హైదరాబాద్: గంజాయి సాగు, నిషేధిత మాదకద్రవ్యాలు, డ్రగ్స్‌ అంతర్-రాష్ట్ర రవాణాను అరికట్టడానికి తెలంగాణ యాంటీ నార్కోటిక్స్ బ్యూరోను ప్రత్యేక ఎలైట్ యాక్షన్ గ్రూప్ ఫర్ డ్రగ్ లా ఎన్‌ఫోర్స్‌మెంట్ (EAGLE)గా అప్‌గ్రేడ్ చేసి పేరు మార్చినట్లు తెలంగాణ ప్రభుత్వం ప్రకటించింది.
నిన్న ‘అంతర్జాతీయ మాదకద్రవ్యాల దుర్వినియోగం, అక్రమ రవాణా వ్యతిరేక దినోత్సవం’ సందర్భంగా ముఖ్యమంత్రి ఎ రేవంత్ రెడ్డి ఈ ప్రకటన చేశారు. EAGLE టీమ్‌లోని సిబ్బంది కోసం మాదక ద్రవ్యాల నిర్మూలన కోసం ప్రత్యేక శిక్షణ ఇస్తారు. ఇందులో ఇంటెలిజెన్స్ సేకరణ, దర్యాప్తు వంటి విధానాలు ఉంటాయి.
EAGLE ఒక డెడికేటెడ్ వాట్సాప్ నంబర్ (897781972), టోల్-ఫ్రీ హెల్ప్‌లైన్ (1972)ను ప్రవేశపెట్టింది, దీని ద్వారా ప్రజలు మాదక ద్రవ్యాల కార్యకలాపాల గురించి సమాచారాన్ని అందించవచ్చు. మాదక ద్రవ్యాలపై అవగాహన కల్పించడానికి రాష్ట్ర, జిల్లా, మండల, మరియు గ్రామ స్థాయిలో సమావేశాలు, ప్రచార కార్యక్రమాలను నిర్వహించడానికి ప్రణాళికలు రూపొందించారు. పాఠశాలలు, కళాశాలలు, యూనివర్సిటీలు, గ్రామ సచివాలయాలలో 10 సభ్యులతో కూడిన ‘EAGLE కమిటీలు’ ఏర్పాటు చేస్తారు.
పాఠశాలలు, కళాశాలల నుండి నమోదైన వివిధ మాదకద్రవ్యాల దుర్వినియోగ కేసులపై, అటువంటి అక్రమాలకు పాల్పడినట్లు తేలితే ఏ విద్యా సంస్థలను వదిలిపెట్టబోమని ముఖ్యమంత్రి రేవంత్ హెచ్చరించారు. యాజమాన్యాలతో ప్రత్యేక సమావేశాలు నిర్వహించి వారి బాధ్యతల గురించి వారికి అవగాహన కల్పించాలని ఆయన జిల్లా కలెక్టర్లను ఆదేశించారు.
మాదకద్రవ్యాల నివారణ ప్రయత్నాలలో పాల్గొనాలని, ఏవైనా సంఘటనలు జరిగితే TGNAB టోల్-ఫ్రీ నంబర్ 1908 కు కాల్ చేయడం ద్వారా తెలియజేయాలని ‘సీఎం విద్యార్థులకు విజ్ఞప్తి చేశారు.
సమీప భవిష్యత్తులో క్రీడాకారులకు ఎన్నికల రాజకీయాల్లో ప్రత్యేక కోటా ఉంటుందని ముఖ్యమంత్రి ప్రకటించారు. ఈ కార్యక్రమంలో టాలీవుడ్ నటులు రామ్ చరణ్, విజయ్ దేవరకొండ, దర్శకుడు దిల్ రాజు, బ్యాడ్మింటన్ ప్రపంచ ఛాంపియన్ పుల్లెల గోపీచంద్ హాజరయ్యారు.
ఈ సందర్భంగా సీఎం రేవంత్ రెడ్డీ ‘ఈగల్’కు సంబంధించిన ట్వీట్ చేశారు.
