వాషింగ్టన్: చమురు ఉత్పత్తి దేశాల సంస్థ (OPEC) కీలక నిర్ణయం తీసుకుంది. ఉత్పత్తి చేసే చమురులో రోజుకు ఏకంగా 2 మిలియన్ బ్యారెళ్ల మేర కోత విధించింది. కరోనా మహమ్మారి మొదలైనప్పటినుంచి ఇంత మేర ఇంధన ఉత్పత్తి తగ్గించడం ఇదే తొలిసారి కావడం గమనార్హం. ఒపెక్ ప్లస్ కూటమి ఈ నిర్ణయాన్ని వెనక్కి తీసుకోవాలని అగ్రరాజ్యం అమెరికా ఒత్తిడి తెచ్చినా సఫలం కాలేదు. దీంతో అమెరికా అధ్యక్షుడు జో బైడెన్ సౌదీ అరేబియాను హెచ్చరించారు.
రియాద్ నేతృత్వంలోని చమురు-ఉత్పత్తి దేశాల సంకీర్ణం ధరలను పెంచే ప్రయత్నంలో ఉత్పత్తిని తగ్గించి రష్యాకు వంత పాడుతున్నాయని అమెరికా అధ్యక్షుడు ఆరోపించారు. దీన్ని ఎలా ఎదుర్కోవాలో తమకు తెలుసని, దీపి పరిణామాలు తీవ్రంగా ఉంటాయని బిడెన్ మంగళవారం యుఎస్ బ్రాడ్‌కాస్టర్ సిఎన్‌ఎన్‌తో అన్నారు.
మాస్కో నేతృత్వంలోని 13-దేశాల OPEC కార్టెల్, దాని 10 మిత్రదేశాలు గత వారం నవంబర్ నుండి రోజుకు రెండు మిలియన్ బ్యారెల్స్ ఉత్పత్తిని తగ్గించాలన్న నిర్ణయం వైట్ హౌస్‌కు కోపం తెప్పించాయి, చమురు ధరలు పెరుగుతాయనే భయాలను పెంచాయి.
ఈ నిర్ణయం వల్ల ఇంధన ధరలు పెరుగుతాయని, గత ఎనిమిది నెలలుగా ఉక్రెయిన్తో రష్యా అధ్యక్షుడు వ్లాదిమిర్ పుతిన్ చేస్తున్న యుద్ధం కోసం నిధులు సమకూరుతాయని అమెరికా అనుమానిస్తోంది. రష్యాను ఆర్ధికంగా దెబ్బతీసేందుకు జరుగుతున్న ప్రయత్నాలకు విఘాతం కలుగుతుందని, ఇప్పటికే యుధ్ధం కారణంగా అస్థిరంగా మారిన ప్రపంచ ఆర్థిక వ్యవస్థకు కొత్త సవాళ్లు ఎదురవుతాయని అమెరికా అనుమానిస్తోంది.
సౌదీ అరేబియా విదేశాంగ మంత్రి ప్రిన్స్ ఫైసల్ బిన్ ఫర్హాన్ అల్ సౌద్ మంగళవారం అల్-అరేబియా ఛానెల్‌తో మాట్లాడుతూ OPEC+ నిర్ణయం పూర్తిగా ఆర్థికపరమైనదని, ఏకగ్రీవంగా తీసుకున్నట్లు చెప్పారు. ఒపెక్ సభ్యులు బాధ్యతాయుతంగా వ్యవహరించి తగిన నిర్ణయం తీసుకున్నారని, ఈ కూటమి మార్కెట్‌ను స్థిరీకరించడానికి, ఉత్పత్తిదారులు, వినియోగదారుల ప్రయోజనాలను కాపాడేందుకు ప్రయత్నిస్తుందని ఆయన తెలిపారు.
దౌత్యపరమైన చెంపదెబ్బ
జులైలో బిడెన్ సౌదీ అరేబియాకు వెళ్లి ప్రధాన మంత్రి మహ్మద్ బిన్ సల్మాన్‌తో సమావేశమయ్యాక… ఒపెక్ నిర్ణయం అగ్రారాజ్యానికి దౌత్యపరమైన చెంపదెబ్బగా విదేశాంగ నిపుణులు పరిగణిస్తున్నారు.
