టెల్ అవీవ్ : యెమెన్‌కు చెందిన హౌతీ తిరుగుబాటుదారులు ఆదివారం ఇజ్రాయెల్ వైపు ప్రయోగించిన బాలిస్టిక్ క్షిపణి దేశంలోని అతిపెద్ద అంతర్జాతీయ విమానాశ్రయం అయిన టెల్ అవీవ్ వెలుపల ఉన్న బెన్ గురియన్ విమానాశ్రయం టెర్మినల్-3కి కేవలం 75 మీటర్ల దూరంలో పడింది. ఈ క్షిపణి నాలుగు అంచెల ఎయిర్‌ డిఫెన్స్‌ వ్యవస్థ దాటవేసి, దేశంలోని అత్యంత సున్నితమైన జోన్‌లలో ఒకటైన విమానాశ్రయం యాక్సెస్ రోడ్డుకు ఆనుకుని ఉన్న తోటను ఢీకొట్టాక 25 మీటర్ల లోతైన భారీ గుంత ఏర్పడింది.
క్షిపణి విమానాశ్రయం సమీపంలో ల్యాండ్ అయ్యే ముందు దానిని అడ్డగించడానికి చేసిన అనేక ప్రయత్నాలు విఫలమయ్యాయని, గాలిలోకి పొగలు దూసుకుపోయాయని ఇజ్రాయెల్ రక్షణ దళాలు (IDF) తెలిపాయి. అయితే, టెర్మినల్ మౌలిక సదుపాయాను ప్రత్యక్షంగా ఢీకొనకుండా నిరోధించారు. అయినప్పటికీ ఇది టెర్మినల్ భవనంలోని ప్రయాణికులలో భయాందోళనలకు కారణమైంది.
ఈ దాడిలో కనీసం ఎనిమిది మంది గాయపడ్డారని ఇజ్రాయెల్ జాతీయ అత్యవసర సేవ మాగెన్ డేవిడ్ అడోమ్ (MDA) తెలిపారు. దాడి తర్వాత జరిగిన పరిణామాల వీడియోను సైన్యం విడుదల చేసింది, విమానాశ్రయ నియంత్రణ టవర్ దూరంలో కనిపిస్తుంది. కాగా, దేశంలోని అత్యంత సున్నితమైన మండలాల్లో ఒకటైన క్షిపణి ఢీకొన్న ప్రదేశం ఉల్లంఘనపై అధికారులు పూర్తి స్థాయి దర్యాప్తును ప్రారంభించారు.
క్షిపణులు, డ్రోన్‌లను ఎదుర్కోవడానికి ఇజ్రాయెల్ విస్తృతమైన వాయు రక్షణ వ్యవస్థను కలిగి ఉంది. ఐరన్ డోమ్ పేరిట ఉన్న ఈ వ్యవస్థ, క్షిపణి లాంచర్ నుండి 4 కి.మీ నుండి 70 కి.మీ మధ్య పరిధిలో స్వల్ప-శ్రేణి రాకెట్‌లను, అలాగే షెల్‌లు, మోర్టార్లు, క్షిపణి దాడి తర్వాత, ఇజ్రాయెల్ రక్షణ మంత్రి ఇజ్రాయెల్ కాట్జ్ కఠినమైన హెచ్చరిక జారీ చేశారు: “ఎవరైతే మాకు హాని చేస్తారో, మేము వారిని ఏడు రెట్లు దాడి చేస్తామని అన్నారు.”
ఇరాన్ మద్దతుగల గ్రూపుపై అమెరికా విస్తృత సైనిక ప్రచారానికి నాయకత్వం వహిస్తున్నందున, ఇజ్రాయెల్ ఇప్పటివరకు యెమెన్‌పై ప్రతీకార దాడులు ప్రారంభించకుండా ఉంది. హౌతీ నాయకులు ఈ దాడిని తమ సుదూర దాడుల సామర్థ్యాన్ని ప్రదర్శిస్తున్నట్లు చెప్పుకొచ్చారు.
సీనియర్ హౌతీ అధికారి మొహమ్మద్ అల్-బుఖైతి అల్-అరబీ టీవీతో మాట్లాడుతూ, ఇజ్రాయెల్‌తో తమ గ్రూపుకు “ఎటువంటి రెడ్ లైన్స్” లేవని, సున్నితమైన ఇజ్రాయెల్ లక్ష్యాలను చేధించే సామర్థ్యాన్ని నొక్కిచెప్పారని ది టైమ్స్ ఆఫ్ ఇజ్రాయెల్ నివేదించింది.
మరోవంక హౌతీ మీడియా చీఫ్ నాసర్ అల్-దిన్ ఒమర్ అంతర్జాతీయ విమానయాన సంస్థలకు ఇజ్రాయెల్‌కు లేదా అక్కడి నుండి ఎగరకుండా హెచ్చరిక జారీ చేశారు, అలాంటి కార్యకలాపాలు విమానాల భద్రతకు ముప్పు కలిగిస్తాయని పేర్కొన్నారు.
