ఇంఫాల్: మణిపూర్‌లోని బిష్ణుపూర్ జిల్లాలో శుక్రవారం సాయంత్రం సాయుధులైన వ్యక్తుల బృందం పారామిలిటరీ దళానికి చెందిన వాహనంపై మెరుపుదాడి చేయడంలో అస్సాం రైఫిల్స్‌కు చెందిన ఇద్దరు జవాన్లు మృతి చెందగా, ఐదుగురు గాయపడ్డారని అధికారులు తెలిపారు. గాయపడిన ఐదుగురిని ప్రాంతీయ వైద్య శాస్త్ర సంస్థకు తీసుకువచ్చినట్లు రిమ్స్ అధికారి ఒకరు పిటిఐకి తెలిపారు. ఈ సంఘటన జిల్లాలోని నంబోల్ సబల్ లైకై ప్రాంతంలో సాయంత్రం 5.50 గంటల ప్రాంతంలో జరిగింది. ఇంతవరకు ఏ గ్రూపు దాడికి బాధ్యత వహించలేదు.
“… మణిపూర్‌లోని డీనోటిఫైడ్ ప్రాంతంలోని హైవేపై గుర్తు తెలియని ఉగ్రవాదులు ఆ స్థావరంపై మెరుపుదాడి చేశారు. తరువాత జరిగిన చర్యలో, అస్సాం రైఫిల్స్‌కు చెందిన ఇద్దరు సిబ్బంది అమరులయ్యారు, ఐదుగురు గాయపడ్డారు, వారిని RIMSకి తరలించారు. ప్రస్తుతం వారి ఆరోగ్య పరిస్థితి స్థిరంగా ఉందన్నారు. ఈ సంఘటనలో పాల్గొన్న ఉగ్రవాదులను పట్టుకోవడానికి గాలింపు సాగుతుందని” ఆ ప్రకటన తెలిపింది. మరణించిన వ్యక్తులను నాయక్ సుబేదార్ శ్యామ్ గురుంగ్, రైఫిల్‌మన్ కేశప్‌గా గుర్తించారు. గాయపడిన వారిని ఇంఫాల్ తూర్పు జిల్లాకు చెందిన నింగ్‌థౌఖోంగ్జామ్ నోంగ్థాన్, అస్సాంలోని లఖింపూర్‌కు చెందిన డిజె దత్తా, సిక్కింకు చెందిన హవ్ బికె రాయ్, మేఘాలయలోని తురాకు చెందిన ఎల్‌పి సంగ్మా, ఉత్తరాఖండ్‌కు చెందిన సుభాష్‌చంద్రగా గుర్తించారు.
రాష్ట్ర రాజధాని ఇంఫాల్ నుండి 16 కి.మీ దూరంలో ఉన్న ఘటనా స్థలం నుండి పోలీసులు, ఫోరెన్సిక్ సిబ్బంది అనేక బుల్లెట్లను స్వాధీనం చేసుకున్నారు. దాడి చేసినవారు పారిపోయి ఉండవచ్చని భావించి సమీప ప్రాంతాలలో గాలించేందుకు వీలుగా అదనపు దళాలను అక్కడికి పంపినట్లు ఒక అధికారి తెలిపారు.
గాయపడిన సిబ్బంది ఎన్ నోంగ్థాన్ విలేకరులతో మాట్లాడుతూ “దాడి చేసిన వారిలో దాదాపు 4-5గురు అకస్మాత్తుగా మాపై కాల్పులు జరిపారు. ఇది రద్దీ ప్రదేశం కావడం, ప్రజలకు గాయాలయ్యే అవకాశం ఉన్నందున మేము వెంటనే ప్రతీకారం తీర్చుకోలేదని ఆయన అన్నారు.”
మణిపూర్‌లోని ఐదు లోయ జిల్లాల్లోని 13 పోలీస్ స్టేషన్ ప్రాంతాలు మినహా మొత్తం మణిపూర్‌లో సాయుధ దళాల (ప్రత్యేక అధికారాలు) చట్టం లేదా AFSPA అమలులో ఉంది. దాడి జరిగిన నంబోల్ బిష్ణుపూర్ జిల్లాలో ఉంది. దీనికి AFSPA కవరేజ్ లేదని ఒక అధికారి తెలిపారు.
ముందస్తు దాడి జరిగిన నంబోల్ జిల్లాలో, పోలీసులు 45 ఏళ్ల వ్యక్తిని అరెస్టు చేసిన తర్వాత, అదే జిల్లాలో, దాడి జరిగిన ప్రదేశం నుండి దాదాపు 20 కి.మీ దూరంలో ఉన్న ప్రధాన రహదారిని నిరసనకారులు దిగ్బంధించారు.
మరోవంక గాయపడిన భద్రతా సిబ్బందిని మాజీ ముఖ్యమంత్రి ఎన్ బిరెన్ సింగ్ RIMSలో పరామర్శించారు.”నంబోల్ సబల్ లీకైలో మా ధైర్యవంతులైన 33 అస్సాం రైఫిల్స్ సిబ్బందిపై దాడి గురించి విని నేను తీవ్రంగా కలచివేశాను. మృతుల కుటుంబాలకు నా ప్రగాఢ సంతాపం, గాయపడినవారు త్వరగా కోలుకోవాలని కోరుకుంటునన్నారు. వారి ధైర్యం, త్యాగం మన హృదయాల్లో ఎప్పటికీ నిలిచి ఉంటాయి. ఈ దారుణ నేరానికి పాల్పడిన వారు కఠినమైన శిక్షను అనుభవించాలి” అని ఆయన అన్నారు.
కాగా, 2023మేలో మైటీ, కుకి వర్గాల మధ్య జాతి ఘర్షణలు కనీసం 260 మంది మరణించగా, వేలాది మంది నిరాశ్రయులయ్యారు. బిరెన్ సింగ్ రాజీనామా చేసిన తర్వాత ఫిబ్రవరిలో మణిపూర్‌లో రాష్ట్రపతి పాలన విధించారు.
