బీరూట్: దక్షిణ లెబనాన్లో పక్షంరోజులుగా ఇజ్రాయెల్ సైనిక కార్యకలాపాలు గణనీయంగా పెరిగాయని లెబనాన్లోని ఐక్యరాజ్యసమితి తాత్కాలిక దళం (UNIFIL) ఆందోళన వ్యక్తం చేసింది. ఈ పెరుగుతున్న ఉద్రిక్తతల వల్ల సాధారణ ప్రజలు తీవ్ర ఇబ్బందులు ఎదుర్కొంటున్నారని, ఈ ఉద్రిక్తతల కారణంగా పౌరులు తీవ్రంగా నష్టపోతున్నారని యూఎన్ఐఎఫ్ఐఎల్ పేర్కొంది.
“ఆగస్టు 5 నుండి 16 మధ్య, UNIFIL రోజుకు సగటున 137 క్షిపణులు దాడి చేసినట్లు పేర్కొంది. ఇందులో శనివారం 208, ఆదివారం 185 దాడులు జరిగాయని” UNIFIL ఒక ప్రకటనలో తెలిపింది. “ఉద్రిక్తతలు పెరుగుతున్న కొద్దీ, అభద్రత, అనిశ్చితి కారణంగా పౌరులు మరోసారి అత్యధిక మూల్యం చెల్లిస్తున్నారు, అనేక కుటుంబాలు నిరాశ్రయులయ్యాయి, వారి దైనందిన జీవితాలను మార్చుకోవలసి వస్తోంది,” అని ఐక్యరాజ్యసమితి తాత్కాలిక దళం తెలిపింది.
గస్తీ, పర్యవేక్షణ, రహదారులపై అడ్డంకులను తొలగించడం, పేలుడు పదార్థాల వల్ల కలిగే ప్రమాదాలను తగ్గించడం, మానవతా సహాయానికి మార్గాన్ని సులభతరం చేయడం ద్వారా తమ శాంతి పరిరక్షకులు క్షేత్రస్థాయిలో తమ పర్యవేక్షిస్తారని UNIFIL తెలిపింది. కాగా, దక్షిణ లెబనాన్లో శాంతిని పునరుద్ధరించడానికి ఐక్యరాజ్యసమితి భద్రతా మండలి తీర్మానం 1701 ప్రాథమిక రూపకల్పనగా ఉంది. 2006లో ఆమోదించిన ఈ తీర్మానం ఇజ్రాయెల్, ఇరాన్ మద్దతు పొందిన హెజ్బోల్లా మధ్య యుద్ధాన్ని నిలిపివేయడం, లెబనాన్ సైన్యం, UNIFIL, దక్షిణ లెబనాన్లోని మోహరింపును బలోపేతం చేయాలని పిలుపునిచ్చింది.
అలాగే యునిఫిల్ (UNIFIL) అధికార పరిధిని పొడిగించడానికి, ఆ ప్రాంతంలో అంతర్జాతీయ దళాల నిరంతర ఉనికిని నిర్ధారించే ఒక సూత్రాన్ని స్వీకరించడానికి లెబనీస్ అధ్యక్షుడు జోసెఫ్ ఔన్ మద్దతు తెలిపారు. కాగా, దక్షిణ లెబనాన్లో యునిఫిల్ (UNIFIL) పర్యవేక్షణ ఈ ఏడాది చివరి నాటికి ముగుస్తుంది.
కాగా, జూన్ 26న బీరూట్, ల్ అవీవ్ల మధ్య కుదిరిన “ఫ్రేమ్వర్క్ ఫార్ములా” ఒప్పందానికి సంబంధించిన భద్రతా ఏర్పాట్లను పటిష్టం చేసే ప్రయత్నాల మధ్య ఈ తాజా పరిణామాలు చోటుచేసుకున్నాయి. ఈ ఒప్పందం ప్రకారం, ఆక్రమిత లెబనీస్ భూభాగం మొత్తం నుండి ఇజ్రాయెల్ క్రమంగా వైదొలగాలి, ఆ తర్వాత ఖాళీ అయిన ప్రాంతాలలో లెబనీస్ సైనిక దళాలు మోహరించనున్నాయి. అంతేకాకుండా, హిజ్బుల్లాను ఉద్దేశించి “సాయుధ గ్రూపుల” నిరాయుధీకరణకు కూడా ఈ ఒప్పందం పిలుపునిస్తుంది.
ఇక దక్షిణ లెబనాన్లోని పలు ప్రాంతాలలో ఇజ్రాయెల్ దళాలు ఇప్పటికీ ఉన్నాయి, వాటిలో కొన్నింటిని అది దశాబ్దాలుగా ఆక్రమించుకుంది. 2023, 2024లో జరిగిన మునుపటి పోరాటాల సమయంలో ఇజ్రాయెల్ దళాలు లెబనాన్ సార్వభౌమ భూభాగంలోకి 10 కిలోమీటర్ల (6.2 మైళ్లు) కంటే ఎక్కువ దూరం చొచ్చుకువచ్చాయి; అప్పటి నుండి కొన్ని ప్రాంతాలు వారి ఆక్రమణలోనే ఉన్నాయి. శనివారం జరిగిన ఇజ్రాయెల్ వైమానిక దాడుల్లో 11 మంది మరణించడంతో, మార్చి 2 నుండి దక్షిణ లెబనాన్పై జరిగిన వరుస దాడుల్లో మరణించిన వారి సంఖ్య 4,346కు పెరిగింది.
