న్యూఢిల్లీ: అమెరికా వాణిజ్య ఒప్పందం ద్వారా రైతులను మోసం చేస్తున్న కేంద్ర ప్రభుత్వంపై పోరాడుతున్న ఏకైక నాయకుడు రాహుల్ గాంధీ అని తెలంగాణ సీఎం రేవంత్ రెడ్డి ప్రశంసించారు. రైతుల ప్రయోజనాలను తాకట్టు పెట్టడం దేశ ద్రోహంతో సమానమని ఎక్స్లో పేర్కొన్నారు. రాహుల్ గాంధీకి తమ పూర్తి మద్దతును ప్రకటించారు.
భారతదేశం ప్రాథమికంగా రైతుల దేశం అని సీఎం నొక్కిచెప్పారు, వారి ప్రయోజనాలను అమెరికాకు అమ్మడం దేశాన్నే మోసం చేయడంతో సమానమని హెచ్చరించారు. రైతుల రక్షణలో ఐక్యంగా ఉండటానికి విభేదాలను పక్కనపెట్టి తమతో కలిసిరావాలని ప్రజాస్వామవాదులకు పిలుపునిచ్చారు. రైతుల సంక్షేమం పక్షపాత రాజకీయాలకు అతీతంగా ఉండాలని నొక్కి చెప్పారు.
“నేడు, ఒకే ఒక నాయకుడు రాహుల్ గాంధీ మాత్రమే భారత రైతుల పక్షాన నిలబడి ఉన్నారు. వాణిజ్య ఒప్పందం పేరుతో అమెరికాకు లొంగిపోవడంపై ఆయన కేంద్ర ప్రభుత్వాన్ని ప్రశ్నిస్తున్నారు” అని సీఎం పేర్కొన్నారు. “జై జవాన్, జై కిసాన్, జై సంవిధాన్ అనే ఐకానిక్ నినాదాన్ని రాహుల్ గాంధీ రూపొందించారని సీఎం రేవంత్ రెడ్డి అన్నారు.
కాగా, సీఎం వ్యాఖ్యలపై కేంద్ర బొగ్గు, గనుల శాఖ మంత్రి జి కిషన్ రెడ్డి వెంటనే స్పందించారు. రాహుల్ గాంధీ “ప్రతికూల రాజకీయాలతో భారతదేశ వృద్ధిని దెబ్బతీసేందుకు ప్రయత్నిస్తున్నారని ఆరోపించారు. రాహుల్గాంధీ ప్రకటనలు రైతులను, ఎగుమతిదారులను తప్పుదారి పట్టిస్తాయని, వాస్తవాలు అందుకు విరుద్ధంగా ఉన్నాయని మంత్రి పేర్కొన్నారు.
“రాహుల్ గాంధీ తెలంగాణకు ఉద్యోగాలు రావాలని కోరుకుంటున్నారా లేదా? అన్ని మంత్రి కిషన్రెడ్డి నేరుగా రాహుల్గాంధీని ప్రశ్నించారు.” పత్తి డిమాండ్ తగ్గుతుందనే ఆందోళనలను ఆయన తోసిపుచ్చారు, వస్త్ర రంగం వృద్ధి చెందుతూనే ఉంటుందని, భారతీయ పత్తికి డిమాండ్ పెరుగుతుందని, తద్వారా రైతుల ఆదాయాలు పెరుగుతాయని కేంద్ర మంత్రి హామీ ఇచ్చారు.
బీజేపీ నాయకుడు కాంగ్రెస్ను మరింతగా విమర్శించారు. యూపీఏ 2004-2014 పాలనలో, జాతీయ ప్రయోజనాల దృష్ట్యా అనేక అంశాలపై రాజీ పడ్డారని ఆరోపించారు. 2013లో బాలిలో జరిగిన WTO మంత్రివర్గ సమావేశంలో 2017 నాటికి ధాన్యాలు, పత్తిపై కనీస మద్దతు ధర (MSP)ను UPA ప్రభుత్వం రద్దు చేసిందని ఆయన పేర్కొన్నారు.
ఎన్నికల్లో ఓటమి, మోడీ పట్ల శత్రుత్వం కారణంగానే… రాహుల్ గాంధీ “భారతదేశం పట్ల ద్వేషాన్ని” పెంచుకున్నారని కిషన్రెడ్డి ఆరోపించారు.
కాగా, ఈ వాదనలు…భారతదేశం-అమెరికా మధ్యంతర వాణిజ్య ఒప్పందంపై తీవ్రమవుతున్న రాజకీయ విభేదాలను నొక్కి చెబుతుంది, ప్రతిపక్ష నాయకులు దీనిని రైతులకు ముప్పుగా అభివర్ణిస్తున్నారు. ప్రభుత్వం దీనిని ఆర్థిక వృద్ధి, ఉద్యోగ సృష్టికి మార్గంగా సమర్థిస్తోంది.
