హైదరాబాద్: తుది ఓటర్ల జాబితాలో చేర్చడానికి 30,000 మందికి పైగా ఓటర్లు “అనర్హులు” అని ఎన్నికల సంఘం గుర్తించింది. వీరిలో ‘తార్కిక వ్యత్యాసాలు’ (logical discrepancies)
గణాంకాల ప్రకారం, ఈసీఐ 92,88,188 నోటీసులను జారీ చేసి, 92,65,731 నోటీసులను పంపిణీ చేసింది. కమిషన్ 22,457 మంది ఓటర్లకు నోటీసులను పంపిణీ చేయలేకపోయింది. కమిషన్ 89,75,562 మంది ఓటర్లకు సంబంధించి విచారణ చేపట్టింది. తుది జాబితా ప్రచురణ కోసం 1,66,81,849 మంది ఓటర్లను ఎంపిక చేశారని, వీరిలో 56,86,890 మంది ఓటర్ల విషయంలో ‘తార్కిక వ్యత్యాసాలు’ ఉన్నాయని, 27,16,465 మంది ఓటర్లకు సంబంధించి ‘మ్యాపింగ్ లేదు’ అని ఒక సీనియర్ అధికారి తెలిపారు.
తార్కిక వ్యత్యాసాలు ఉన్న (logical discrepancies) 12,718 మంది ఓటర్లు, మ్యాపింగ్ లేని 17,689 మంది ఓటర్లు తుది జాబితాలో చేర్చడానికి అనర్హులుగా తేలారని అధికార వర్గాలు తెలిపాయి. సీఈఓ కార్యాలయ గణాంకాల ప్రకారం, స్పెషల్ ఇంటెన్సివ్ రివిజన్ (SIR) ప్రారంభమైనప్పుడు రాష్ట్రంలో 3,38,26,448 మంది ఓటర్లు ఉన్నారు. 2,64,87,213 మంది ఓటర్ల నుండి గణన పత్రాలు అందాయి. వారి పేర్లు ముసాయిదా జాబితాలో చేర్చారు. 73,39,235 మంది (గైర్హాజరు, తరలివెళ్లిన, మరణించిన, రెండుసార్లు నమోదు అయిన) ఓటర్ల గణన పత్రాలు ఆగస్టు 10, 2026 నాటికి నిర్దేశిత గడువులోగా అందలేదు. వారి పేర్లు ముసాయిదా జాబితాలో చేర్చలేదు. ఈసీఐ డేటా ప్రకారం, సుమారు 45,18,961 మంది ఓటర్లు శాశ్వతంగా తరలివెళ్లారు, 6,70,203 మంది ఇతర చోట్ల నమోదు చేసుకున్నారు, 9,22,230 మంది మరణించారు, 11,25,546 మంది గైర్హాజరయ్యారు/ఆచూకీ తెలియరాలేదు.
జనవరి 1, 2026 నుండి అక్టోబర్ 16, 2026 మధ్య కాలంలో (SIRకు ముందు, SIR కాలంతో కలిపి), ECIకి ఫారం 6 కింద (కొత్త ఓటరుగా నమోదు కోసం) 5,12,960 దరఖాస్తులు అందాయి. వాటిలో 2,23,416 ఓటర్ల దరఖాస్తులను ECI తిరస్కరించగా, చివరకు 3,09,143 మంది ఓటర్లుగా నమోదయ్యారు. అక్టోబర్ 8 నుండి 16 వరకు క్లెయిమ్‌లు, అభ్యంతరాల కాలం ముగిసిన తర్వాత, ECIకి 36,772 ఫారం 6 దరఖాస్తులు అందాయి. అక్టోబర్ 15, 16 తేదీలలో జరిగిన రెండు రోజుల ప్రత్యేక డ్రైవ్‌లో, ఫారం 6 కింద 3,18,042 కొత్త దరఖాస్తులు రాగా, కమిషన్ 1,50,165 దరఖాస్తులను ఆమోదించగా, 26,627 ఓటర్ల దరఖాస్తులు తిరస్కరించారు.
