న్యూఢిల్లీ: బహిరంగ స్థలాల్లో రాష్ట్రీయ స్వయంసేవక్ సంఘ్ (ఆర్ఎస్ఎస్) కార్యకలాపాలను నిషేధించాలని డిమాండ్ చేసిన కర్ణాటక మంత్రి ప్రియాంక్ ఖర్గేకు బెదిరింపులు వచ్చాయి.
ఇందుకు సంబంధించి మంత్రి నిన్న Xలో ఒక కలతపెట్టే వీడియోను షేర్చేసారు. ఇందులో ఒక వ్యక్తి తనపై, అతని కుటుంబంపై, సీనియర్ కాంగ్రెస్ నాయకులపై అవమానకరంగా దుర్భాషలాడుతున్నాడు. ఖర్గే ఈ క్లిప్ను RSS తన శాఖల ద్వారా యువ మనస్సులలో నింపుతున్న “మలినానికి” ఇది ఒక “నమూనా”గా అభివర్ణించారు.
ఈమేరకు… తల్లులు, సోదరీమణులను అవమానించడం ఆర్ఎస్ఎస్ భావజాలానికి అనుగుణంగా ఉందా అని ప్రధానమంత్రి నరేంద్ర మోడీ, RSS చీఫ్ మోహన్ భగవత్లను ఖర్గే ప్రశ్నించారు. BY విజయేంద్ర, R అశోక వంటి బిజెపి నాయకులు అలాంటి ప్రవర్తనను సమర్థిస్తున్నారని ఆయన విమర్శించారు. బిజెపి నాయకుల పిల్లలు ఉజ్వల భవిష్యత్తును వెతుక్కుంటూ ఉండగా, పేదల పిల్లలను విద్వేష వ్యూహాలలోకి నెట్టివేయడం ఎంతవరకు సబబు ఆయన సవాల్ చేశారు.
బెదిరింపు కాల్ చేసేవారిపై ఫిర్యాదులను దాఖలు చేయకపోవడం తప్పని, వారిని ఆర్ఎస్ఎస్ ప్రభావితం చేసిందని ఆయన ఆరోపిస్తున్నారు. “మురికి మనస్తత్వం”, అమాయక యువతను కలుషితం చేస్తున్న “దుష్ట శక్తుల”కు వ్యతిరేకంగా తాను పోరాటంగా చేస్తానని ఖర్గే పేర్కొన్నారు. విభజన సిద్ధాంతాలకు బదులుగా బుద్ధుడు, బసవుడు, అంబేద్కర్ తత్వాన్ని RSS అనుచరులను అలవరచుకోవాలని మంత్రి కోరారు.
సైద్ధాంతిక, ప్రజా-ఆధారిత రాజకీయాలకు కట్టుబడి ఉన్న ఖర్గే, ఈ “కలుషిత వ్యవస్థ” నుండి యువతను రక్షించడానికి దృఢమైన చర్యలు తీసుకుంటానని ప్రతిజ్ఞ చేశాడు. బెదిరింపులను తాను భయపడనని తేల్చి చెప్పారు.
అక్టోబర్ 14 Xలో, ప్రభుత్వ ఆర్థికసాయంతో నడిచే పాఠశాలలు, కళాశాలల మైదానాలు, ప్రభుత్వ స్థలాల్లో ఆర్ఎస్ఎస్ కార్యక్రమాలు నిర్వహిస్తూ.. లౌకికవాదం, భారతీయ ఏకతకు వ్యతిరేకంగా నినాదాలు ఇస్తున్నారు. రాజ్యాంగ ఆశయాలకు వ్యతిరేకంగా విషభావాలను నింపుతున్న కారణంగా ఆర్ఎస్ఎస్పై నిషేధం విధించాలని ఖర్గే వివరించారు. ఈమేరకు హోం మంత్రిత్వ శాఖకు చర్య తీసుకోవాలని ఖర్గే లేఖ రాశారు. కర్ణాటక హోం మంత్రి అవసరమైన చర్యలు తీసుకుంటామని హామీ ఇచ్చారు. కాగా ఈ సంఘటన RSS ప్రభావంపై పెరుగుతున్న రాజకీయ ఉద్రిక్తతలను నొక్కి చెబుతుంది.
