హైదరాబాద్: ఛత్తీస్‌గఢ్‌కు చెందిన 17 మంది మావోయిస్టులు తెలంగాణలోని భద్రాద్రి కొత్తగూడెంలో సెంట్రల్ రిజర్వ్ పోలీస్ ఫోర్స్ (CRPF)ముందు లొంగిపోయారు. వీరిలో 11 మంది పురుషులు, ఆరుగురు మహిళలు. అయితే వీరిలో ఇద్దరు ఏరియా కమిటీ సభ్యులు (ACM)గా పనిచేస్తున్నారని భద్రాద్రి కొత్తగూడెం పోలీసు సూపరింటెండెంట్ (SP) రోహిత్ రాజ్ మీడియాతో మాట్లాడుతూ తెలిపారు.
“తెలంగాణ ప్రభుత్వం ప్రారంభించిన ఆపరేషన్ చేయూత కార్యక్రమంలో భాగంగా మావోయిస్టులు లొంగిపోయారు” అని ఎస్పీ తెలిపారు. తక్షణ సహాయంలో భాగంగా పోలీసులు రూ.25,000 చెక్కులను మంజూరు చేశారు. కాగా, ఈ ఏడాది
జనవరి నుండి ఇప్పటివరకు 282 మంది మావోయిస్టులు భద్రతా దళాలకు లొంగిపోయారు.
తెలంగాణలో మావోయిస్టులు లొంగిపోయారు
నిషేధిత CPI (మావోయిస్ట్) పార్టీతో సంబంధం ఉన్న ముప్పై ఎనిమిది మంది సభ్యులు మే 9న భద్రాద్రి-కొత్తగూడెం పోలీసుల ముందు తమ ఆయుధాలతో సహా లొంగిపోయారు. ఈ బృందంలో ఇద్దరు పార్టీ సభ్యులు, 16 మంది మిలీషియా సభ్యులు, ఏడుగురు గ్రామ కమిటీ సభ్యులు (VCMలు), 6 మంది క్రాంతికారి ఆదివాసీ మహిళా సంఘటన్ (KAMS) సభ్యులు, 3 మంది చేతనా నాట్య మంచ్ (CNM) సభ్యులు, నలుగురు గెరిల్లా రివల్యూషనరీ డిస్ట్రిక్ట్స్ (GRDలు) సభ్యులు ఉన్నారు. వీరంతా నక్సలిజాన్ని విడిచిపెట్టి, తమ కుటుంబాలతో ప్రశాంతమైన జీవితాన్ని గడపాలని నిర్ణయించుకున్నారు.
