చైనా: హాంకాంగ్లో పెను విషాదం జరిగింది. అక్కడి తాయ్ పో ప్రాంతంలో ఉన్న వాంగ్ ఫుక్ కోర్ట్ అపార్ట్మెంట్లలో ఘోర అగ్నిప్రమాదం సంభవించింది. ఈ దుర్ఘటనలో 44 మంది సజీవదహనమయ్యారు. వందలాది మంది ఆచూకీ తెలియలేదు. అగ్నికీలలో ఇంకా మండుతూనే ఉన్నాయి. దీనికి సంబంధించి ముగ్గురు అనుమానితులను అరెస్టు చేసినట్లు పోలీసులు తెలిపారు.
రెండువేల అపార్ట్మెంట్ యూనిట్లతో కూడిన ఎనిమిది భవనాల సముదాయంలో బుధవారం మధ్యాహ్నం ప్రారంభమైన అగ్నిప్రమాదం ప్రపంచంలోనే అత్యంత జనసాంద్రత కలిగిన, ఎత్తైన నివాస సముదాయాలను కలిగి ఉన్న చైనా ఆర్థిక కేంద్రాన్ని దిగ్భ్రాంతికి గురిచేసింది.
అగ్నిప్రమాదానికి సంబంధించి నరహత్యకు పాల్పడినట్లు అనుమానిస్తూ ముగ్గురు వ్యక్తులను అరెస్టు చేసినట్లు పోలీసులు తెలిపారు. వారు ఏమి చేస్తున్నారన్న దానిపై ఎటువంటి వివరాలు ఇవ్వలేదు. తాయ్ పో ఉత్తర జిల్లాలోని వాంగ్ ఫక్ కోర్టులోని అనేక అపార్ట్మెంట్ బ్లాక్లలో వెదురు స్కాఫోల్డింగ్పై భారీ మంటలు మొదట వ్యాపించాయి.
హాంకాంగ్ చీఫ్ ఎగ్జిక్యూటివ్ జాన్ లీ ఈ ఘటనపై తీవ్ర విచారం వ్యక్తం చేశారు. ఇంకా 279 మంది గల్లంతయ్యారని, 29 మంది ఆసుపత్రిలో చికిత్స పొందుతున్నారని, వీరిలో ఏడుగురి పరిస్థితి విషమంగా ఉందని ఆయన తెలిపారు.
బుధవారం అగ్నిప్రమాదం జరిగిన ప్రదేశంలో, AFP రిపోర్టర్కు పెద్ద శబ్దాలు వినిపించాయి. వెదురు గోడలు, నిర్మాణ నెట్ తొలగించకపోవడం, బలమైన గాలులు… మంటలు వేగంగా వ్యాపించడానికి కారణమయ్యాయి. హాంకాంగ్ చరిత్రలో 17 ఏళ్ల తర్వాత ఇదే అతిపెద్ద అగ్నిప్రమాదం కావడం గమనార్హం. సహాయక చర్యలు కొనసాగుతున్నాయి.
యుయెన్ అనే ఇంటిపేరు గల 65 ఏళ్ల నివాసి తాను నాలుగు దశాబ్దాలకు పైగా కాంప్లెక్స్లో నివసిస్తున్నానని తన పొరుగువారిలో చాలా మంది వృద్ధులు ఉన్నారని, బహుశా మంటలు వారిని బయటికి రానీయలేక పోయి ఉండవచ్చని చెప్పాడు.
“నిర్వహణ కారణంగా కిటికీలు మూసివేసారు. అసలు కొంతమందికి అగ్ని ప్రమాదం జరిగిందని తెలియదు. పొరుగువారు ఫోన్ కాల్స్ ద్వారా వారిని ఖాళీ చేయమని చెప్పాల్సి వచ్చింది” అని యుయెన్ AFPకి చెప్పారు. “నేను చాలా బాధపడ్డాను. ఆస్తి నష్టం. ప్రాణ నష్టం జరిగింది, ఒక అగ్నిమాపక సిబ్బంది కూడా మరణించారు.” 900 మందికి పైగా తాత్కాలిక ఆశ్రయాలలో ఆశ్రయం పొందారని హాంకాంగ్ చీఫ్ ఎగ్జిక్యూటివ్ జాన్ లీ చెప్పారు.
