తిరువనంతపురం: కేరళ రాష్ట్రం పతనంతిట్ట పండలంలో హిందూత్వ గ్రూపులు నిర్వహించిన ఓ కార్యక్రమంలో శ్రీ రామదాస మిషన్ అధ్యక్షుడు శాంతానంద శబరిమల వావర్‌పై విద్వేషకర వ్యాఖ్యలు చేశారు.
వావర్‌ను దాదాపు 30 సంవత్సరాల క్రితం శబరిమలలోనే స్థాపించారని,ఆ దేవతను అయ్యప్ప స్వామితో ముడిపెట్టకూడదని పూజారి ఆరోపించారు. “వావర్ ఒక ముస్లిం ఆక్రమణదారుడు, అయ్యప్పపై దాడి చేయడానికి వచ్చిన ఉగ్రవాది” అని ఆయన అన్నారు.
ఆ దేవతకు అయ్యప్ప స్వామితో సంబంధం ఉండకూడదని పూజారి ఆరోపించారు. అప్పుడు ఆయన మాట్లాడుతూ, “వావర్ ఒక ముస్లిం ఆక్రమణదారుడు, అయ్యప్పపై దాడి చేయడానికి వచ్చిన ఉగ్రవాది” అని అన్నారు. అంతేకాదు వావర్‌ను ముస్లిం అయినందున పూజించకూడదని శాంతానంద్ అన్నారు. బదులుగా, ‘వాపురాన్’ను పూజించాలని సూచించారు.
కాగా, ఈ కార్యక్రమ నిర్వాహకులు బిజెపి తమిళనాడు రాష్ట్ర మాజీ అధ్యక్షుడు అన్నామలైని కూడా ఆహ్వానించారు. ఆయన ఈ కార్యక్రమాన్ని ప్రారంభించారు. తన ప్రసంగంలో, కేరళ, తమిళనాడు ముఖ్యమంత్రులు పినరయి విజయన్, ఎంకె స్టాలిన్‌పై మాటల దాడి చేశారు.
ద్వేషపూరిత ప్రసంగం తర్వాత పాండలం రాజకుటుంబంపై కేసు నమోదు చేశారు. మతపరమైన భావాలను దెబ్బతీసినందుకు, మత సమూహాల మధ్య శత్రుత్వాన్ని సృష్టించినందుకు ఎ. ఆర్. ప్రదీప వర్మ దాఖలు చేసిన ఫిర్యాదుపై కేసు నమోదు చేశారు. గతంలో, కాంగ్రెస్ మీడియా ప్రతినిధి అడ్వకేట్ వి ఆర్ అనూప్ మరో ఫిర్యాదు దాఖలు చేశారు.
