సంజయ్ కె. ఝా, రాజకీయ విశ్లేషకులు…✍️

న్యూఢిల్లీ: దేశవ్యాప్తంగా కేంద్ర ఎన్నికల సంఘం చేపట్టిన ఎస్‌ఐఆర్‌కి వ్యతిరేకంగా విపక్ష ఇండియా కూటమి(INDIA bloc) నిరసనలు తీవ్రతరం చేసింది. వ్యక్తం చేస్తోంది. ఓటర్ల జాబితాల సవరణ పేరుతో దేశవ్యాప్తంగా దాదాపు 13 కోట్ల మంది అర్హులైన ఓటర్ల పేర్లను తొలగించారని, ఇది అధికార పక్షానికి లబ్ధి చేకూర్చేలా ఉందని విపక్షాలు ఆరోపిస్తున్నాయి.

“ఓట్ల చోర్‌” “గద్దీ ఛోడ్!” (ఓట్ల దొంగా, అధికారం వదిలేయ్!) అనే నినాదాలతో ఢిల్లీ వీధులు మారుమోగాయి. అంతేకాదు “రాహుల్ తుమ్‌కో ఆనా హై / మోదీ తుమ్‌కో జానా హై” అంటూ హోరెత్తించారు.

ప్రజాస్వామ్య గొంతుక – ప్రజల స్పందన
విపక్ష కూటమి నిరసనకు భారీగా తరలివచ్చిన ప్రజలు… ప్రలోభాల ద్వారానో లేదా బలవంతంగా సమీకరించిన జనసమూహం కాదు. ప్రాథమిక హక్కు అయిన ‘ఓటు హక్కు’ ప్రమాదంలో పడటంతో వారు స్వచ్ఛందంగా తరలివచ్చారు. కాంగ్రెస్ దేశవ్యాప్తంగా తమ ఎమ్మెల్యేలు, ఎంపీలు, సీనియర్ నాయకులను సమీకరించగా, వారంతా బస్సుల్లో అక్కడికి చేరుకున్నారు.

“జ్ఞానేష్ ఈ ‘చోరీ’ద్వారా తన అత్తకో లేదా కూతురికో కోసం చేయలేదు కదా. దీనివల్ల లబ్ధి పొందేది మోదీయే, కాబట్టి ఆయన దిగిపోవాల్సిందే” అంటూ కరోల్ బాగ్ మహిళ తీవ్ర ఆగ్రహం వ్యక్తం చేశారు.

“ఈ ప్రభుత్వం దిగిపోయే వరకు నెలల తరబడి ప్రతిరోజూ నిరసనకు రావడానికి నేను సిద్ధం. జ్ఞానేష్ కేవలం ఒక పావు (pawn) మాత్రమే అని ఓ వస్త్ర వ్యాపారి అభిప్రాయపడ్డారు”

‘వోట్ చోరీ’కి వ్యతిరేకంగా ఈ ప్రచారానికి నాయకత్వం వహిస్తున్న రాహుల్ గాంధీకి ఇది అంత సులభమైన పని కాదని తెలుసు. త్వరితగతిన ఫలితం వస్తుందన్న ఏ అంచనా అయినా తప్పు కావచ్చని ఆయన ఈరోజు అన్నారు. సుదీర్ఘ పోరాటానికి సిద్ధంగా ఉండాలని ఆయన ప్రజలకు పిలుపునిచ్చారు.

గత కొన్ని రోజులుగా పోలీసుల చర్యలు నిరసనకారుల మనోధైర్యాన్ని దెబ్బతీసి, మానసిక అలసటను కలిగించి ఉండవచ్చు, కానీ ఈరోజు ప్రజాస్వామ్య హక్కుల ఘనమైన వేడుక వారిలో మనోస్థైర్యాన్ని పెంచడం ఖాయం. ఇప్పుడు సందేశం స్పష్టం – పోలీసులు ప్రజాస్వామ్యాన్ని గొంతు నొక్కలేరు. ప్రజలు తమ స్థానాన్ని తిరిగి పొందారు మరియు పాలకులకు ప్రకటించారు, ప్రజాస్వామ్యం ఇంకా కేవలం లాంఛనప్రాయమైన ముసుగు కాదు; అది ఒక జాతి జీవనానికి ఆత్మ వంటిదని రాహుల్ గాంధీ పేర్కొన్నారు.

ప్రజా తిరుగుబాటు, ప్రజాస్వామ్య విలువలు
ఈ సంక్షోభం కేవలం యువతకు (Gen Z) మాత్రమే పరిమితం కాలేదు. సీనియర్‌ సిటిజన్లు కూడా వారితో జతకట్టారు. ఈమేరకు రిటైర్డ్‌ ఉద్యోగి ఒకరు మాట్లాడుతూ…”భారతదేశం ఈ దుస్థితికి వస్తుందని ఎప్పుడూ ఊహించలేదు. ఎన్నికల కమిషనర్ కార్యకలాపాలపై స్వతంత్ర విచారణకు ఆదేశించడానికి నిరాకరించే ప్రధానమంత్రి నైతికత ఏమిటి?” అని ప్రశ్నించారు. అలాగే రామ మందిరంలో జరిగిన పరిణామాలు తమను ఎంతగానో దిగ్భ్రాంతికి గురిచేశాయని మరికొందరు ఆవేదన వ్యక్తం చేశారు.

“చందా చోర్ కహా మిలేగా?” (దొంగ ఎక్కడ దొరుకుతాడు?) అనే ప్రశ్నకు …“బీజేపీ జాబితాలో” అని వృద్ధ దంపతులు గట్టిగా అరిచారు. వారు ఈ విలేకరితో, “రామ మందిరంలో జరిగిన దోపిడీ కంటే మా జీవితంలో మరేదీ మమ్మల్ని దిగ్భ్రాంతికి గురిచేయలేదు” అని అన్నారు.

ఇక ముఖస్తుతి చేసే టీవీ ఛానెళ్లలో రాహుల్ గాంధీపై అబద్ధాలు, నిందలు సృష్టించడం పరిష్కారం కాదని ఆర్‌ఎస్‌ఎస్-బీజేపీ అర్థం చేసుకోవాలి. ఇది ఇప్పుడు అనైతిక రాజకీయాలకు వ్యతిరేకంగా ప్రజల యుద్ధంలా కనిపిస్తోంది. ప్రజలలో ఒక రకమైన బాధ ఉంది. క్షేత్రస్థాయిలోని ప్రజలతో మాట్లాడితే, సంవత్సరాలుగా వారిలో పేరుకుపోయిన ఆగ్రహం ఎంత లోతైనదో మీకు తెలుస్తుంది.

మరోవంక ప్రతి ఖాతాలో రూ.15 లక్షలు జమ చేస్తామన్న హామీ ఓ జోక్‌లా మారడం, ఆపై నిరుద్యోగం, విపరీతంగా పెరిగిన ధరలు ప్రజల్లో తీవ్ర అశాంతిని నింపాయి. అయితే, ‘చందా చోరీ’ (విరాళాల దొంగతనం) ఆ గాయాలను రేపితే, ‘ఓట్-చోరీ’ ఆ పేలుడుకు కారణమైంది.