అగర్తల: త్రిపురకు చెందిన ఓ బీజేపీ ఎమ్మెల్యే అసెంబ్లీలో అశ్లీల వీడియోలు చూస్తూ కెమెరాకు దొరికిపోయాడు. ఓవైపు అసెంబ్లీలో సమావేశాలు జరుగుతుంటే.. ఈ ఎమ్మెల్యే తన మొబైల్లో పోర్న్ వీడియో చూసుకుంటూ కూర్చున్నాడు. అందుకు సంబంధించిన వీడియో ఒకటి సోషల్ మీడియాలో వైరల్ అయ్యింది. ప్రతిపక్షాలతోపాటూ ప్రజలు కూడా ఆ ఎమ్మెల్యేపై మండిపడ్డారు. సదరు ఎమ్మెల్యే… బాగ్బస్సా నియోజకవర్గానికి ప్రాతినిథ్యం వహిస్తున్నాడు.
కాగా, ఈ ఇబ్బందికరమైన సంఘటనపై సదరు ఎమ్మెల్యే వివరణ ఇచ్చారు. “ఇది ఎలా జరిగిందో నాకు తెలియదు. నేను పోర్న్ వీడియోలు చూడటం లేదు. నాకు అకస్మాత్తుగా కాల్ వచ్చింది. నేను ఫోన్ తీయగానే వీడియో ప్లే కావడం ప్రారంభించింది. నేను ఆ వీడియోను మూసివేయడానికి ప్రయత్నించాను, కానీ దానిని మూసివేయడానికి సమయం పడుతుంది కదా,” అని అతను ANI కి చెప్పాడు.
ముఖ్యమంత్రి, పార్టీ అధ్యక్షుడు ఏ నిర్ణయం తీసుకున్నా తాను అంగీకరిస్తానని కూడా చెప్పారు. నేను ఉద్దేశపూర్వకంగా వీడియో ప్లే చేయలేదు’ అని ఎమ్మెల్యే అన్నారు.
వైరల్ అయిన వీడియోలో, మిస్టర్ నాథ్ అనేక వీడియో క్లిప్స్ స్క్రోలింగ్ చేయడం, అదే సమయంలో స్పీకర్, ఇతర ఎమ్మెల్యేల మాటలు వినబడుతున్నప్పుడు అశ్లీలంగా కనిపించే క్లిప్ను సదరు ఎమ్మెల్యే ఆసక్తిగా చూస్తున్నారు.
బడ్జెట్ సమావేశాల చివరి రోజైన బుధవారం అసెంబ్లీలో కార్యక్రమాలు జరుగుతున్నప్పుడు ఇది జరిగినట్లు తెలుస్తోంది.
ఆయనపై కఠిన చర్యలు తీసుకోవాలని ప్రతిపక్షాలు డిమాండ్ చేశాయి. “ఈ సంఘటన ఎమ్మెల్యేలందరి ప్రతిష్టను దిగజార్చింది. ఈ వ్యక్తికి తగిన శిక్ష పడాలి. అసెంబ్లీలో మొబైల్ ఫోన్ల వాడకం పూర్తిగా నిషేధించారు. అయినా అతను అశ్లీల చిత్రాలను ఎలా చూడగలిగాడు?” అని రాష్ట్ర కాంగ్రెస్ అధ్యక్షుడు బిరాజిత్ సిన్హా అన్నారు.
ప్రతిపక్ష నేత అనిమేష్ దెబ్బర్మ కూడా నాథ్పై చర్యలు తీసుకోవాలని డిమాండ్ చేశారు. ఇలాంటి చర్యలపై స్పీకర్ కఠిన చర్యలు తీసుకోవాలని ఆయన అన్నారు. ఈ అంశంపై తనకు ఇంకా ఫిర్యాదు అందలేదని స్పీకర్ బిశ్వబంధు సేన్ తెలిపారు.
“నాకు ఎలాంటి ఫిర్యాదు అందలేదు. ఇది సోషల్ మీడియాలో వైరల్గా మారింది, కానీ సోషల్ మీడియాలో చాలా విషయాలు వైరల్ అవుతున్నాయి. సరైన ఫిర్యాదు వచ్చే వరకు, నేను వ్యాఖ్యానించలేను. అది పూర్తయ్యాక, నేను విచారణ చేసి అసెంబ్లీ నిబంధనల ప్రకారం నడుచుకుంటాను. ,” అని స్పీకర్ చెప్పారు.
బీజేపీ ఎమ్మెల్యేను వివరణ కోరగా, ఆయనకు సమన్లు పంపినట్లు పార్టీ వర్గాలు తెలిపాయి. అయితే ఈ ఘటన బీజేపీ నేతకు ఇబ్బందికర పరిస్థితికి గురికావడం ఇదే తొలిసారి కాదు. 2012లో కర్ణాటకకు చెందిన ముగ్గురు బీజేపీ మంత్రులు — లక్ష్మణ్ సావ్ది, సిసి పాటిల్, కృష్ణ పాలేమార్ — అసెంబ్లీలో పోర్న్ చూస్తూ పట్టుబడ్డారు.
BJP MLA caught watching porn on mobile during Tripura Assembly session #BJPMLA #TripuraAssemblysession #JadabLalNath pic.twitter.com/TV4L18JqAQ
— Aman Yadav (News24) (@Amanyadav7629) March 30, 2023