న్యూఢిల్లీ: ఇళ్ల కూల్చివేత బాధితులు – ఒకరు మధ్యప్రదేశ్, మరొకరు రాజస్థాన్‌కు చెందినవారు ఇద్దరూ సుప్రీంకోర్టులో జమియత్ ఉలమా-ఇ-హింద్ (JUH) సాయంతో సుప్రీంకోర్టు తలుపుతట్టారు. కె.వి. విశ్వనాథన్, బి.ఆర్‌ గవాయితొ కూడిన ద్విసభ్య ధర్మాసనం ఈ కేసును విచారిస్తోంది.
బుల్డోజర్ జస్టిస్ పేరుతో నేర కార్యకలాపాలకు పాల్పడినట్లు అనుమానిస్తున్న వారి ఇళ్లు, నిర్మాణాలను కూల్చివేయడంపై దేశ అత్యున్నత న్యాయస్థానం అక్టోబర్ 1వ తేదీ వరకు స్టే విధించింది. ఇదే సమయంలో అనధికారిక నిర్మాణాలను కూల్చివేయడానికి ఇలాంటి అనుమతులేవీ అవసరం లేదని స్పష్టం చేసింది. సుప్రీంకోర్టు న్యాయమూర్తులు జస్టిస్ బీఆర్ గవాయ్, జస్టిస్ కేవీ విశ్వనాథన్‌లతో కూడిన ధర్మాసనం ఈ తీర్పు ఇచ్చింది. అక్టోబర్ 1వ తేదీ వరకు తమ ఆదేశాలు అమల్లో ఉంటాయని స్పష్టం చేసింది.
బాధితుల్లో ఒకరు మధ్యప్రదేశ్ రత్లాం జిల్లాలోని జారా పట్టణానికి చెందిన మహ్మద్ హుస్సేన్ కాగా, మరొకరు రాజస్థాన్‌కు ఉదయపూర్‌కు చెందిన రషీద్ ఖాన్. మహ్మద్ హుస్సేన్ తరపున సీనియర్ న్యాయవాది సియు సింగ్, సుప్రీంకోర్టులో రషీద్ ఖాన్ తరపున న్యాయవాది ఫౌజియా షకీల్ వాదించారు.
ఈ పిటిషన్‌ల ఆధారంగా, సుప్రీం కోర్టు రాజస్థాన్, మధ్యప్రదేశ్ రాష్ట్ర ప్రభుత్వాలకు నోటీసులు జారీ చేసింది, ఈ కేసు తదుపరి విచారణ తేదీ అయిన అక్టోబర్ 1, 2024న తిరిగి విచారణకు రానుంది.
తమ ఇళ్లను రాష్ట్ర అధికారులు చట్టవిరుద్ధంగా బుల్డోజర్ చేశారని బాధితులిద్దరూ వాపోయారు. స్థానిక అధికారుల చర్యలు “ఏకపక్షం , శిక్షార్హమైనవి” అని వారు తమ పిటీషన్ లో పేర్కొన్నారు.
మహ్మద్ హుస్సేన్: పాక్షికంగా నేలమట్టమైన ఇంటి గురించి ఒక కూలీ కథ
మధ్యప్రదేశ్‌లోని రత్లాం జిల్లాలోని జాయోరాకు చెందిన మహ్మద్ హుస్సేన్ అనే కార్మికుడి ఇంటిని అతని కుమారుడిపై ఆరోపణల ఆధారంగా పాక్షికంగా కూల్చివేశారు. క్రిమినల్ కేసుల్లో నిందితులుగా ఉన్న వ్యక్తులకు చెందిన నివాస లేదా వాణిజ్య ఆస్తుల కూల్చివేతలో అధికారులు “తదుపరి చర్యలు” తీసుకోకుండా నిరోధించడానికి ఆదేశాలను ఇవ్వాలని కోరడంతో పాటు, ఏకపక్ష చర్యలపై న్యాయ విచారణకు ఆదేశించాలని, తన పునర్నిర్మాణానికి అధికారులను ఆదేశించాలని హుస్సేన్ సుప్రీంకోర్టును అభ్యర్థించారు.