అంతకుముందు మంగళవారం వైట్‌హౌస్ జాతీయ భద్రతా మండలి ప్రతినిధి జాన్ కిర్బీ మాట్లాడుతూ.. సౌదీ అరేబియాతో సంబంధాలు మెరుగుపరుచకోవడం ఎలా అన్న అంశంపై బిడెన్ “కాంగ్రెస్‌తో కలిసి పనిచేయడానికి సిద్ధంగా ఉన్నారని అని ఆయన స్పష్టం చేశారు, అయినప్పటికీ అధికారిక చర్చలు ఇంకా ప్రారంభం కాలేదన్నారు. సెనేట్ ఫారిన్ రిలేషన్స్ కమిటీ డెమొక్రాటిక్ ఛైర్మన్ బాబ్ మెనెండెజ్, సౌదీతో సంబంధాలు నిలిపివేయాలని వాషింగ్టన్‌కు పిలుపునిచ్చిన ఒక రోజు తర్వాత జాన్ కిర్బీ ఈ వ్యాఖ్యలు చేశారు.
సెనేట్ ఫారిన్ రిలేషన్స్ కమిటీ ఛైర్మన్‌గా, ఉక్రెయిన్‌లో యుద్ధానికి సంబంధించి అగ్రరాజ్యం తన స్థానాన్ని తిరిగి అంచనా వేసే వరకు నేను సౌదీతో స్నేహానికి ఒప్పుకోను అని” బాబ్ మెనెండెజ్ అన్నారు.
సౌదీ అరేబియాకు అమెరికా ఆయుధాల విక్రయం
రెండవ ప్రపంచ యుద్ధం తర్వాత అమెరికా,సౌదీ అరేబియా సంబంధాలు పూర్తిగా దెబ్బతిన్నారు. కేవలం చమురు బదులుగా అమెరికా సౌదీకి సైనిక రక్షణను అందించింది.
స్టాక్‌హోమ్ ఇంటర్నేషనల్ పీస్ రీసెర్చ్ ఇన్‌స్టిట్యూట్ ప్రకారం… అమెరికా మాజీ అధ్యక్షుడు డొనాల్డ్ ట్రంప్ ద్వారా ఈ సంబంధాలను పునరుద్ధరించారు, ట్రంప్ అధ్యక్షునిగా ఉన్న సమయంలో యూఎస్‌ ఆయుధాల ఎగుమతుల్లో నాలుగింట ఒక వంతు వాటాను సౌదీ అరేబియా కొనుగోలు చేసింది.
ఇదే సయోధ్యను కొనసాగిస్తూ, సౌదీ అరేబియా 300 పేట్రియాట్ MIM-104E క్షిపణి వ్యవస్థలను కొనుగోలు చేస్తుందని ఆగస్ట్‌లో బిడెన్ ప్రకటించారు., వీటిని విమానాలను కూల్చడానికి ఉపయోగించవచ్చు. సౌదీ అరేబియా ఇటీవల హౌతీ తిరుగుబాటుదారుల నుండి ఇటీవల రాకెట్ బెదిరింపులను ఎదుర్కొంది.
అగ్రరాజ్యంలో వచ్చే నెలలో మధ్యంతర ఎన్నికలు జరుగనున్న నేపథ్యంలో గ్యాసోలిస్ ధరల భారం పెరిగితే ఫలితాలపై ప్రతికూల ప్రభావం ఉంటుందన్న డెమోక్రాట్లు ఆందోళన చెందుతున్నారు. ఒపెక్ ప్లస్ నిర్ణయం నేపథ్యంలో సౌదీకి అందిస్తున్న సహకారాన్ని నిలిపివేయాలని ఆ పార్టీకి చెందిన చట్టసభ సభ్యులు డిమాండ్ చేస్తున్నారు. ఆ దేశానికి ఆయుధాల విక్రయాలను ఏడాది పాటు నిలిపివేయాలంటూ కనెక్టికట్ సెనెటర్ రిచర్డ్ బ్లూమంటాల్, కాలిఫోర్నియా ప్రతినిది రో బన్నా కాంగ్రెస్లో తీర్మానం ప్రవేశపెట్టారు. ఇది ఆమోదం పొందితే సౌదీకి విడిభాగాల విక్రయాలు, మరమ్మతు, రవాణా సేవలు నిలిచిపోతాయి.
అయితే గ్యాస్ ధరల పెంపును నిరోధించేందుకు ప్రత్యామ్నాయాలను పరిశీలిస్తామని బిడెన్ గత వారం చెప్పారు. వీటిలో యూఎస్‌ పెట్రోలియం రిజర్వ్ నుండి మరింత పెట్రోలు విడుదల చేస్తామన్నారు. దీంతో దేశీయంగా పెట్రో ఉత్పత్తిని పెంచేందుకు డ్రిల్లింగ్ పెరిగే అవకాశం ఉంది, అలాగే ఎగుమతులపై పరిమితులతో సహా మరింత కఠినమైన చర్యలు ఉంటాయి.