న్యూఢిల్లీ: గాజాలో తక్షణ కాల్పుల విరమణకు భారత్‌ పిలుపునిచ్చింది. అక్కడ కొనసాగుతున్న “మానవతా సంక్షోభం”పై ఐక్యరాజ్యసమితి భద్రతా మండలిలో తీవ్ర ఆందోళన వ్యక్తం చేసింది. ఆ ప్రాంత ప్రజలు ఎదుర్కొంటున్న సవాళ్లను పరిష్కరించడానికి అడపాదడపా కాల్పుల విరమణలు సరిపోవని పేర్కొంది. పాలస్తీనా లక్ష్యానికి భారతదేశం మద్దతు “అచంచలమైనది” అని ఐక్యరాజ్యసమితిలో భారత శాశ్వత ప్రతినిధి పర్వతనేని హరీష్ అన్నారు.

మధ్యప్రాచ్యంలో పరిస్థితిపై UN భద్రతా మండలి త్రైమాసిక బహిరంగ చర్చ సందర్భంగా ఐక్యరాజ్యసమితిలో భారతదేశ శాశ్వత ప్రతినిధి హరీష్ ఈ వ్యాఖ్యలు చేశారు. గాజాలో మానవతా సంక్షోభంపై పెరుగుతున్న అంతర్జాతీయ ఆందోళనల మధ్య ఈ సమావేశం జరిగింది. ఇక్కడ ఆకలి, అరకొర సాయంపై అటు ప్రభుత్వాలు, ఇటు మానవతా సంస్థలలో ఆందోళనను రేకెత్తించాయి.

మునుపటి ప్రకటనలలో వలె, భారతదేశం ఇజ్రాయెల్‌ను నేరుగా పేర్కొనలేదు. అయితే, బుధవారం జోక్యం బహుశా వివాదం ప్రారంభమైనప్పటి నుండి మానవతావాద మరణాల గురించి న్యూఢిల్లీ యొక్క అత్యంత శక్తివంతమైన బహిరంగ ఆందోళనను సూచిస్తుంది.

గత నెలలో, గాజాలో కాల్పుల విరమణ, బందీలను విడుదల చేయడం, ఎటువంటి ఆటంకం లేకుండా మానవతాసాయం అందించాలనే UN జనరల్ అసెంబ్లీ తీర్మానంపై ఓటింగ్‌కు భారతదేశం దూరంగా ఉంది.
తీర్మానంలోని కీలక అంశాలను భారతదేశం సమర్ధించినప్పటికీ, “చర్చలు, దౌత్యం” అవసరాన్ని గుర్తుచేస్తూ గైర్హాజరు అయ్యామని పేర్కొంది. 149 దేశాలు మాత్రమే గైర్హాజరయ్యాయి, 19 దేశాలు మాత్రమే తీర్మానానికి మద్దతు ఇచ్చాయి.

భారతదేశం ఇజ్రాయెల్‌కు అనుకూలంగా ఓటు వేయడంతో ప్రతిపక్ష పార్టీలు తీవ్ర విమర్శించాయి. ప్రధానమంత్రి నెతన్యాహు ప్రభుత్వం సన్నిహిత దౌత్య సంబంధాలకు పేరుగాంచిన ప్రభుత్వం భారతదేశ సాంప్రదాయ విదేశాంగ విధాన వైఖరిని విడిచిపెట్టిందని వారు ఆరోపించారు.

‘సరిపోదు’
ఒక నెల కంటే ఎక్కువ కాలం తర్వాత, భారతదేశం తన వైఖరిని పునరుద్ఘాటించింది కానీ దిగజారుతున్న మానవతా పరిస్థితిపై ఆందోళన స్వరాన్ని పెంచింది.

“గాజాలో కొనసాగుతున్న మానవతా సంక్షోభం నేపథ్యంలో ఈ సమావేశం జరుగుతోంది. ఆహారం, ఇంధనం కొరత, వైద్య సేవలు సరిపోకపోవడం, విద్య అందుబాటులో లేకపోవడం వంటి సమస్యలతో గాజా వాసులు సతమతమవుతున్నారు. ఈ మానవతా సవాళ్లను పరిష్కరించడానికి అడపాదడపా కాల్పుల విరమణలు సరిపోవని భారత ప్రతినిధి హరీష్ అన్నారు.

ఆరోగ్య, విద్యా రంగాలలో సేవల పతనం ముఖ్యంగా తీవ్రంగా ఉందని ఆయన నొక్కి చెప్పారు. “గాజాలోని అన్ని ఆసుపత్రులలో దాదాపు 95% దెబ్బతిన్నాయని WHO అంచనా వేసింది. 6లక్షల 50వేల కంటే ఎక్కువ మంది పిల్లలు 20 నెలలకు పైగా పాఠశాల విద్యకు దూరంగా ఉన్నారని మానవ హక్కుల హైకమిషనర్ కార్యాలయం నివేదించిందని యూఎన్‌లో భారత శాశ్వత ప్రతినిధి అన్నారు.