న్యూఢిల్లీ: నాలుగు రాష్ట్రాలు – అస్సాం, పశ్చిమ బెంగాల్, కేరళ, తమిళనాడులో ఏప్రిల్/మే నెలల్లో ఎన్నికలు జరగనున్నాయి, తమ పార్టీని విజయపథంలో ప్రారంభించడానికి కాంగ్రెస్కు నాలుగు అవకాశాలు లభిస్తాయి. గత సంవత్సరం జరిగిన ఢిల్లీ-బీహార్ ఎన్నికల్లో పరాజయాల తర్వాత…జాతీయ రాజకీయ యవనికపై నిలబడేందుకు ఆపార్టీకి కనీసం ఒక విజయం అవసరం.
డిసెంబర్లో జరిగిన స్థానిక సంస్థల ఎన్నికలలో బలమైన ప్రదర్శన నేపథ్యంలో కేరళలో పార్టీ బాగా రాణించాలని ఆశిస్తోంది; ప్రధాన ప్రతిపక్షమైన కాంగ్రెస్ నేతృత్వంలోని యునైటెడ్ డెమోక్రటిక్ ఫ్రంట్, కార్పొరేషన్, మునిసిపాలిటీ, పంచాయతీ ఎన్నికలలో 38 శాతానికి పైగా ఓట్లను సాధించింది.
పొరుగున ఉన్న తమిళనాడులో కూడా వాతావరణం అదేవిధంగా ఉత్సాహంగా ఉంది. కాంగ్రెస్ అధికార ద్రవిడ మున్నేట్ర కజగంతో పొత్తు పెట్టుకుంది. ఈ భాగస్వామ్యం వరుసగా రెండవసారి అధికారంలోకి వస్తామని బలంగా నమ్ముతోంది. తమిళనాడులో గెలవాలనే బీజేపీ ఆశలకు గండికొడుతోంది.
అయితే, సీట్ల వాటా చర్చలపై కొంత అసంతృప్తి ఉంది, అవి ఇంకా ప్రారంభం కాలేదు. ప్రభుత్వంలో చురుకైన పాత్ర పోషించాలని కాంగ్రెస్ డిమాండ్ చేస్తోంది. అయితే బెంగాల్,అస్సాంలో కథ చాలా భిన్నంగా ఉంటుంది. బెంగాల్లో టీఎంసీ, బీజేపీకి వ్యతిరేకంగా కాంగ్రెస్ ఒంటరిగా పోరాడాలని నిర్ణయించుకుంది.
2021 ఎన్నికల్లో పోటీ చేసిన 91 సీట్లలో ఒక్కటి కూడా గెలవలేకపోయిన కాంగ్రెస్ …ఎలా మెరుగుపడుతుందో చూడటం కష్టం. అయితే బెంగాల్లో ఆ పార్టీకి కోల్పోవడానికి ఏమీ లేదు.
అస్సాం ఒక ప్రత్యేక సవాలును ఎదుర్కొంటోంది. అధికార బీజేపీని ఓడించే అవకాశాలు అంతంత మాత్రమే అని అందరూ భావిస్తున్నప్పటికీ… కాంగ్రెస్ పార్టీ 29 స్థానాలను కాపాడుకోవాల్సి ఉంది. ఆ 29 స్థానాలను నిలుపుకోవడం మరియు 2031 ఎన్నికల్లో విజయం సాధించాలనే లక్ష్యంతో క్షేత్ర స్థాయిలో మద్దతు పెంచుకోవడం ప్రధాన పని. అయితే, ప్రతి రాష్ట్రంలోనూ పార్టీకి కొన్ని సమస్యలున్నాయి.
శుభవార్త? కేరళ, తమిళనాడు
కేరళలో కాంగ్రెస్ పార్టీ నాలుగుసార్లు తిరువనంతపురం ఎంపీగా ఎన్నికైన శశి థరూర్, నాలుగుసార్లు ఎంపీగా, ఐదుసార్లు ఎమ్మెల్యేగా ఎన్నికైన రమేష్ చెన్నితల మధ్య ముఖ్యమంత్రి పదవి కోసం పోటీ ఉంది. అయితే ప్రస్తుతానికి శాంతి నెలకొని ఉంది. పార్టీ తన ఎన్నికల ప్రచార నాయకుడిగా చెన్నితలను, డిప్యూటీగా థరూర్ను నియమించింది. శుభవార్త ఏమిటంటే, స్థానిక సంస్థల ఎన్నికలలో మంచి ప్రదర్శనతో కాంగ్రెస్ కూడా బలపడింది. అంతే ముఖ్యంగా శశి థరూర్ సమస్యను పరిష్కరించినట్లు అనిపిస్తుంది.
ఇకతమిళనాడు ఎన్నికలకు ఆలస్యమైన సీట్ల వాటా చర్చలు కాంగ్రెస్ రాష్ట్ర యూనిట్ను అస్థిరపరిచినట్లు కనిపిస్తోంది, ఇప్పుడు ఆశ్చర్యకరమైన పునఃసమ్మేళనం గురించి గుసగుసలు వినిపిస్తున్నాయి .
