింపు సందర్భంగా చారుబఖ్రా గ్రామంలో పోలీసులు గస్తీ. ఫోటో: కాజీ షరోవర్ హుస్సేన్

చారుబఖ్రా నివాసి అయిన 34 ఏళ్ల సోఫియుర్ రెహమాన్ మాట్లాడుతూ, 357 భూమిలేని కుటుంబాలు, మియాది పట్టా ఉన్న 129 కుటుంబాలు మరియు 83 మంది భూమిని కేటాయించిన యజమానులు హైకోర్టును ఆశ్రయించారని చెప్పారు. అనేక భూమిలేని కుటుంబాలు… ప్రభుత్వ ఒత్తిడి, బెదిరింపుల కారణంగా ఇప్పటికే ఈ ప్రాంతాన్ని విడిచిపెట్టాయని, వారి కేసులు ఇంకా పెండింగ్‌లో ఉన్నాయని ఆయన తెలిపారు.

“50,000 రూపాయల చెక్కును అంగీకరించి ఆ ప్రాంతం నుండి వెళ్లిపోవాలని…అస్సాం ప్రభుత్వం నిరంతరం స్థానికులను ఒత్తిడి చేస్తోంది” అని రెహమాన్ చెప్పారు. గువాహటిలోని మానవ హక్కుల న్యాయవాది ఇచ్చిన సమాచారం ప్రకారం, ఈ కేసు విచారణ జూలై 22న జరగనుంది.

జూలై 5న అస్సాంలోని ధుబ్రిలో తొలగింపు కార్యక్రమంలో భాగంగా శాంతోష్‌పూర్ గ్రామంలోని నివాసితులు పోలీసు సిబ్బందిని మోహరించిన మధ్య, నివాసితులు బిజెపి నేతృత్వంలోని ప్రభుత్వం చేపట్టిన క్రూరమైన మరియు లక్ష్యంగా చేసుకున్న చర్యగా ఈ తొలగింపును ఖండించారు.

జూలై 5న అస్సాంలోని ధుబ్రిలో తొలగింపు నోటీసులు అందిన తర్వాత చారుబఖ్రా గ్రామంలోని నివాసితులు తమ ఇళ్లను కూల్చివేశారు. ఫోటో: కాజి షరోవర్ హుస్సేన్

మంగళవారం (జూలై 8) ఉదయం, రైజోర్ దళ్ నాయకుడు, ఎమ్మెల్యే అఖిల్ గొగోయ్ తొలగింపు స్థలానికి వెళ్లారు. చారుబఖ్రాలో తొలగింపుకు గురైన వ్యక్తులతో ఆయన సంభాషిస్తున్నట్లు కనిపించింది. అయితే, పోలీసులు ఆయనను అదుపులోకి తీసుకుని చాపర్ పోలీస్ స్టేషన్‌కు తీసుకెళ్లారు. కొన్ని గంటల తర్వాత అతన్ని పోలీసు వాహనం గోల్పారా జిల్లాలో వదిలిపెట్టింది.

తరువాత మీడియాతో మాట్లాడుతూ, “వారు ముస్లింలు కాబట్టి, మతతత్వ బిజెపి ప్రభుత్వం ప్రజలను హింసిస్తోంది. ఇది వారికి రాజకీయ వ్యూహం” అని ఆరోపించారు.

ప్రత్యేకంగా ముస్లిం మైనారిటీలను లక్ష్యంగా చేసుకుంటూ ప్రభుత్వం కార్పొరేట్ అనుకూల ఎజెండాను ప్రోత్సహిస్తోందని సీపీఐ(ఎం) నాయకుడు సుప్రకాష్ తాలూక్దర్ ఆరోపించారు.

“ఈ బహిష్కరణ డ్రైవ్ భూమి మరియు ప్రజా వనరులను కార్పొరేట్ ప్రయోజనాలకు బదిలీ చేసే పెద్ద ప్రణాళికలో భాగం” అని తాలూక్దర్ అన్నారు. “రాజకీయ లాభం కోసం సామాజిక విభజనలను తీవ్రతరం చేయడానికి మతపరమైన వాక్చాతుర్యాన్ని ఉపయోగిస్తూనే, ‘మియాస్ నుండి అస్సాంను రక్షించడానికి’ బిజెపి దీనిని దేశభక్తి చర్యగా రూపొందిస్తోంది.”

మమ్మల్ని ఇక్కడి నుంచి “బలవంతంగా తొలగించడం మానవ హక్కులను పూర్తిగా ఉల్లంఘించడమేనని సఫీవుర్ రహమాన్ అనే స్థానికుడు అంటున్నాడు”

“మేము తరతరాలుగా ఇక్కడ నివసిస్తున్నాము. సరైన పునరావాసం లేకుండా మమ్మల్ని అకస్మాత్తుగా ఎలా వదిలి వెళ్ళమని అడుగుతారు? మేము ఎక్కడికి వెళ్లాలి?” అని అతను ప్రభుత్వాన్ని ప్రశ్నిస్తున్నాడు.