హుస్సేన్ తన తల్లితో కలిసి ఆస్తికి సహ యజమాని అని సమర్పించాడు. తమ నివాసంలో ఒక గది, వంటగది, టాయిలెట్, బాత్రూమ్, పై అంతస్తులో పెద్ద హాలు ఉన్నాయి. దానికి ఆనుకుని 8 అడుగుల 6 అడుగుల మేర చిన్న దుకాణం ఉండేది.
కోర్టుకు సమర్పించిన పిటీషన్ ప్రకారం, ఆస్తి చరిత్ర జనవరి 5, 1990 నాటిది, హుస్సేన్ తాత నూర్ మహ్మద్ 1,600 చదరపు అడుగుల ఆస్తిని తన ఐదుగురు కుమారులకు గిఫ్టు డీడ్ ద్వారా సమానంగా పంచాడు. హుస్సేన్ తండ్రి, బుల్బుల్, ఇల్లు, దుకాణం ఉన్న భాగాన్ని వారసత్వంగా పొందాడు.
హుస్సేన్ కి అనుకూలంగా స్థానిక కోర్టు తాత్కాలిక నిషేధం మంజూరు చేసినప్పటికీ, జూన్ 14న జిల్లా యంత్రాంగం దాదాపు 10 అడుగుల నిర్మాణాన్ని పాక్షికంగా కూల్చివేసింది.
తాను సంబంధిత పత్రాలను అధికారులకు అందించానని, అయితే వారు తనను పట్టించుకోకుండా కూల్చివేతకు పాల్పడ్డారని, దీంతో తన కుటుంబం బలవంతంగా బంధువుల వద్ద ఆశ్రయం పొందుతున్నానని హుస్సేన్ పేర్కొన్నాడు. ఆరోపించిన ఆస్తి అక్రమానికి సంబంధించి తనకు అధికారికంగా ఎలాంటి నోటీసులు జారీ చేయలేదని ఆరోపించారు.
ఏకపక్ష చర్యలపై న్యాయ విచారణకు ఆదేశించాలని, నిర్మాణాన్ని పునర్నిర్మించేలా అధికారులను ఆదేశించాలని, తనకు జరిగిన నష్టాలకు పరిహారం ఇవ్వాలని, అక్రమ కూల్చివేతలకు పాల్పడిన అధికారులను శిక్షించాలని హుస్సేన్ సుప్రీంకోర్టును అభ్యర్థించారు.
రషీద్ ఖాన్: ఓ ఆటో డ్రైవర్ ఇంటిని ధ్వంసం చేశారు
రషీద్ ఖాన్ ఆస్తిని అద్దెకు ఇచ్చాడు. అతని అద్దెదారు కొడుకు క్రిమినల్ కేసులో ప్రమేయం ఉన్నందున ప్రతీకార చర్యగా అతని ఇంటిని కూల్చేశారు. రషీద్ ఖాన్ వృత్తిరీత్యా ఆటోడ్రైవర్.
ఖాన్ 2019 ఫిబ్రవరి 26న ఉదయ్‌పూర్‌లోని పటేల్ సర్కిల్‌లోని దివాన్ షా కాలనీలోని ఒకే అంతస్థుల నివాసాన్ని రూ. 16.5 లక్షలకు కొన్నాడు, సంవత్సరాలపాటు పని చేసి పొదుపు చేసిన డబ్బును దీనికోసం వెచ్చించాడు.
నాలుగు గదులు, వంటగది, బాత్రూమ్, నేలమాళిగలో ఒక చిన్న దుకాణంతో కూడిన ఆస్తిని ఇద్దరు అద్దెదారులకు అద్దెకు ఇచ్చారు. ఈ అద్దెదారులలో ఒకరైన సలీమ్ షేక్ తన కుటుంబంతో సహా అక్కడ నివసించారు.
