హైదరాబాద్: తెలంగాణలో 2027 జన గణన రెండో దశను జనవరి 25 నుండి ఫిబ్రవరి 28 వరకు నిర్వహించనున్నట్లు రాష్ట్ర ప్రభుత్వం ప్రకటించింది. దీనికి కొనసాగింపుగా మార్చి 1 నుండి 5 వరకు సవరణల ప్రక్రియ (రివిజనల్ రౌండ్) చేపట్టనున్నారు.
ఈమేరకు సాధారణ పరిపాలన శాఖ (General Administration Department) నిన్న జారీ చేసిన ప్రభుత్వ ఉత్తర్వు (GO) ప్రకారం, పౌరులు జనవరి 10 నుండి 24 వరకు స్వయంగా తమ వివరాలను నమోదు (self-enumeration) చేసుకోవచ్చు.
ఆ తర్వాత, ఇంటింటికీ వెళ్లి జనాభా గణన ప్రక్రియ మొదలవుతుంది. ఈ సందర్భంగా అధికారులు వ్యక్తుల వ్యక్తిగత, జనాభా సంబంధిత, కులం, మతం వంటి సామాజిక-ఆర్థిక వివరాలను సేకరిస్తారు.
ఈ జనాభా గణన కోసం మార్చి 1వ తేదీని ప్రామాణిక తేదీగా (reference date) నిర్ణయించారు. కేంద్ర హోం మంత్రిత్వ శాఖ అక్టోబర్ 30న 2027 జనాభా గణన రెండో దశకు సంబంధించిన నోటిఫికేషన్‌ను జారీ చేసింది. మణిపూర్, గోవా, ఉత్తరప్రదేశ్, పంజాబ్, ఉత్తరాఖండ్, లడఖ్, అలాగే హిమాచల్ ప్రదేశ్, జమ్మూ కాశ్మీర్‌లలోని కొన్ని ప్రాంతాలు మినహా, మిగిలిన అన్ని రాష్ట్రాల్లో ఈ ప్రక్రియ కొనసాగుతుంది.
