హైదరాబాద్: మెడికల్ టెక్నాలజీ రంగంలో ప్రపంచ దిగ్గజ సంస్థగా పేరొందిన మెడ్ట్రానిక్ సంస్థ సుమారు 3వేల కోట్లతో ( $350 మిలియన్లు) హైదరాబాద్లో తన ప్లాంట్ను విస్తరించనుంది. ఈ సంస్థ మనదేశంలోని హెల్త్కేర్ టెక్నాలజీ రంగానికి గణనీయమైన సేవలు అందిస్తోంది.
MEIC అనేది US వెలుపల మెడ్ట్రానిక్ అతిపెద్ద పరిశోధన మరియు అభివృద్ధి (R&D) కేంద్రం. ఈ పెట్టుబడి మెడ్ట్రానిక్ మొత్తం గ్లోబల్ R&D లీడ్ ఇన్నోవేషన్ మరియు గ్రోత్ స్ట్రాటజీలో భాగం. హెల్త్కేర్ టెక్నాలజీ రీసెర్చ్,ఇన్నోవేషన్ల కోసం హైదరాబాద్ను గ్లోబల్ హబ్గా మార్చేందుకు తెలంగాణ ప్రభుత్వం చేస్తున్న ప్రయత్నాలకు మెడ్ట్రానిక్ మద్దతు ఇస్తుంది.
మెడ్ట్రానిక్ లీడర్షిప్ టీమ్ సభ్యులు మైక్ మారినారో, ఎగ్జిక్యూటివ్ వైస్ ప్రెసిడెంట్ & సర్జికల్ ప్రెసిడెంట్, మణి ప్రకాష్, ఎంటర్ప్రైజ్ ఆర్ అండ్ డి వైస్ ప్రెసిడెంట్, వైస్ ప్రెసిడెంట్ & MEIC సైట్ లీడర్ దివ్య ప్రకాష్ జోషి న్యూయార్క్లో IT, పరిశ్రమల మంత్రి KT రామారావును కలిసిన తర్వాత ఈ ప్రకటన వచ్చింది.
పరిశ్రమలు, వాణిజ్య శాఖ ప్రిన్సిపల్ సెక్రటరీ జయేష్ రంజన్, తెలంగాణ లైఫ్సైన్సెస్ సీఈవో శక్తి ఎం నాగప్పన్ తదితరులు ఈ సమావేశంలో పాల్గొన్నారు.
ఈ పెట్టుబడి 2020లో ప్రకటించిన MEICలో $160M ప్రారంభ పెట్టుబడికి అదనం. భారతదేశంలో కంపెనీ విస్తరించే లక్ష్యంతో ఉంది. MEIC ప్రస్తుతం 800 మందికి పైగా ఉద్యోగులను కలిగి ఉంది, గురువారం ప్రకటించిన పెట్టుబడితో వచ్చే ఐదేళ్లలో 1500 మందికి పైగా ఉద్యోగులు పెరుగుతారని భావిస్తున్నారు.
ఈ విస్తరణతో, ఇంజనీరింగ్, మొబైల్ యాప్లు, అప్లికేషన్ మరియు డెస్క్టాప్ సాఫ్ట్వేర్, క్లౌడ్/వెబ్ యాప్లు, డేటా ఇంజనీరింగ్, ఎంబెడెడ్ సాఫ్ట్వేర్, ప్రొడక్ట్ సెక్యూరిటీ, సైబర్-ప్రొడక్ట్ సెక్యూరిటీతో కూడిన భారతదేశంలోని విభిన్న మరియు నైపుణ్యం కలిగిన ప్రతిభావంతుల యొక్క గణనీయమైన సమూహాన్ని ఉపయోగించుకోవాలని MEIC లక్ష్యంగా పెట్టుకుంది. అధికారిక ప్రకటన ప్రకారం, రోబోటిక్స్, ఇమేజింగ్, నావిగేషన్, సర్జికల్ టెక్నాలజీలు, ఇంప్లాంటబుల్ టెక్నాలజీల వంటి కీలకమైన హెల్త్కేర్ టెక్నాలజీ రంగాలలో పెట్టుబడి మద్దతు ఇస్తుంది.
“లైఫ్ సైన్సెస్ రంగంలో తెలంగాణ ముందు వరుసలో ఉంది. భారతదేశంలో వైద్య పరికరాలను అధికంగా ఉత్పత్తి చేసే రాష్ట్రాలలో తెలంగాణ మొదటి స్థానంల ఉంది. హైదరాబాద్లో MEIC విస్తరణకు నగరంలోని బలమైన ఎకోసిస్టం కూడా ఒక కారణం. అంతేకాదు గ్లోబల్ మెడ్-టెక్ సెక్టార్లో హైదరాబాద్కు పెరుగుతున్న ప్రాధాన్యతకు నిదర్శనం. మెడ్ట్రానిక్ సంస్థ వృద్ధికి మా మద్దతును కొనసాగించడానికి మేము సంతోషిస్తున్నాము. రాష్ట్రంలో, దేశంలో ఆరోగ్య సంరక్షణ ఆవిష్కరణలకు ఈ సంస్థ నిరంతర సహకారాల కోసం ఎదురుచూస్తున్నామని” మంత్రి కేటీఆర్ అన్నారు.
