హైదరాబాద్: ఆర్థికాభివృద్ధిలో తెలంగాణ రాష్ట్రం రాకెట్‌ వేగంతో దూసుకుపోతోంది. పెద్ద రాష్ర్టాలను వెనక్కి నెట్టి రికార్డులు సృష్టిస్తున్నది. రాష్ట్రంగా ఏర్పడినప్పటి నుంచి తెలంగాణ జీఎస్‌డీపీ స్థిరంగా పెరుగుతూనే ఉంది. స్థూల రాష్ట్ర దేశీయ ఉత్పత్తి (గ్రాస్‌ స్టేట్‌ డొమెస్టిక్‌ ప్రొడక్ట్‌ – జీఎస్‌డీపీ) పదేండ్లలో మూడింతలు పెరిగింది.
అసలు 2005-06 నుండి 2021-22 వరకు గణాంకాల ప్రకారం తెలంగాణ సగటు స్థూల రాష్ట్ర దేశీయోత్పత్తి (జిఎస్‌డిపి) వృద్ధి రేటు 8.6 నమోదు చేసింది. 2013-14లో రాష్ట్ర ఏర్పాటు సమయంలో రూ.5.05 లక్షల కోట్లుగా ఉన్న జీఎస్‌డీపీ 2022-23 నాటికి రూ.13.27 లక్షల కోట్లకు పెరిగింది. 2005-06 మరియు 2021-22 మధ్య గణాంకాలు… కార్యక్రమాల అమలు మంత్రిత్వ శాఖ (MoSPI) డేటా ప్రకారం, వ్యవసాయ ఆర్థికవేత్తలు దేశంలోని వివిధ రాష్ట్రాల పనితీరుపై ఒక నివేదికను రూపొందించారు. ఈ నివేదికల ప్రకారం, తెలంగాణ GSDP సగటు వార్షిక వృద్ధి రేటు (AAGR) 8.6 శాతం. జీఎస్‌డీపీలో 8.9 శాతం AAGRతో గుజరాత్‌ అగ్రస్థానంలో ఉండగా, 8.7 శాతంతో ఉత్తరాఖండ్‌ రెండో స్థానంలో ఉంది.
జీఎస్‌డీపి వృద్ధికి తెలంగాణ రాష్ట్రం వ్యవసాయ GSDP పెరుగుదల కారణమని చెప్పవచ్చు. ఇది ఈ కాలంలో సగటున 6.4 శాతంగా ఉంది. వ్యవసాయం, అనుబంధ రంగాలలో 7.3 శాతంతో మధ్యప్రదేశ్ అత్యధిక AAGR కలిగి ఉండగా, ఆంధ్రప్రదేశ్ 6.6 శాతంతో రెండవ స్థానంలో నిలిచింది. దీని తర్వాత 6.4 శాతంతో జార్ఖండ్, తెలంగాణ ఉన్నాయి. తెలంగాణ జీఎస్‌డీపీ వృద్ధి రేటు 2018-19లో 9.5 శాతం, 2019-20లో 8.2 శాతం, 2020-21లో 2.4 శాతం, 2021-22లో 19.1 శాతం, 2022-23లో 15.6 శాతం.