తమిళనాడు కాంగ్రెస్ నాయకులలో కొంతమందితో డిఎంకె అసంతృప్తిగా ఉందని భావిస్తున్నారు – మాణికం ఠాగూర్, ప్రవీణ్ చక్రవర్తి – నిరంతర మద్దతుకు ప్రతిగా ప్రభుత్వంలో భాగస్వామ్యం కావాలని డిమాండ్ చేస్తున్నారు. కాంగ్రెస్ డిఎంకెతో పొత్తు పెట్టుకున్నా… లేకపోయినా, ఆ పార్టీ తన ప్రత్యర్థి బిజెపి కంటే మెరుగ్గా రాణించాలి. 2021 ఎన్నికల్లో కాంగ్రెస్ 18 సీట్లు, బిజెపి నాలుగు సీట్లు గెలుచుకున్నాయి.
అస్సాం, బెంగాల్
అస్సాంలో మాజీ రాష్ట్ర యూనిట్ చీఫ్ భూపెన్ బోరా భవిష్యత్తుపై వివాదం కాంగ్రెస్ ఎన్నికల సన్నాహాలపై నీలినీడలు కమ్మేసింది. అస్సాం కాంగ్రెస్ అధ్యక్షుడిగా తన వారసుడు గౌరవ్ గొగోయ్ను విమర్శించిన బోరా… కాంగ్రెస్కు రాజీనామా చేశారు. కాగా, ఫిబ్రవరి 22న బోరా బిజెపిలో చేరనున్నట్లు ముఖ్యమంత్రి హిమంత బిస్వా శర్మ తెలిపారు.
రాహుల్ గాంధీ బోరాతో మాట్లాడటంతో సహా పార్టీ బుజ్జగించడంతో ఆయన తాత్కాలికంగా ఆగిపోయారు. బోరాను కోల్పోవడం ఎన్నికలకు ముందు కాంగ్రెస్కు పెద్ద దెబ్బ అవుతుంది, ముఖ్యంగా ప్రియాంక గాంధీ వాద్రా రెండు రోజుల పర్యటనకు కొన్ని రోజుల ముందు ఇవన్నీ జరగడం విశేషం.
ఇక బెంగాల్. జూన్ 2024లో అధిర్ రంజన్ చౌదరి పార్టీ రాష్ట్ర యూనిట్ బాస్ పదవికి రాజీనామా చేశారు. శుభాంకర్ సర్కార్ను ఆయన స్థానంలో నియమించారు.
ఇప్పుడు చౌదరి తృణమూల్ అధినేత్రి మమతా బెనర్జీతో కాంగ్రెస్ పొత్తు పెట్టుకోవడాన్ని తీవ్రంగా వ్యతిరేకించారు, వారి రెండు పార్టీలు మిత్రపక్షాలుగా, భారత కూటమిలో భాగంగా ఉండాల్సి ఉన్నప్పటికీ, ముఖ్యమంత్రిపై పదేపదే విమర్శలు గుప్పించారు.
కానీ రాష్ట్ర యూనిట్ తృణమూల్తో పొత్తును కాదంది, దాని మిత్రపక్షాలైన లెఫ్ట్ ఫ్రంట్ను కూడా తిరస్కరించిన తర్వాత బెంగాల్ కాంగ్రెస్ ఇన్ఛార్జీ శుభాంకర్ సర్కార్ ఒంటరిగా పోటీచేసేందుకు మొగ్గుచూపారు. ఇది ఖచ్చితంగా ఒక ధైర్యమైన నిర్ణయం.
మరోవంక ఎన్నికలు జరిగే ప్రతి రాష్ట్రంలోనూ, అంతర్గతంగా లేదా దాని మిత్రపక్షాలతో కాంగ్రెస్ ప్రణాళికలను దెబ్బతీసే ఏదో ఒక రకమైన కలహాలు ఉంటూనే ఉన్నాయి. అంతర్గత కలహాలు పార్టీని ఎలా ప్రభావితం చేస్తాయో వెనక్కి తిరిగి చూడాల్సిన అవసరం లేదు.
ఉదాహరణకు 2024 హర్యానా ఎన్నికల్లో కాంగ్రెస్ గెలుస్తుందని అంచనా వేసారు. అయితే ఆపార్టీలోని ఇద్దరు నాయకులు – కుమారి సెల్జా,భూపేంద్ర సింగ్ హుడా మధ్య గొడవ, కాగితంపై మిత్రులుగా ఉన్న ఆమ్ ఆద్మీ పార్టీతో కలిసి పనిచేయలేకపోవడం వల్ల విజయం కోల్పోయింది.
గత సంవత్సరం ఛత్తీస్గఢ్లో కూడా ఇలాంటి దృశ్యమే కనిపించింది, భూపేశ్ బాఘేల్, టిఎస్ సింగ్ డియో కలహాలతో అక్కడ బిజెపి పాగా వేసింది.
రాజస్థాన్లో అశోక్ గెహ్లాట్, సచిన్ పైలట్ మధ్య జరిగిన వివాదం…అక్కడా బిజెపి విజయానికి దారితీసింది. ప్రతి సందర్భంలోనూ, కాంగ్రెస్ అంతర్గత కలహాల భారం ఆయా రాష్ట్రాల్లో ఓడిపోయేట్లు చేసింది.
కనీసం 2026 ఎన్నికల సీజన్ మొదటి అర్ధభాగంలోనైనా కాంగ్రెస్ దాని మిత్రపక్షాలతో ఐక్యంగా ఉంటే కనీసం రెండు రాష్ట్రాలను (బహుశా బెంగాల్తో మూడు) గెలుచుకోగలదని తెలుసుకోవాలి.