సమావేశం అనంతరం మెడ్ట్రానిక్ సర్జికల్ ఎగ్జిక్యూటివ్ వైస్ ప్రెసిడెంట్ & ప్రెసిడెంట్ మైక్ మరీనారో మాట్లాడుతూ… “సాంకేతిక ఆవిష్కరణలకు భారతదేశం గ్లోబల్ హబ్గా ప్రసిద్ధి చెందింది. ఆరోగ్య సంరక్షణ ఆవిష్కరణల కోసం వృద్ధి చెందుతున్న మార్కెట్గా భారతదేశ సామర్థ్యాన్ని మేము విశ్వసిస్తున్నాము. హైదరాబాద్ మెడ్ట్రానిక్కు వ్యూహాత్మక ప్రదేశంగా ఉందని ఆయన అన్నారు. తెలంగాణ ప్రభుత్వంతో కలిసి పని చేస్తున్నందుకు మేము గర్విస్తున్నారు. భారతదేశ ఆరోగ్య సంరక్షణ పర్యావరణ వ్యవస్థలో పెట్టుబడులు పెట్టడాని, రోగుల ఫలితాలను మెరుగుపరిచే వినూత్న పరిష్కారాలను అందించడానికి మేము కట్టుబడి ఉన్నామని” మెడ్ట్రానిక్ సర్జికల్ ఎగ్జిక్యూటివ్ వైస్ ప్రెసిడెంట్ & ప్రెసిడెంట్ మైక్ మరీనారో చెప్పారు.
ఈ సందర్భంగా వైస్ ప్రెసిడెంట్ & MEIC సైట్ లీడర్ దివ్య ప్రకాష్ జోషి మాట్లాడుతూ… “హెల్త్కేర్ టెక్నాలజీ రంగంలో ఇన్నోవేషన్, పురోగతికి ఆర్ అండ్ డిలో పెట్టుబడి పునాది. ఇది ఆరోగ్య సంరక్షణ నాణ్యతను మెరుగుపరచడానికి, ఆర్థిక వృద్ధికి మాకు సహాయపడుతుంది. తెలంగాణ ప్రయత్నాలు హైదరాబాద్ను ఇన్నోవేషన్ హబ్, హెల్త్కేర్ ఎకోసిస్టమ్ ఎనేబుల్గా నిలిపాయి. ఈ పెట్టుబడితో కొత్త కొత్త ఆవిష్కరణలు సాధ్యమవుతాయి. మరిన్ని ఉద్యోగ అవకాశాలు ఏర్పడతాయని MEIC సైట్ లీడర్ దివ్య ప్రకాష్ జోషి అన్నారు.
ఈ సమావేశంలో, హెల్త్కేర్ టెక్నాలజీ రంగాన్ని ప్రోత్సహించడానికి తెలంగాణ ప్రభుత్వం చేపట్టిన వివిధ కొత్త పరిణామాలు, కార్యక్రమాల అమలును మంత్రి… మెడ్ట్రానిక్ నాయకత్వ బృందానికి వివరించారు. రాష్ట్రంలో హెల్త్కేర్ టెక్నాలజీ రంగం వృద్ధికి తోడ్పాటు అందించడానికి, అటువంటి విస్తరణ ప్రాజెక్టులను సులభతరం చేయడానికి తెలంగాణ ప్రభుత్వం కట్టుబడి ఉందని మంత్రి పునరుద్ఘాటించారు.
మెడ్ట్రానిక్ ఉత్పత్తుల్లో కొన్ని..
- కార్డియాక్ మానిటర్స్
- బ్రెయిన్ మానిటర్స్
- హార్ట్ వాల్వ్ రిప్లేస్మెంట్స్
- స్టంట్స్
- గ్లూకోజ్ మానిటరింగ్
- ఇన్సూలిన్ పంప్ సిస్టమ్స్
- ఎండోస్కోపిక్ ప్రొడక్ట్స్
- ఈఎన్టీ ఎక్విప్మెంట్స్
- సర్జికల్ స్టాప్లింగ్
- సర్జికల్ నావిగేషన్ సిస్టమ్స్
- బోన్ గ్రాఫ్టింగ్
- పల్స్ ఆక్సీమీటర్
- వెంటిలేటర్ ఫిల్టర్స్
- స్పైన్ రోబోటిక్స్
- రేడియాలజీ ప్రొడక్ట్స్