ఆగస్ట్ 16, 2024న ఉదయపూర్‌లోని పాఠశాలలో జరిగిన వివాదంలో సలీమ్ షేక్ 16 ఏళ్ల కుమారుడు క్లాస్‌మేట్‌ను కత్తితో పొడిచి చంపిన సంఘటన తర్వాత అధికారులు కూల్చివేతలను చేపట్టారు. గాయపడిన మైనర్ ఆగష్టు 19న కన్నుమూశారు, మతపరమైన ఉద్దేశ్యాలతో పెద్ద ఎత్తున హింసకు దారితీసింది, కాల్పులు, విధ్వంసం, రెచ్చగొట్టే ప్రదర్శనలకు దారితీసింది.
దీని తరువాత, మితవాద సంస్థలు, స్థానిక బిజెపి ఎమ్మెల్యే “బుల్డోజర్ చర్య” కోసం పిలుపునిచ్చారు. ఆగస్టు 17 ఉదయం, పోలీసులు ఖాన్ ఆస్తిని సందర్శించారు. అద్దెదారులను ఖాళీ చేయమని ఆదేశించారు. ఇంటిపై నోటీసులు అతికించారు. ఒకటి ఉదయపూర్ మునిసిపల్ కార్పొరేషన్ నుండి, మరొకటి ఉదయపూర్ వెస్ట్ రీజినల్ ఫారెస్ట్ ఆఫీసర్ నుండి అందించారు.
ఆ ఇంటికి తాను యజమానినని, సలీమ్ అద్దెదారుడని ఎన్నిసార్లు విన్నవించినా… ఆగష్టు 17న కూల్చివేతను కొనసాగించారు. ఏకపక్షంగా, చట్టవిరుద్ధంగా, దురుద్దేశంతో కూల్చివేత జరిగిందని ఖాన్ వాదించారు.
నిర్మాణం జరిగి 40 ఏళ్లు దాటినందున రాజస్థాన్ మునిసిపాలిటీల చట్టం, 2009లోని నిబంధనలు తన కేసుకు వర్తించవని ఖాన్ తన దరఖాస్తులో పేర్కొన్నాడు. అధికారులు తమ సొంత నోటీసులు, చట్టబద్ధమైన నిబంధనలకు విరుద్ధంగా వ్యవహరించారని, నిర్ణీత సమయం ముగియకుండానే కూల్చివేతలను నిర్వహించారని ఆయన ఎత్తి చూపారు.
ఖాన్ తదుపరి కూల్చివేతలు నుండి రక్షణ కోరుతూ, కేంద్ర ప్రభుత్వం, అన్ని రాష్ట్రాలు క్రిమినల్ ప్రొసీడింగ్‌లలో నిందితుల ఆస్తులకు వ్యతిరేకంగా శిక్షార్హమైన చర్యల నుండి దూరంగా ఉండాలని అభ్యర్థించారు.
కత్తిపోట్లకు మతపరమైన చిక్కులు లేకుండా వ్యక్తిగత వివాదం అని ఉదయపూర్ డివిజనల్ కమీషనర్ సూచించినప్పటికీ, అధికారులు ఖాన్ ఆస్తికి వ్యతిరేకంగా వేగంగా చర్యలు చేపట్టారు. కూల్చివేత రాజస్థాన్ మునిసిపాలిటీల చట్టం, 2009 మరియు రాజస్థాన్ ల్యాండ్ రెవెన్యూ చట్టం, 1956లోని అనేక నిబంధనలను ఉల్లంఘించిందని, కూల్చివేత జరగడానికి ముందు సహేతుకమైన నోటీసు ఇవ్వలేదని ఖాన్ అన్నారు.