టెహ్రాన్: ఇరాన్ అణ్వాయుధాన్ని అభివృద్ధి చేయకుండా నిరోధించే ప్రయత్నంలో ఇజ్రాయెల్ ఇరాన్‌పై వైమానిక దాడులతో విరుచుకుపడింది. దీంతో ఇరాన్, ఇజ్రాయెల్ మధ్య ఉద్రిక్తతలు పెరిగాయి. ఫలితంగా ఇరాన్ ఇజ్రాయెల్‌పై ప్రతిదాడులకు దిగింది. ఇజ్రాయెల్‌లోని రెండు అతిపెద్ద నగరాలు అయిన టెల్ అవీవ్,జెరూసలేంపై క్షిపణులు ప్రయోగించింది. దీంతో ఆయా నగరాల్లోని పౌరులు బంకర్లలోకి పరిగెత్తారు. ఇరానియన్ క్షిపణులను అడ్డగించడానికి తమ వైమానిక రక్షణ వ్యవస్థలు పనిచేస్తున్నాయని ఇజ్రాయెల్ సైన్యం తెలిపింది.
ఇరాన్ వైపు నుండి డజన్ల కొద్దీ క్షిపణులను ప్రయోగించారు, “వాటిలో కొన్నింటిని అడ్డగించామని ఇజ్రాయెల్ సైన్యం తెలిపింది. అయితే ప్రాణనష్టంపై వ్యాఖ్యానించడానికి నిరాకరించింది. కానీ క్షిపణి ఢీకొన్న ప్రదేశాలలో రెస్క్యూ బృందాలు పనిచేస్తున్నాయని చెప్పింది.
ఇజ్రాయెల్ మీడియా ప్రకారం, టెల్ అవీవ్‌లో ఒక అనుమానిత క్షిపణి కూలిపోయింది. జెరూసలేంలో పెద్ద శబ్దం వినిపించిందని ఒక పౌరుడు తెలిపినట్లు రాయిటర్స్ నివేదించింది. అయితే, ఈ చర్య వెనుక ఇరానియన్ దాడులు ఉన్నాయా లేదా అనేది అస్పష్టంగా ఉంది.
ఇజ్రాయెల్‌పై ఇరాన్ దాడుల తర్వాత ‘ఇంకా ఎక్కువ జరగబోతోంది’ అని ఇజ్రాయెల్ ప్రధాన మంత్రి బెంజమిన్ నెతన్యాహు ఇరానియన్లకు చెప్పారు. ఇరాన్ సుప్రీం నాయకుడు అయతుల్లా అలీ ఖమేనీ ఇజ్రాయెల్ యుద్ధాన్ని ప్రారంభిస్తోందని ఆరోపించారు.
ఇరాన్ రాజధాని టెహ్రాన్‌లో ఇలాంటి పేలుళ్లు వినిపించాయని సెమీ-అధికారిక తస్నిమ్ వార్తా సంస్థ తెలిపింది.
ఇరాన్ ఫార్ వార్తా సంస్థ ప్రకారం, శుక్రవారం రాత్రి రెండు సార్లు వైమానికి దాడుల తర్వాత, టెహ్రాన్‌పై మళ్లీ శనివారం వైమానిక దాడులను ప్రారంభించింది. దీనికి ఇరాన్ ప్రతిస్పందించింది. ఇజ్రాయెల్‌లో ఎక్కడా సురక్షితంగా ఉండదని మరియు ప్రతీకారం తీర్చుకోవడం బాధాకరంగా ఉంటుందని ఇరాన్ సీనియర్ అధికారి ఒకరు అన్నారు.
ఇజ్రాయెల్ అంబులెన్స్ సర్వీస్ శుక్రవారం రాత్రి టెల్ అవీవ్ ప్రాంతంలో 34 మంది గాయపడ్డారని, వారిలో చాలా మందికి స్వల్ప గాయాలయ్యాయని తెలిపింది. తరువాత ఒకరు మరణించారని పోలీసులు తెలిపారు.
శుక్రవారం నాడు, ఇజ్రాయెల్ వైపు దూసుకుపోతున్న ఇరానియన్ క్షిపణులను కూల్చివేసేందుకు అమెరికా సైన్యం సహాయం చేసిందని ఇద్దరు అమెరికా అధికారులు తెలిపారు. టెహ్రాన్ తన అణు కార్యక్రమంపై ఒక ఒప్పందానికి రావడం ద్వారా ఇజ్రాయెల్ బాంబు దాడుల ప్రచారాన్ని ఆపడానికి ఇంకా ఆలస్యం కాలేదని అధ్యక్షుడు డొనాల్డ్ ట్రంప్ అన్నారు.
కాగా, ఇరాన్‌పై ఇజ్రాయెల్ దాడులు, ఇరాన్ ప్రతీకారం విస్తృత ప్రాంతీయ ఘర్షణల భయాలను రేకెత్తించాయి, అయినప్పటికీ ఇరాన్ మిత్రదేశాలు గాజాలో హమాస్, లెబనాన్‌లోని హిజ్బుల్లాను ఇజ్రాయెల్ నాశనం చేసింది.
