జెరూసలెం: ఇజ్రాయెల్, పాలస్తీనా మిలిటెంట్ గ్రూప్ హమాస్ మధ్య యుద్ధం నిన్నటితో ఏడవ రోజుకు చేరుకుంది. ఇజ్రాయెల్ సైన్యం జరిపిన వైమానిక దాడుల్లో గాజా స్ట్రిప్‌లో కనీసం 500 మంది పాలస్తీనా పిల్లలు చనిపోయారు.
ఇజ్రాయెల్ దాడుల కారణంగా గాజాలో ఇప్పటిదాకా కనీసం 1,572 మంది పాలస్తీనియన్లు మరణించారని, వీరిలో 276 మంది మహిళలు ఉన్నారని, 6,612 మంది పౌరులు గాయపడ్డారని పాలస్తినా ఆరోగ్య మంత్రిత్వ శాఖ తెలిపింది.
గాజా స్ట్రిప్‌లో ఆరోగ్య వ్యవస్థ కుప్పకూలిపోయే ప్రమాదం ప్రపంచ ఆరోగ్య సంస్థ (డబ్ల్యూహెచ్‌ఓ) శుక్రవారం ఒక ప్రకటన విడుదల చేసింది.
“ఇజ్రాయెల్ దిగ్బంధనం కారణంగా గాజా స్ట్రిప్‌కు ఇంధనం, ఔషధాలు అత్యవసరంగా పంపిణీ చేయలేకపోతే మానవతా విపత్తు సంభవించే ప్రమాదం ఉందని” WHO తెలిపింది.
https://x.com/WHOoPt/status/1712584590064267615?s=20
తక్షణమే మానవతా కారిడార్‌ను ఏర్పాటు చేయాలి.
ఉత్తర గాజాలోని 1.1 మిలియన్ పాలస్తీనియన్లను 24 గంటల్లో ఖాళీ చేయాలని ఇజ్రాయెల్ సైన్యం హెచ్చరించడంతో…వీరందరని తక్షణమే దక్షిణాదికి తరలించాలని ఇజ్రాయెల్ సైన్యం ఆదేశించినట్లు ఐక్యరాజ్యసమిలా ప్రకటించింది.
“వినాశకరమైన మానవతా పరిణామాలు లేకుండా ఇటువంటి ఉద్యమం జరగడం అసాధ్యమని ఐక్యరాజ్యసమితి భావిస్తోంది” అని UN ప్రతినిధి స్టీఫెన్ డుజారిక్ అన్నారు.
“ఇటువంటి విషాదకరమైన పరిస్థితిని మార్చేందుకు గట్టి కృషి జరగాలని ఐక్యరాజ్యసమితి విజ్ఞప్తి చేస్తుంది” అని యూఎన్ ప్రతినిధి చెప్పాడు.
గాజాలో 338,000 మందికి పైగా నిరాశ్రయులయ్యారు: ఐక్యరాజ్యసమితి
గాజా స్ట్రిప్‌లో 423,000 మంది వ్యక్తులు తమ ఇళ్లను ఖాళీ చేయవలసి వచ్చిందని UN ఆఫీస్ ఫర్ ది కోఆర్డినేషన్ ఆఫ్ హ్యుమానిటేరియన్ అఫైర్స్ నివేదించింది.
నిరాశ్రయులైన వ్యక్తులు సహా దాదాపు 220,000 మంది ప్రజలు ఐక్యరాజ్యసమితి ఆధ్వర్యంలో నడిచే 92 పాఠశాలల్లో ఆశ్రయం పొందారు.
ఇజ్రాయెల్ ఆహారం, నీరు, ఇంధనం, విద్యుత్ పంపిణీని నిలిపివేసిన తర్వాత గాజాలో పరిస్థితి “హృదయవిదారకరంగా ఉందని” UN యొక్క ప్రపంచ ఆహార కార్యక్రమం పేర్కొంది. వారు ఈజిప్టు నుండి సరఫరాల ప్రవేశాన్ని కూడా నిరోధించారు.
“విద్యుత్ లేకపోతే ఆసుపత్రులన్నీ మృత ప్రదేశాలుగా మారే ప్రమాదం ఉంది” అని ఇంటర్నేషనల్ కమిటీ ఆఫ్ రెడ్ క్రాస్ (ICRC) ప్రాంతీయ డైరెక్టర్ ఫాబ్రిజియో కార్బోని హెచ్చరించారు.
కరెంట్ లేకపోతే “ఇంక్యుబేటర్‌లలో ఉన్న నవజాత శిశువులు, వృద్ధ రోగులకు ఆక్సిజన్‌ అందదు. కిడ్నీ డయాలసిస్ ఆగిపోతుంది. ఎక్స్-రేలు తీసుకోలేము, ”అని అతను చెప్పాడు.
ఇంధనం, వైద్య సరఫరాల కొరత,నీటి కొరత కారణంగా గాజాలోని 13 ఆసుపత్రులు పాక్షికంగా మాత్రమే పనిచేస్తున్నాయని UN నివేదించింది.
ఇప్పటివరకు గాజాపై 6,000 బాంబులు పడినట్లు ఇజ్రాయెల్ సైన్యం అక్టోబర్ 12, గురువారం సాయంత్రం తెలిపింది.
హమాస్ దక్షిణ ఇజ్రాయెల్‌లోకి చొరబడి, గెరిల్లా యోధులను పంపడం, 5,000 రాకెట్లను ప్రయోగించాక… అక్టోబర్ 7, శనివారం యుద్ధం ప్రారంభమైంది. ఇది “సుదీర్ఘమైన, కష్టతరమైన యుద్ధం” అని ఇజ్రాయెల్ ప్రధాన మంత్రి బెంజమిన్ నెతన్యాహును హెచ్చరించారు .”
ఈ దాడుల కారణంగా ఇజ్రాయెల్‌లో కనీసం 1,300 మంది మరణించారు, వీరిలో 257 మంది సైనికులు ఉన్నారు. మరో 3,300 మంది గాయపడ్డారు.
అక్టోబర్ 7, శనివారం నుండి దక్షిణ ఇజ్రాయెల్ నుండి హమాస్ మిలిటెంట్లు కనీసం 150 మంది బందీలను స్వాధీనం చేసుకున్నారు. వారిలో మహిళలు, పిల్లలు, వృద్ధులు ఉన్నారు.