మక్కాలో ఆరంభమైన హజ్ యాత్ర … ఈ సారి 10ల‌క్ష‌ల మందికి అవకాశం!

 ప్రపంచ నలుమూలల ఈ ఏడాది పదిలక్షల మంది హజ్ యాత్ర చేస్తున్నారు. గత రెండేళ్ల కరోనా సంక్షోభం వల్ల విదేశీ యాత్రికులకు అనుమతి లేదు. ఈ ఏడాది అనుమతి లభించడంతో వివిధ దేశాల నుంచి భారీ సంఖ్యలో యాత్రికులు వచ్చారని హజ్ మంత్రిత్వ శాఖ పేర్కొన్నది. గత ఏడాది కేవలం 60వేల మంది మాత్రమే హజ్ యాత్రకు అనుమతించారు.

VIDEO: "It's like heaven".

Muslim worshippers perform the "tawaf", the circumambulation of the Kaaba, on the first day of the biggest hajj pilgrimage since the Covid pandemic began. "As I saw the Kaaba, I felt like I was in heaven," says Egyptian pilgrim in Mecca pic.twitter.com/IjyPYGlsX7

— AFP News Agency (@AFP) July 7, 2022

ఇస్లాంలో హజ్ అనేది ముస్లింలలో గొప్ప సమీకరణ. యాత్రికులు సాధారణ దుస్తులను ధరిస్తారు. పురుషులు  తెల్లటి వస్త్రాన్ని ధరించడం సంప్రదాయం. స్త్రీలు మాత్రం సంప్రదాయవాద దుస్తులు, తలపై స్కార్ఫ్ ధరిస్తారు. అయితే ఎలాంటి అలంకరణలు చేసుకోరు. మేకప్, నెయిల్ పాలిష్, పెర్ఫ్యూమ్‌లకు దూరంగా ఉంటారు. దైవానికి దగ్గరగా ఉంటారు.

ప్రతి సంవత్సరం హజ్ చేయడానికి లక్షలమంది దరఖాస్తు చేసుకోవడంతో, సౌదీ ప్రభుత్వం ప్రతి దేశం యొక్క ముస్లిం జనాభా ఆధారంగా వార్షిక కోటాల ద్వారా సందర్శకులను నియంత్రిస్తుంది.

కొవిడ్ మహమ్మారి ముగిసిపోనప్పటికీ, సౌదీలో పెద్దగా కొవిడ్ కేసులు నమోదు కావడంలేదు.  రోజుకు వందల సంఖ్యలో మాత్రమే కేసులు నమోదు కావడం సౌదీ ప్రభుత్వానికి పెద్ద ఊరట.