న్యూఢిల్లీ: తీవ్రమైన నేరాల్లో దోషులుగా ఖరారై 30రోజులకు మించి జైల్లో ఉన్న ప్రధాని, సీఎంలు, మంత్రులను అధికారం నుంచి తొలగించే బిల్లుల్ని సమీక్షించేందుకు జేపీసీ ఏర్పాటైంది. ఈ కమిటీకి చైర్పర్సన్గా పార్లమెంటు సభ్యురాలు అపరాజిత సారంగిని లోక్సభ స్పీకర్ ఓం బిర్లా నియమించారు. లోక్సభ బులెటిన్ ప్రకారం… లోక్సభ , రాజ్యసభ రెండింటి నుంచి మొత్తం 31 మంది సభ్యులను కమిటీ నియమించింది. ఇందులో బీజేపీనుంచి 15 మంది, వారి మిత్రపక్షాలనుంచి 11మంది, మిగతా నలుగురు విపక్ష సభ్యులు ఉన్నారు.
లోక్సభ నుంచి రవిశంకర్ ప్రసాద్, భర్తృహరి మహతాబ్, ప్రదాన్ బారువా, బ్రిజ్మోహన్ అగర్వాల్, విష్ణు దయాళ్ రామ్, సుప్రియా సూలే , అసదుద్దీన్ ఓవైసీ సభ్యులుగా ఉన్నారు. హర్సిమ్రత్ కౌర్ బాదల్ కూడా ఉన్నారు. రాజ్యసభ నుంచి నామినేట్ చేయబడిన సభ్యులలో బ్రిజ్ లాల్, ఉజ్వల్ నికం, నబమ్ రెబియా, డాక్టర్ కె. లక్ష్మణ్, సుధా మూర్తి, బీరేంద్ర ప్రసాద్ బైశ్యా, ఎస్. నిరంజన్ రెడ్డి ఉన్నారు.
కాగా, జేపీసీ ఏర్పాటును కాంగ్రెస్ విమర్శించింది. ఇది రబ్బర్ స్టాంప్ కమిటీ అని అభివర్ణించింది. బీజేపీకి బీ-టీమ్గా వ్యవహరించే పార్టీలకే ఇందులో చోటు దక్కిందని కాంగ్రెస్ పార్టీ ఎద్దేవా చేసింది. కాంగ్రెస్, తృణమూల్ కాంగ్రెస్ (టీఎంసీ), సమాజ్ వాదీ పార్టీ (ఎస్పీ), ద్రవిడ మున్నేట్ర కజగం (డీఎంకే) సభ్యులు కమిటీలో చేరకపోవడం గమనార్హం.
తీవ్రమైన క్రిమినల్ నేరాల కారణంగా వరుసగా 30 రోజుల పాటు అరెస్టయి నిర్బంధంలో ఉంచితే ప్రధానమంత్రి, ముఖ్యమంత్రి లేదా కేంద్ర లేదా రాష్ట్ర ప్రభుత్వంలోని ఏ ఇతర మంత్రినైనా తొలగించడానికి రాజ్యాంగ సవరణ బిల్లు వీలు కల్పిస్తుంది. అంతేకాదు పుదుచ్చేరి, జమ్మూ కాశ్మీర్లలో ఇలాంటి నిబంధనలతో కూడిన మరో రెండు బిల్లులను కూడా లోక్సభలో ప్రవేశపెట్టారు. ఈ మూడు బిల్లులను జెపిసి పరిశీలిస్తుంది.
కాగా, ఇండియా కూటమి జేపీసీని బహిష్కరిస్తున్నట్లు కాంగ్రెస్ ఎంపి మాణికం ఠాగూర్ ప్రకటించారు. ఇది నిజమైన పార్లమెంటరీ కమిటీ కాదని, జేపీసీ బీజేపీ బి-టీం అని ఠాగూర్ ఆరోపించారు. 31 మంది సభ్యులలో 21 మంది బిజెపి, దాని మిత్రదేశాల నుండి వచ్చారని, 10 మంది అధికార పార్టీతో పొత్తు పెట్టుకున్నారని ఆరోపణలున్న ప్రతిపక్ష పార్టీల నుండి వచ్చారని ఆయన పేర్కొన్నారు.
బీజేపీ+ఎన్డీఏ మిత్రపక్షాలు (ఎజిపి, ఎఐఎడిఎంకె, టిడిపి, పవన్ పార్టీ, యుపిపిఎల్). 10 మంది బి-టీం పార్టీలు (బిజెడి, టిడిపి, వైయస్ఆర్సిపి, ఎస్ఎడి, ఎన్సిపి, ఎఐఎంఐఎం, మొదలైనవి). జగన్ తాను బిజెపి/ఆర్ఎస్ఎస్ తో ఉన్నానని మళ్ళీ నిరూపించుకున్నాడు. ఇద్దరు సభ్యులను ప్రభుత్వం ఎంపిక చేస్తుంది. ఈ జెపిసి మోడీ రాజ్యాంగ విరుద్ధమైన ఎజెండాకు రబ్బరు స్టాంప్ తప్ప మరొకటి కాదు” అని కాంగ్రెస్ ఎంపి మాణికం ఠాగూర్ ఎక్స్లో పేర్కొన్నారు.
“ఏకాభిప్రాయం లేకుండా” జేపీసీని ఏర్పాటు చేసినందున 340 మంది ఎంపీలు దీనిని బహిష్కరించారని ఠాగూర్ జోడించారు.
“దీనిని ఉమ్మడి పార్లమెంటరీ కమిటీ అని పిలవడం అపహాస్యం, మెజారిటీ భారతీయులకు ప్రాతినిధ్యం వహిస్తున్న ప్రతిపక్షం లేదు. ఓటు వేసిన తర్వాత ఓటుచోరీ చేస్తూ… మోడీ సర్కార్ సంస్థలను దుర్వినియోగం చేస్తోంది. అంతేకాదు పార్లమెంటును కాదని, ఇప్పుడు – రాజ్యాంగాన్నే తిరగ రాస్తోంది. చరిత్ర… దీనిని బిజెపి అధికారికంగా ప్రజాస్వామ్యాన్ని తుడిచిపెట్టడానికి ప్రయత్నించిన రోజుగా గుర్తుంచుకుంటుంది” అని ఆయన ఆరోపించారు.
రాజ్యాంగ (నూట ముప్పైవ సవరణ) బిల్లు, 2025, జమ్మూ కాశ్మీర్ పునర్వ్యవస్థీకరణ (సవరణ) బిల్లు, 2025; కేంద్ర పాలిత ప్రాంతాల ప్రభుత్వం (సవరణ) బిల్లు, 2025లను పరిశీలించడానికి నిన్న ఉమ్మడి పార్లమెంటరీ కమిటీ (JPC)ని ఏర్పాటు చేశారు.
