ముంబయి: పూణే వ్యవసాయ ఉత్పత్తి మార్కెట్ కమిటీ డైరెక్టర్ల పర్యవేక్షణలో జరిగిన ఆర్థిక అవకతవకలపై NCP (SP) చీఫ్ శరద్ పవార్ మహారాష్ట్ర చీఫ్ సెక్రటరీకి లేఖ రాశారు. దీనిపై విచారణ చేపట్టాలని కోరారు.
NCP (SP) నాయకుడు, ఆ పార్టీ ప్రతినిధి వికాస్ లావాండే ‘X’లో పంపిన ఫిర్యాదుతో పాటు పవార్ ఆ లేఖను షేర్‌ చేసారు. “వ్యవసాయ ఉత్పత్తి మార్కెట్ కమిటీలో ప్రస్తుత కమిటీ ఆర్థిక అవకతవకల గురించి అనేక ఫిర్యాదులు అందాయి. ఇప్పటికే మా పార్టీ ప్రతినిధి వికాస్ లావాండే నాకు, APMC డైరెక్టర్‌కి లేఖ రాసి ఈ విషయాన్ని లేవనెత్తారు. మార్కెట్ కమిటీలో అక్రమాలు జరిగాయని ఆరోపించారు.
అయితే, వర్షాకాల సమావేశంలో సంబంధిత మంత్రి హామీ ఇచ్చినప్పటికీ, ఉన్నత స్థాయి విచారణను ఏర్పాటు చేయలేదు. “డిప్యూటీ డైరెక్టర్ రిజిస్ట్రార్ స్థాయి అధికారిని విచారణ అధికారిగా నియమించారు; అయితే, ఆ అధికారి స్వయంగా APMC అవకతవకలకు మద్దతు ఇస్తున్నారు. సీనియర్ అధికారి విచారణ కోరుతూ అనేక లేఖలు రాసినప్పటికీ, ఎటువంటి చర్య తీసుకోలేదు” అని లావాండే ఒక లేఖలో పేర్కొన్నారు.
