లక్నో: సమాజ్వాదీ పార్టీ (ఎస్పీ) చీఫ్ అఖిలేష్ యాదవ్ ఉత్తరప్రదేశ్ ముఖ్యమంత్రి యోగి ఆదిత్యనాథ్పై విరుచుకు పడ్డారు. ఆయన మతతత్వవాది, అనాగరిక ముఖ్యమంత్రి”,”నకిలీ యోగి” అని అభివర్ణించారు.
ఉత్తరప్రదేశ్ 2017 కి ముందు తన గుర్తింపును కోల్పోయి బిజెపి పాలనలో తిరిగి పొందిందని యోగి ఆదిత్యనాథ్ చేసిన వ్యాఖ్యలకు స్పందిస్తూ, ప్రస్తుత ప్రభుత్వం పాలనా వైఫల్యాల నుండి దృష్టిని మళ్లించడానికి ప్రయత్నిస్తోందని అఖిలేష్ యాదవ్ అన్నారు.
సమాజ్వాదీపార్టీ నేతలు “మాఫియా లీడర్ల సమాధులను సందర్శిస్తారని యోగీ విమర్శిస్తుంటాడు. అయితే సత్యం బయటపడిన రోజు, వారి ఆట ముగిసిపోతుంది” అని ఆయన అన్నారు, రాష్ట్రంలో కీలక పెట్టుబడులు, మౌలిక సదుపాయాల ప్రాజెక్టులు SP పాలనలో ప్రారంభించామని అఖిలేష్ నొక్కి చెప్పారు.
తన పదవీకాలంలో సూపర్ క్రిటికల్ యూనిట్లు, లక్నో, కాన్పూర్ వంటి నగరాల్లో మెట్రో రైలు ప్రాజెక్టులు, గ్రీన్ పార్క్ స్టేడియం మెరుగుదల, డయల్ 100 అత్యవసర ప్రతిస్పందన సేవలు, అంబులెన్స్ విస్తరణ, వైద్య కళాశాలలకు ఆర్థిక కేటాయింపులు విద్యుత్ ప్లాంట్లు వంటి ప్రాజెక్టులను చేపట్టామని అఖిలేష్ యాదవ్ ఉదహరించారు.
నోయిడా నేడు మొబైల్ కంపెనీలను ఆకర్షించడానికి, శామ్సంగ్, హెచ్సీఎల్ పెట్టుబడులకు SP ప్రభుత్వ ఎలక్ట్రానిక్స్ తయారీ విధానం కారణమని ఆయన ప్రశంసించారు.
కాన్పూర్లో ఇటీవలి సంఘటనలను ఆయన ఉదహరిస్తూ… శాంతిభద్రతల వైఫల్యాలు నగరం ప్రతిష్టను దిగజార్చుతున్నాయని యాదవ్ ఆరోపించారు. ఈ సందర్భంగా కస్టడీ మరణాలు, పోలీసు చర్యలు, బుల్డోజర్ చర్య భయంతో వాహనం బోల్తా పడి తల్లి, కుమార్తె మరణించిన కేసును ప్రస్తావించారు.
బిజెపి “కాన్పూర్ను ‘బద్నాంపూర్’గా మార్చకూడదని” ఆయన అన్నారు. “నోయిడా మాఫియా” వ్యక్తి పారిపోయాడని ఆరోపించిన విషయాన్ని కూడా ఆయన ప్రస్తావించారు. కాన్పూర్ పేరును వివాదాల్లోకి లాగుతున్నారని అన్నారు.
“బుల్డోజర్లను” “బ్రహ్మోస్”తో పోల్చిన తన ఇటీవలి సోషల్ మీడియా పోస్ట్లో, ప్రభుత్వం భయాన్ని రాజకీయ సాధనంగా నమ్ముకుందని యాదవ్ అన్నారు. “వారు బుల్డోజర్లతో ప్రజలను భయపెడుతూనే ఉన్నారు; ఇప్పుడు ఢిల్లీని భయపెట్టడానికి బ్రహ్మోస్ను ప్రయోగిస్తున్నట్లు కనిపిస్తోంది” అని ఆయన వ్యాఖ్యానించారు, రాజకీయ వాతావరణం చాలా ఘర్షణాత్మకంగా మారిందని సూచిస్తున్నారు. బిజెపి ప్రభుత్వం చరిత్రను వక్రీకరిస్తోందని, మత సంప్రదాయాలను అగౌరవపరుస్తోందని యాదవ్ ఆరోపించారు.
కాశీ వారసత్వాన్ని కాపాడటంలో రాజమాత అహల్యాబాయి హోల్కర్ పాత్రను ప్రస్తావిస్తూ, విగ్రహ విధ్వంసం సంఘటనకు సంబంధించిన వాస్తవాలు “AI వాదనల వెనుక దాగి ఉన్నాయని” ఆయన ఆరోపించారు. శంకరాచార్యతో ముడిపడి ఉన్న వారసత్వ ప్రదేశాలు, సంప్రదాయాలను అణగదొక్కారని ఆయన అన్నారు. “నకిలీ యోగులు ప్రతి యోగిని గౌరవించలేరు” అని ముఖ్యమంత్రి యోగిని సూటిగా విమర్శించారు.
ఆర్థిక రంగంలో, ద్రవ్యోల్బణం, నిరుద్యోగం పెరగడంపై ఎస్పీ చీఫ్ కేంద్రాన్ని, రాష్ట్రాన్ని విమర్శించారు. దేశీయ మార్కెట్లు మొదట “చైనాకు అప్పగించారు, ఇప్పుడు అమెరికా చేతిలో పెట్టారని ఆయన పేర్కొన్నారు, రక్షణ నిర్ణయాలను ప్రశ్నించారు. “మేక్ ఇన్ ఇండియా”, “స్కిల్ ఇండియా” వంటి పథకాలు ఉద్యోగాలను అందించడంలో విఫలమయ్యాయని అన్నారు.
వచ్చే ఏడాది అసెంబ్లీ ఎన్నికలు జరగనున్నందున, అఖిలేష్ యాదవ్ వ్యాఖ్యలు ఉత్తరప్రదేశ్లో తీవ్రతరం అవుతున్న రాజకీయ యుద్ధాన్ని సూచిస్తున్నాయి. ఆర్థిక సంక్షోభం, సాంస్కృతిక వారసత్వ సమస్యలను సమాజ్వాదీ పార్టీ ముందుకు తెస్తున్నట్లు కనిపిస్తోంది.
–
