కువైట్: వారసుడొచ్చిన ఆనందంలో అపరిచితులకు నగదు, ఉచిత షాపింగ్తో ఓ కువైట్ తండ్రి ఆశ్చర్యపరిచాడు. స్వార్థం రాజ్యామేలుతున్న నేటి కాలంలో, ఎలాంటి ప్రతిఫలం ఆశించకుండా చేసే సాయం మానవత్వానికి నూతన వెలుగులు నింపుతోంది. కంటికి కనిపించని అనుబంధాలను, ముఖపరిచయం లేని బంధుత్వాలను ముడివేసేది ఒక్క ప్రేమ మాత్రమేనని నిరూపించింది ఈ సంఘటన!
ఇటీవల కువైట్లో జరిగిన ఓ అరుదైన ఉదంతం సామాజిక మాధ్యమాల్లోనూ, ప్రజల హృదయాల్లోనూ ప్రత్యేక స్థానాన్ని సంపాదించుకుంది.
వివరాల్లోకి వెళ్తే…నిండైన వార్త… పండగలాంటి ఆనందం!
ఆ కువైట్ నివాసి ఇంట పండంటి బాబు జన్మించాడు. ఆ ఇంటి వారసుడి రాకతో అతని హృదాయనంద బాష్పాలు డిజిటల్ పరిధి దాటి పొంగిపొర్లాయి. సాధారణంగా ఇలాంటి శుభవార్త వినపడగానే మిఠాయిలు పంచడం, చుట్టాలకూ స్నేహితులకూ విందు ఇవ్వడం పరిపాటి. కానీ, ఆ తండ్రి ఆలోచన వేరు. తన ఆనందం కేవలం తెలిసిన పరిధిలోనే ఆగిపోకూడదు అనుకున్నాడు. రోడ్డుపై వెళ్తున్న ఇద్దరు పూర్తి అపరిచితులను పలకరించి, తన సంతోషంలో పాలుపంచుకోవాలని కోరాడు.
ఏటీఎమ్ వద్దే ‘పరిమితి లేని’ కానుక!
ఆ ఇద్దరినీ నేరుగా ఒక ఏటీఎమ్ వద్దకు తీసుకెళ్లేసరికి ఆ అపరిచితులు కాస్త గందరగోళానికి గురయ్యారు. కానీ, ఆ కువైట్ వ్యక్తి తన కార్డును మిషన్లో ఉంచి, పిన్ నంబర్ నొక్కి… “మీకు ఎంత కావాలో అంత డబ్బు తీసుకోండి!” అని చిరునవ్వుతో చెప్పేసరికి వారు నోరెళ్లబెట్టారు!
తొలి వ్యక్తి సంకోచం: ఇది నిజమా కాదా అన్న సందేహంతో మొదటి వ్యక్తి కొంత సంకోచిస్తూనే 100 కువైట్ దీనార్లు (సుమారు ₹27,000) మాత్రమే తీసుకున్నాడు.
నమ్మకం కుదిరిన క్షణం: ఆ వ్యక్తి మాటల్లోని ఆత్మీయతను, నిజాయితీని గ్రహించిన రెండో వ్యక్తి 200 కువైట్ దీనార్లు (సుమారు ₹60,000 పైచిలుకు) విత్డ్రా చేసుకున్నాడు.
హైపర్మార్కెట్లోనూ ఉదారతసాయం: ఆ కువైట్ తండ్రి అక్కడితోనే ఆగలేదు… వారిద్దరినీ సమీపంలోని ఓ పెద్ద హైపర్మార్కెట్కు తీసుకెళ్లాడు. “చేతికి దొరికినంత, ఇంటికి కావాల్సినంత కొనుక్కోండి… బిల్లు నాది!” అంటూ వారి కొనుగోళ్లకు అయ్యే ఖర్చునంతా ఆయనే స్వయంగా భరించాడు. ఆ అనుకోని కానుకకు ఆ ఇద్దరి కళ్లలో ఆనందబాష్పాలు సుళ్ళు తిరిగాయి.
<మానవత్వపు పరిమళం> బిడ్డ పుట్టినప్పుడు దానధర్మాలు చేయడం మిడిల్ ఈస్ట్, దక్షిణాసియా సంస్కృతుల్లో భాగమే అయినా… ముఖపరిచయం లేని వ్యక్తులకు ఈ స్థాయిలో ఆర్థిక సహాయం, ఆతిథ్యం అందించడం అత్యంత అరుదు. మొత్తంగా మన సంతోషాన్ని కలకాలం గుర్తుండిపోయేలా పంచుకున్నప్పుడు, అది ఇతరుల జీవితాల్లో కాంతులు నింపడమే కాకుండా… “ప్రపంచంలో ఇంకా మంచి మిగిలే ఉంది” అనే నమ్మకాన్ని బలంగా నాటుతుందని ఈ కువైట్ తండ్రి నిరూపించాడు.
