కోల్‌కతా: పశ్చిమ బెంగాల్‌లో ఇప్పుడు ఎన్నికల సీజన్‌. త్వరలో ఆ రాష్ట్రంలో ఎన్నికలు జరుగనున్నాయి. టీఎంసీ పాలనలో అభివృద్ధి దిశగా పయనిస్తోంది. మరోవంక ఎస్‌ఐఆర్‌ ప్రక్రియ కొనసాగుతోంది. ఈ నేపథ్యంలో రాష్ట్ర సచివాలయంలో ముఖ్యమంత్రి మమతా బెనర్జీ తన ప్రభుత్వ పనితీరు నివేదిక ‘ఉన్నయనేర్ పాంచాలి’ని ఆవిష్కరించారు.

ఈ సందర్భంగా మమత కేంద్రంపై తీవ్ర ఆరోపణలు చేశారు. బిజెపి నేతృత్వంలోని ప్రభుత్వం బెంగాల్‌కు కీలకమైన నిధుల కోత విధించిందని ఆరోపించారు. “దీర్ఘకాలంగా పెండింగ్‌లో ఉన్న రూ. 1,87,000 కోట్ల బకాయిలను కేంద్రం నిలిపేసింది. వీటిని ఎప్పుడు చెల్లిస్తారు?” అని ఆమె డిమాండ్ చేశారు. “ఎన్నికలు దగ్గర పడుతున్నాయి కానీ బెంగాల్‌లో అభివృద్ధి పనులను ఆపలేము. వారు నిధులను విడుదల చేస్తారని ఆశిస్తున్నానని మమత వ్యాఖ్యానించారు. .”

కేంద్ర ప్రభుత్వం రాజకీయ అడ్డంకులు కల్పించినా… కీలకమైన సంక్షేమ మౌలిక సదుపాయాలలో రాష్ట్రం అగ్రస్థానంలో కొనసాగుతోందని మమత నొక్కి చెప్పారు. “కేంద్రం డబ్బును నిలిపివేయడానికి ముందు, పశ్చిమ బెంగాల్ MGNREGA (గ్రామీణ ఉద్యోగ భద్రత), గ్రామీణ గృహనిర్మాణం, గ్రామీణ రహదారి నిర్మాణంలో వరుసగా నాలుగుసార్లు దేశంలో అగ్రస్థానంలో ఉంది” అని ఆమె అన్నారు. ఆర్థిక ఇబ్బందుల్లో ఉన్నప్పటికీ, ఆమె పరిపాలన ఖాద్య సాథీకి లక్ష కోట్లు ఖర్చు చేసిందని, దీని ద్వారా 9 కోట్ల మందికి ప్రయోజనం చేకూరిందని, దువారే రేషన్‌కు రూ.1,717 కోట్లు ఖర్చు చేసిందని, 7 కోట్ల మంది లబ్ధిదారులకు ప్రయోజనం చేకూర్చిందని మమత గుర్తు చేసారు.

మమత తన పాలనా నమూనాను వేగవంతమైన ఆర్థిక పురోగతి, విస్తృత సామాజిక రక్షణల మిశ్రమంగా నడిపారు. “గత 14 సంవత్సరాలలో రాష్ట్రంలో ఇప్పటికే 2 కోట్లకు పైగా ఉద్యోగాలు సృష్టించారు. భవిష్యత్తులో అదనంగా కోటి ఉద్యోగాలు సృష్టించనున్నామని” ఆమె అన్నారు. “ఆరు ఆర్థిక కారిడార్లు నిర్మాణంలో ఉన్నాయి. రాష్ట్రంలో నిరుద్యోగాన్ని 40 శాతం తగ్గించాము.” 2011 (టిఎంసి అధికారం చేపట్టినప్పటి నుండి) నుండి 2 లక్షల కోట్ల విలువైన పెట్టుబడులు వచ్చాయని ఆమె తెలిపారు.

టిఎంసి పాలనలో మహిళలు ముందంజలో ఉన్నారు. కీలకమైన పథకం లక్ష్మీ భండార్ గురించి మమత మాట్లాడుతూ… “మేము ప్రతి మహిళకు నెలకు రూ. 1000, ఎస్సీ/ఎస్టీ వర్గానికి చెందిన వారికి రూ. 1,200 ఇస్తున్నాము. ఈ పథకం మహిళలకు జీవితాంతం వర్తిస్తుంది. మొత్తం మీద, 22.1 మిలియన్ల మహిళలు సామాజిక భద్రతా ప్రయోజనం పొందుతారు.” బిజెపి పాలిత బీహార్‌తో పోల్చి చూస్తే, “వారు ఒకేసారి రూ. 10,000 నిధిని ఇచ్చారు.” మేము ఎప్పటికీ ఇస్తూనే ఉంటామని మమత అన్నారు.

“కేంద్రం బకాయిలను పూర్తిగా నిలిపివేసినప్పటికీ, ప్రజల హక్కులను మేము రక్షించాము.” ఆమె కన్యాశ్రీ, స్వాస్థ్య సాథీ, ఖాద్యసాథీ, కృషక్ బంధు, దువారే సర్కార్, కర్మశ్రీ, బంగ్లార్ బారిలను “మన ప్రజల భవిష్యత్తును కాపాడే” కార్యక్రమాలను అమలు చేస్తున్నామని పేర్కొంది.

కాగా, మమత ఆరోపణలపై బిజెపి వేగంగా ప్రతిస్పందించింది. ప్రతిపక్ష నాయకుడు సువేందు అధికారి మాట్లాడుతూ… ఆమె “ప్రజలకు అబద్ధాలు చెబుతున్నారని” ఆరోపించారు. దీంతో ఇరు పార్టీల మధ్య అప్పుడే ఎన్నికల యుద్ధం ప్రారంభమైంది. మరి బెంగాల్‌లో ఎవరు నెగ్గు కొస్తారో వేచిచూడక తప్పదు.