శాంటియాగో: చిలీలో జరిగిన FIFA U-20 ప్రపంచ కప్ను గెలుచుకోవడం ద్వారా మొరాకో జాతీయ అండర్-20 ఫుట్బాల్ జట్టు చారిత్రాత్మకమైన,అపూర్వమైన ఘనతను సాధించింది. శాంటియాగోలోని జూలియో మార్టినెజ్ క్రిసార్డనోస్ నేషనల్ స్టేడియంలో ఆదివారం జరిగిన ఫైనల్లో అర్జెంటీనాపై 2 గోల్స్తో అద్భుతమైన విజయం సాధించిన తర్వాత మొరాకో మొట్టమొదటి U20 ప్రపంచ కప్ టైటిల్ను గెలుచుకుంది.
అట్లాస్ కబ్స్ టోర్నమెంట్ అంతటా అభిమానులను ఆకర్షించే కమాండింగ్ ఆటను అందించింది. ఫైనల్లోనూ దూకుడైన ఆటతో అద్భుతమైన విజయాన్ని సాధించింది.
చివరి మ్యాచ్ ప్రారంభంలో మొరాకో తన ఆధిపత్యాన్ని చాటుకుంది, 15వ నిమిషంలో జబిరి అద్భుతమైన ఫ్రీ కిక్ ద్వారా గోల్స్ వేటను ప్రారంభించింది, ఈ కర్లింగ్ షాట్ అర్జెంటీనా గోల్ కీపర్ను మాయ చేసింది.
జబిరి 28వ నిమిషంలో అద్భుతమైన వాలీతో మళ్ళీ గోల్ కొట్టాడు, మొరాకో ఆధిక్యాన్ని రెట్టింపు చేశాడు. దీంతో అర్జెంటీనా నిరాశను మరింత పెంచాడు.
ఆ తరువాత అర్జెంటీనా మొరాకో గోల్ పోస్ట్పై అనేక దాడులు చేసినప్పటికీ, మొరాకో డిఫెన్స్ను చేధించలేకపోయారు. గోల్ కీపర్ గోమిస్ 83వ నిమిషంలో సిల్వెట్టి షాట్ను విజయవంతంగా అడ్డుకోవడంతో మొరాకో జట్టు ఆధిపత్యాన్ని నిలబెట్టాడు.
మొహమ్మద్ ఓవాబి శిక్షణ ఇచ్చిన మొరాకో అట్లాస్ కబ్స్, మ్యాచ్ అంతటా వ్యూహాత్మక ఆటతీరు కనబరిచింది, అర్జెంటీనా దాడులను దీటుగా ఎదుర్కొంది. చివరి విజిల్ వరకు తమ రెండు-గోల్స్ ఆధిపత్యాన్ని కాపాడుకున్నారు.
ఈ ఫైనల్ మ్యాచ్ చూసేందుకు అట్లాస్ కబ్స్ మద్దతుదారులు కాసాబ్లాంకా నుండి అట్లాంటిక్ దాటి శాంటియాగోకు తరలివచ్చారు.
టోర్నమెంట్లో స్పెయిన్, బ్రెజిల్, దక్షిణ కొరియా, యునైటెడ్ స్టేట్స్, ఫ్రాన్స్లపై విజయాలతో మొరాకో… ఫైనల్లోనూ అదే ఆటతీరును కనబరిచింది. ఈ ఫలితం మొరాకో ఫుట్బాల్కు స్వర్ణ యుగం తెచ్చిపెట్టనుంది. అంతర్జాతీయ పోటీలలో మొరాకో ఉనికిని బలోపేతం చేసింది.
