బరేలీ: ఉత్తరప్రదేశ్లో ముస్లిం ఆస్తుల కూల్చివేతల పర్వం కొనసాగుతోంది. బరేలిలో ‘ఐ లవ్ ముహమ్మద్’ ప్రచారానికి పిలుపునిచ్చిన స్థానిక ఇమామ్, ఇత్తెహాద్-ఎ-మిల్లత్ కౌన్సిల్ చీఫ్ తౌకీర్ రజా ఖాన్ సన్నితుడు మహ్మద్ ఆరిఫ్ ఆస్తులపై కొరడా ఝళిపించింది. ఈమేరకు బరేలీ డెవలప్మెంట్ అథారిటీ (BDA) పిలిభిత్ బైపాస్లోని ఆయన రెండంతస్తుల వాణిజ్య సముదాయాన్ని కూల్చివేసింది. నవంబర్ 22న భారీ పోలీసు రక్షణలో బుల్డోజర్లతో కూల్చివేశారు. రెండు డజన్లకు పైగా దుకాణాలు, ఒక షోరూమ్ను నేలమట్టం చేశారు.
16 శాశ్వత దుకాణాలతో కూడిన ఈ నిర్మాణం ప్రభుత్వ భూమిలో “అక్రమ ఆక్రమణ” అని, నోటీసులు ముందే అందించామని BDA అధికారులు వాదించారు. బుల్డోజర్లు లోపలికి వెళ్లే ముందు వస్తువులను ఖాళీ చేయడానికి వ్యాపారులకు స్వల్ప సమయం ఇచ్చారు.
డజన్ల కొద్దీ దుకాణదారులు, ప్రధానంగా ముస్లింలు, తమ వ్యాపారాలు శిథిలావస్థకు చేరుకోవడంతో బాగా నిరాశకు లోనయ్యారు. మేము దీన్ని జీవితాంతం పొదుపు చేసిన డబ్బుతో నిర్మించాము. వారు దీనిని చట్టవిరుద్ధం అంటారు. కానీ ఆరిఫ్ భాయ్ మౌలానా తౌకీర్ రజాకు దగ్గరగా ఉండటం వల్లే అలా జరిగిందని అందరికీ తెలుసని” తన ఎలక్ట్రానిక్స్ దుకాణాన్ని కోల్పోయిన ఒక అద్దెదారు వాపోయారు.
మరో వ్యాపారి బుల్డోజర్ కూల్చివేతను ప్రశ్నించాడు: “బుల్డోజర్ ముస్లిం ఆస్తులపై మాత్రమే ఎందుకు నడుస్తుంది? సమీపంలోని హిందూ ఆక్రమణలు దశాబ్దాలుగా కొనసాగుతున్నా వాటిని ఎందుని పట్టించుకోవడం లేదని ప్రశ్నించాడు.”
సెప్టెంబర్ 26న బరేలీలో జరిగిన మత ఘర్షణల తర్వాత మౌలానా తౌకీర్ రజాతో సంబంధం ఉన్న వ్యక్తులను లక్ష్యంగా చేసుకుని అధికార యంత్రాంగం చర్యలు తీసుకుంటున్న క్రమంలో కూల్చివేత తాజాది.
శుక్రవారం ప్రార్థనల తర్వాత “ఐ లవ్ ముహమ్మద్” పోస్టర్లను ప్రదర్శించిన ఊరేగింపు హింసాత్మకంగా మారడంతో ఘర్షణలు చెలరేగాయి, దీనితో పోలీసుల లాఠీచార్జి చేశారు. దీంతో నిరసనకారులు పోలీసులపైకి రాళ్లు విసిరారు.
ఈ సంఘటన తర్వాత మతాధికారితో సంబంధం ఉన్న వ్యక్తులకు చెందిన అనేక ఆస్తులు, వ్యాపారాలు ఇలాంటి “ఆక్రమణ నిరోధక” డ్రైవ్లను ఎదుర్కొన్నాయని స్థానికులు పేర్కొంటున్నారు, ఇది ఎంపిక చేసిన వారినే లక్ష్యంగా చేసుకున్నారనే ఆరోపణలకు ఆజ్యం పోసింది. అయితే, అధికారులు ఈ డ్రైవ్ పూర్తిగా చట్టబద్ధమైనదని నొక్కి చెబుతున్నారు. “సమాజంతో సంబంధం లేకుండా నిబంధనల ప్రకారం ఖచ్చితంగా చర్యలు తీసుకుంటారు” అని BDA సీనియర్ అధికారి ఒకరు మీడియా సంస్థలకు తెలిపారు.
పిలిభిత్ బైపాస్లోని శిథిలాలపై దుమ్ము పేరుకుపోవడంతో, కూల్చివేత బరేలీ ముస్లిం వర్తక సమాజంలోని కొన్ని వర్గాలలో అపనమ్మకాన్ని మరింత పెంచింది, వారు దీనిని సాధారణ అమలు కంటే సామూహిక శిక్షగా చూస్తున్నారు
