న్యూఢిల్లీ: చాలా ఎగ్జిట్ పోల్స్ బీహార్‌లో అధికార ఎన్‌డీఏకి స్పష్టమైన మెజారిటీ వస్తుందని అంచనా వేశాయి. అంతేకాదు రాష్ట్రంలోని 243 సీట్లలో 150 నుంచి 170 మధ్య గెలవవచ్చని అంచనా వేసాయి. అయితే, పెరిగిన ఓటింగ్‌ గణాంకాలు ఎన్‌డీఏ కూటమికి షాక్‌ ఇవ్వవచ్చు.

బీహార్ మొత్తం 66.91% ఓటర్ల నమోదును చూసింది, ఇది దాని ఎన్నికల చరిత్రలో ఒక రికార్డు. మొదటి దశలో 65.08% పోలింగ్ నమోదవడం ఒక రికార్డు కాగా, రెండవ దశలో 68.76% పోలింగ్ రేటుతో దీనిని అధిగమించింది. 2020 అసెంబ్లీ ఎన్నికల్లో నమోదైన 57.29%తో పోలిస్తే మొత్తం 9.62 శాతం పెరిగింది.

గత ఎన్నికల డేటా ప్రకారం… బీహార్‌లో గత ఎన్నికల కన్నా… ఐదు శాతం కంటే ఎక్కువ పోలింగ్ జరిగినప్పుడల్లా ప్రభుత్వాలు మూడుసార్లు మారాయి.

గతంలో జరిగిన ఎన్నికల పోలింగ్‌ శాతాన్ని గమనిస్తే…1967లో 51.5% ఓటింగ్‌ నమోదైంది. ఇది 1962 (44.5%) కన్నా 7 శాతం ఎక్కువ. అప్పుడు కాంగ్రెస్ ప్రభుత్వం పడిపోయింది. ఆ సంవత్సరం, కాంగ్రెసేతర పార్టీలు సంకీర్ణ ప్రభుత్వాన్ని ఏర్పాటు చేశాయి.

ఇక 1977లో ఓటింగ్‌ శాతం 50.5% కాగా, 1980లో 57.3%, దాదాపు 6.8% పెరుగుదల అధికార మార్పుకు మార్గం సుగమం చేసింది.

1990లో పరిస్థితి మూడవసారి పునరావృతమైంది. 1985లో ఓటర్ల సంఖ్య 56.3%, ఇది 62%కి పెరిగింది – 5.7 శాతం పాయింట్లు పెరుగుదల. కాంగ్రెస్‌ను అధికారం నుంచి తొలగించి, జనతాదళ్ ఆ స్థానాన్ని ఆక్రమించింది.

మంగళవారం ముగిసిన ఈ ఏడాది ఎన్నికల్లో, అనేక అసెంబ్లీ నియోజకవర్గాల్లో భారీ స్థాయిలో పోలింగ్ నమోదైంది, మరికొన్ని ఆ ట్రెండ్‌ను పూర్తిగా తిప్పికొట్టాయి. రెండవ దశలో, అత్యధికంగా పోలింగ్ జరిగిన నియోజకవర్గం ప్రాన్‌పూర్ (కతిహార్) 81.02% కాగా, అత్యల్పంగా పోలింగ్ జరిగిన నియోజకవర్గం కుమ్రార్ (పాట్నా) 39.57%.

రెండో దశలో అత్యధిక ఓటింగ్‌ నమోదైన 10 సీట్లు:
-ప్రాణ్‌పూర్ (కటిహార్) 81.02%
-ఠాకూర్‌గంజ్ (కిషన్‌గంజ్) 80.51%
-కద్వా (కటిహార్) 79.95%
-కిషన్‌గంజ్ (కిషన్‌గంజ్) 79.62%
-కొచ్చాధమన్ (కిషన్‌గంజ్) 79.15%
-బరారి (కటిహార్) 78.5%
-బలరాంపూర్ (కటిహార్) 78.1%
-బహదుర్గంజ్ (కిషన్‌గంజ్) 78.05%
-కస్బా (పూర్నియా) 77.8%
-రూపౌలీ (పూర్నియా) 77.58%

రెండో దశలో అత్యల్ప ఓటింగ్ నమోదైన 10 సీట్లు:
-కుమ్రార్ పాట్నా 39.57%,
-దిఘా (పాట్నా) 41.5%
-బీహార్‌షరీఫ్ (నలంద) 55.09%
-షాపూర్ (భోజ్‌పూర్) 57.11%
-దరౌలి (సివాన్) 57%
-జిరాదేయి (సివాన్) 57.17%
-ఎక్మా (సరణ్) 58.35%
-దానపూర్ (పాట్నా) 58.52%
-చాప్రా (సరణ్) 58.61%
-దరౌండా (సివాన్) 58.9%

కాగా, ఈ సారి పురుషుల కంటే మహిళల ఓటింగ్ మెరుగ్గా ఉంది. రెండు దశలలో పురుషుల కంటే ఎక్కువ మంది మహిళలు ఓటు వేశారని ఎన్నికల కమిషన్ పేర్కొంది. బీహార్‌లోని 243 సీట్లలో మొత్తం 66.9% ఓటింగ్‌ నమోదవగా, పురుషులు 62.8%, మహిళలు 71.6% ఓటు వేశారు.