హైదరాబాద్: తెలంగాణకు చెందిన స్టార్టప్ ఎకోసిస్టమ్ ఎనేబుల్ సంస్థ టి-హబ్ దేశంలోనే అత్యుత్తమ టెక్నాలజీ బిజినెస్ ఇంక్యుబేటర్‌గా జాతీయ సాంకేతిక అవార్డును గెలుచుకుంది. నేషనల్ టెక్నాలజీ డేను పురస్కరించుకొని ఢిల్లీలో ఆదివారం జరిగిన నేషనల్ టెక్నాలజీ వీక్-2003 కార్యక్రమంలో కేంద్ర సైన్స్ అండ్‌ టెక్నాలజీశాఖ మంత్రి డాక్టర్‌ జితేంద్రసింగ్‌ చేతులమీదుగా టీ హబ్ సీఈవో ఎంఎస్‌ రావు ఈ అవార్డును అందుకున్నారు.
మార్కెట్‌లోకి ఆవిష్కరణలను తీసుకురావడానికి, ఆత్మనిర్భర్ భారత్ విజన్‌కు సహకరించే భారతీయ పరిశ్రమలకు గుర్తింపునిచ్చేలా… టెక్నాలజీ డెవలప్‌మెంట్ బోర్డ్ (TDB) ఐదు కేటగిరీల కింద జాతీయ సాంకేతిక అవార్డుల కోసం దరఖాస్తులను కోరింది.
ఈ సంవత్సరం ప్యానలిస్ట్‌లు ప్రముఖ శాస్త్రవేత్తలు,సాంకేతిక నిపుణులతో కఠినమైన రెండు-స్థాయి మూల్యాంకన ప్రక్రియ తర్వాత మొత్తం 11 మంది విజేతలను ఎంపిక చేశారు.
వివిధ సాంకేతిక రంగాలలో వినూత్నమైన, సాంకేతికతతో కూడిన విజ్ఞానం, ఇంటెన్సివ్ స్టార్టప్ ఎంటర్‌ప్రైజెస్‌ను ప్రోత్సహించడం ద్వారా టెక్నో-ఎంట్రప్రెన్యూర్‌షిప్ డెవలప్‌మెంట్‌లో అత్యుత్తమ సహకారం అందించినందుకు టి-హబ్ ఫౌండేషన్‌కు టెక్నాలజీ బిజినెస్ ఇంక్యుబేటర్ అవార్డు (కేటగిరీ ఇ) లభించిందని అధికారులు తెలిపారు.
నేషనల్ టెక్నాలజీ వీక్ 2023లో భాగంగా ఈ అవార్డును 12 కేంద్ర మంత్రిత్వ శాఖలు, విభాగాలతో పాటు అటల్ ఇన్నోవేషన్ మిషన్, ప్రోగ్రామ్‌లు, ఇన్నోవేషన్ లైఫ్‌సైకిల్‌లోని వివిధ రంగాలకు చెందిన ఇన్నోవేషన్‌లపై దృష్టి కేంద్రీకరిస్తూ ‘టెక్నాలజీ డెవలప్‌మెంట్ బోర్డ్ నిర్వహించింది. స్కూల్ టు స్టార్టప్- ఇగ్నైటింగ్ యంగ్ మైండ్స్ టు ఇన్నోవేట్’ అని పిఐబి విడుదల చేసింది.
ప్రస్తుతం యునైటెడ్ కింగ్‌డమ్ పర్యటనలో ఉన్న ఐటీ, పరిశ్రమల శాఖ మంత్రి కేటీ రామారావు ఈ ఘనత సాధించినందుకు టీ-హబ్‌ను అభినందిస్తూ ట్వీట్ చేశారు.
“T-Hub హైదరాబాద్ జాతీయ సాంకేతిక అవార్డు -2023 (టెక్నాలజీ బిజినెస్ ఇంక్యుబేషన్) గెలుచుకున్నందుకు సంతోషంగా & గర్వంగా ఉంది. టీం టీ-హబ్‌కి అభినందనలు. భారత ప్రభుత్వంలోని డిపార్ట్‌మెంట్ ఆఫ్ సైన్స్ & టెక్నాలజీ ద్వారా T-Hub భారతదేశంలోనే అత్యుత్తమ టెక్నాలజీ ఇంక్యుబేటర్‌గా గుర్తింపు లభించిందని, ” మంత్రి కేటీఆర్ ట్వీట్ చేశారు.
Happy & Proud that @THubHyd has won the National Technology Award -2023 (Technology Business Incubation) 😊
Many congratulations to Team T-Hub 👏
T- Hub has been recognised as the Best Technology Incubator in India by Department Of Science & Technology, Govt of India 🇮🇳 pic.twitter.com/0gbxYeNYpb
— KTR (@KTRBRS) May 14, 2023