లాస్ ఏంజెల్స్: వలసదారుల నిర్బంధానికి వ్యతిరేకంగా లాస్‌ఏంజిల్స్‌లో నిరసనలు తీవ్రమయ్యాయి. వేలాది మంది ప్రజలు ఈ ఆందోళనల్లో పాల్గొంటూ, భద్రతా బలగాలతో తలపడుతున్నారు. అధ్యక్షుడు డొనాల్డ్ ట్రంప్ నేషనల్ గార్డ్‌ను మోహరించినందుకు ప్రతిస్పందనగా నిరసనకారులు వీధుల్లోకి రావడంతో ఉద్రిక్తతలు పెరిగాయి. జనాన్ని నియంత్రించడానికి స్థానిక పోలీసులు టియర్ గ్యాస్, రబ్బరు బుల్లెట్లు, ఫ్లాష్ బ్యాంగ్‌లను ప్రయోగించారు. దీంతో పోలీసు వాహనాలకు ఆందోళనకారులు నిప్పంటించారు.
కొంతమంది పోలీసులు గుర్రంపై వీధుల్లో గస్తీ తిరుగుతుండగా, మరికొందరు ఇటీవలి రోజుల్లో కొంతమంది వలసదారులను తీసుకెళ్లిన నిర్బంధ కేంద్రంతో సహా ప్రభుత్వ కార్యాలయాల వద్ద మొహరించారు.
ఈ ప్రాంతంలో ట్రంప్ వలసల అణచివేతకు వ్యతిరేకంగా మూడవ రోజు ప్రదర్శనలు జరుగుతున్న సమయంలో ఘర్షణలు జరిగాయి, దాదాపు 300 మంది నేషనల్ గార్డ్స్‌ రాక కొంతమంది స్థానికుల్లో కోపం, భయాన్ని రేకెత్తించింది. మధ్యాహ్నం నాటికి, లాస్ ఏంజిల్స్ డౌన్‌టౌన్‌లోని మెట్రోపాలిటన్ డిటెన్షన్ సెంటర్ వెలుపల వందలాది మంది గుమిగూడారు, ఇక్కడ మునుపటి ఇమ్మిగ్రేషన్ దాడుల తర్వాత ప్రజలను అదుపులోకి తీసుకున్నారు.
కాగా, లాస్‌ఏంజలీస్‌ గవర్నర్ గవిన్ న్యూసమ్ ట్రంప్‌కు పంపిన లేఖ ప్రకారం… నేషనల్ గార్డ్స్‌ రాక నగరంలో “ఉద్రిక్తతలను రేకెత్తిస్తోంది”. ఇక్కడనుంచి గార్డ్ సభ్యులను తొలగించాలని ట్రంప్‌ను అభ్యర్థించారు, దీనిని ఆయన “రాష్ట్ర సార్వభౌమత్వాన్ని తీవ్రంగా ఉల్లంఘించడం” అని అన్నారు.
“లాస్ ఏంజిల్స్‌లో మనం చూస్తున్నది ప్రభుత్వం ద్వారా రెచ్చగొట్టిన గందరగోళం” అని మేయర్ కరెన్ బాస్ మధ్యాహ్నం విలేకరుల సమావేశంలో అన్నారు. ఇదే సమయంలో లాస్ ఏంజెల్స్ ప్రజలను శాంతియుతంగా ఉండాలని మేయర్ కోరారు. మన నగరం చాలా కష్టాలను ఎదుర్కుందని, ఇప్పుడు మనం శాంతిని కాపాడాలని ఆమె సిటీ హాల్‌లో జరిగిన సమావేశంలో వెల్లడించారు. ట్రంప్ జాతీయ గార్డ్‌ను మోహరించడం తప్పని, దాన్ని వెనక్కి పిలవాలని ఆమె గవర్నర్ న్యూసమ్‌తో ఏకీభవించారు. శాంతియుతంగా ఆందోళన చేయాలని, హింసకు పాల్పడవద్దని కోరారు. ఈ ఆందోళనలు మూడో రోజు కొనసాగుతున్నాయి. ప్రజలు, పోలీసుల మధ్య ఘర్షణలు జరుగుతున్నాయి.
కాగా, లాస్‌ఏంజలీస్‌ గవర్నర్ న్యూసమ్, ఇతర డెమొక్రాట్లు ఇటీవల వలస ఏజెంట్లను లక్ష్యంగా చేసుకుని జరిగిన నిరసనలను అరికట్టడంలో విఫలమయ్యారు కాబట్టి నేషనల్ గార్డ్ అవసరమని ట్రంప్ అన్నారు. దశాబ్దాలలో ఒక రాష్ట్ర గవర్నర్ అభ్యర్థన లేకుండా వారి మోహరింపును ప్రారంభించడం ఇదే మొదటిసారి.
రోజుల తరబడి నిరసనల తర్వాత మోహరింపు
లాస్ ఏంజిల్స్ డౌన్‌టౌన్‌లో శుక్రవారం ప్రారంభమైన రెండు రోజుల నిరసనల తర్వాత నేషనల్ గార్డ్ రాక, ఆ తర్వాత శనివారం నగరానికి దక్షిణంగా లాటినోలు ఎక్కువగా నివసించే నగరం పారామౌంట్, పొరుగున ఉన్న కాంప్టన్‌కు వ్యాపించింది.
ఫెడరల్ ఏజెంట్లు శనివారం పారామౌంట్‌లోని హోమ్ డిపో సమీపంలో స్టేజింగ్ ప్రాంతాన్ని ఏర్పాటు చేయగా, ప్రదర్శనకారులు బోర్డర్ పెట్రోల్ వాహనాలను అడ్డుకోవడానికి ప్రయత్నించారు, కొందరు రాళ్ళు, సిమెంట్ ముక్కలను విసిరారు.
కాగా, ముందురోజు ఇమ్మిగ్రేషన్ అధికారులు వరుస తనిఖీలు చేసిన తర్వాత ఉద్రిక్తతలు పెరిగాయి, వారం రోజుల పాటు నగరంలో వలసదారుల అరెస్టుల సంఖ్య 100 దాటింది. నిరసన తెలుపుతున్న ఒక ప్రముఖ యూనియన్ నాయకుడిని అరెస్టు చేసి చట్ట అమలుకు ఆటంకం కలిగించారని ఆరోపించారు.
మరోవంక వెస్ట్‌లేక్, పారామౌంట్ వంటి ఇతర ప్రాంతాలకు కూడా ఈ నిరసనలు వ్యాపించాయి. ఈ వారాంతపు ఘటనలు ఇప్పటికే ఉద్రిక్తంగా ఉన్న నగరానికి, ఫెడరల్ అధికారులకు మధ్య సంబంధాలపై ఎలాంటి ప్రభావం చూపుతాయో వేచి చూడాలి. శాంతియుత వాతావరణం నెలకొల్పాలని, బాధ్యులపై చర్యలు తీసుకోవాలని సమాజ పెద్దలు, అధికారులు పిలుపునిస్తున్నారు.
