లక్నో: ఉత్తరప్రదేశ్‌లోని ఫతేపూర్ జిల్లాలో నిన్న ఉద్రిక్తత చెలరేగింది. హిందూ మితవాద గ్రూపుల సభ్యులు లాఠీలతో ఆయుధాలు ధరించి నవాబ్ అబ్దుల్ సమద్ ఖాన్ సమాధిని పురాతన ఆలయం పైన నిర్మించారని పేర్కొంటూ దానిపై దాడి చేసి ధ్వంసం చేశారు.

హిందువుల దాడికి సంబంధించిన వీడియో లింక్

https://www.instagram.com/reel/DNNW4ANJ5gP/?igsh=MTQyNTB4ZnY0eG45eg==

ఖస్రా నంబర్ 753 కింద అధికారికంగా మక్బారా మాంగి (జాతీయ ఆస్తి)గా నమోదయిన నిర్మాణం ఇది. ప్రభుత్వ రికార్డులలో ఔరంగజేబు చక్రవర్తి పాలనలో పైలానీ ఫౌజ్‌దార్ అయిన నవాబ్ అబ్దుస్ సమద్ ఖాన్ బహదూర్ సమాధిగా దీనికి గుర్తింపు ఉంది.

బీజేపీ జిల్లా అధ్యక్షుడు ముఖ్లాల్ పాల్ ఆ సమాధి వాస్తవానికి ఠాకూర్ జీ , శివుడికి అంకితం ఇచ్చిన వెయ్యి సంవత్సరాల నాటి పురాతన ఆలయం అని ఆరోపించారు. లోపల ఉన్న కమలం పువ్వు,త్రిశూలం వంటి చిహ్నాలను రుజువుగా పేర్కొంటూ వివాదాన్ని రాజేశారు. అక్కడ గుమిగూడిన వందలాది హిందువులు ఆ స్థలంలో పూజలు చేయడానికి ప్రదర్శన చేయాలని ఆయన కోరారు.

అతని పిలుపును అనుసరించి, మఠం మందిర్ సంరక్షణ్ సంఘర్ష్ సమితితో సహా హిందూ సంస్థల సభ్యులు ఆ స్థలంలోని కొన్ని భాగాలను ధ్వంసం చేశారు. సంఘటన స్థలం నుండి వచ్చిన ఒక వీడియోలో ప్రజలు కాషాయ జెండాలు మోసుకెళ్లి, “జై శ్రీ రామ్” అని నినాదాలు చేస్తూ, భారీ పోలీసు మోహరింపు ఉన్నా… సమాధిని చుట్టుముట్టినట్లు కనిపిస్తోంది. అధికారులు బారికేడ్లు ఏర్పాటు చేసి, వారిని నిలువరించడానికి భారీ ఎత్తున PAC దళాలను మోహరించారు.

ఫతేపూర్ బజరంగ్ దళ్ జిల్లా సహ-కన్వీనర్ ధర్మేంద్ర సింగ్ పూజలు చేయాలనే తన ఉద్దేశ్యాన్ని ప్రకటించి, ” ప్రభుత్వం మమ్మల్ని ఆపలేదని” నొక్కి చెప్పారు. VHP రాష్ట్ర ఉపాధ్యక్షుడు వీరేంద్ర పాండే ఆలయ వాదనను ప్రతిధ్వనిస్తూ, మతపరమైన చిహ్నాలు, పరిక్రమ మార్గాన్ని చూపుతూ, ఆగస్టు 16న జన్మాష్టమి వేడుకలకు స్థలాన్ని సిద్ధం చేయాలని డిమాండ్ చేశారు.

ఈ వాదనలు ఉన్నప్పటికీ, పరిపాలన ఆ భూమిని అధికారికంగా జాతీయ ఆస్తి సమాధిగా నమోదు చేసిందని, పరిస్థితిని నిశితంగా పరిశీలిస్తున్నామని అధికారుు నొక్కి చెప్పారు.

జాతీయ ఉలామా కౌన్సిల్ జాతీయ కార్యదర్శి మో నసీమ్ ఈ సంఘటనను చరిత్రను వక్రీకరించడానికి, మత సామరస్యాన్ని దెబ్బతీసే ప్రయత్నమని పేర్కొన్నారు. ఈ ప్రాంతంలో శతాబ్దాల నాటి సమాధులు ఉన్నాయని, అధికారిక రికార్డులలో ఈ విషయాన్ని స్పష్టంగా నమోదు చేసారని ఆయన నొక్కి చెప్పారు. “ఇప్పుడు మనం ప్రతి మసీదు, సమాధి కింద దేవాలయాల కోసం వెతుకుతామా?” అని ఆయన ప్రశ్నించారు. అధికారులు ప్రణాళికాబద్ధమైన పూజను ఆపడంలో విఫలమైతే, ఉలామా కౌన్సిల్ నిరసనలు ప్రారంభిస్తుందని నసీమ్ హెచ్చరించారు.

ప్రస్తుతం ఫతేపూర్‌లో పరిస్థితి ఉద్రిక్తంగా ఉంది, శతాబ్దాల నాటి నిర్మాణంపై పోటీ మతపరమైన వాదనల మధ్య ఘర్షణలను నివారించడానికి పోలీసులు గట్టి బందోబస్తు ఏర్పాటు చేశారు.