వచ్చే విద్యాసంవత్సరంనుంచి ద్విభాషా పాఠ్యపుస్తకాలు… సిద్ధం చేస్తున్న పాఠశాల విద్యాశాఖ!

హైదరాబాద్: వచ్చే విద్యాసంవత్సరం నుంచి రాష్ట్రంలోని ఇంగ్లీష్‌ మీడియం ప్రవేశ పెట్టనున్న నేపథ్యంలో విద్యాశాఖాధికారులు అందుకు తగ్గ ఏర్పాట్లు మొదలుపెట్టారు. తెలుగు, ఉర్దూ మీడియంలో చదువుతున్న విద్యార్థులకు ఇంగ్లీష్‌ మీడియంలో ఉన్న పాఠాలు సులువుగా అర్థమయ్యేందుకు ద్విభాషా పాఠ్యపుస్తకాలను తీసుకువస్తోంది. పాఠశాల విద్యా శాఖ నాన్-లాంగ్వేజ్ సబ్జెక్టులకు ద్విభాషా పాఠ్యపుస్తకాలను అందించేందుకు ఏర్పాట్లు పూర్తి చేసింది. అంటే పాఠ్యపుస్తకాలు రెండు భాషలలో అందుబాటులో ఉంటాయి. ఉదాహరణకు, తెలుగు మీడియంలోని ప్రతి పాఠం పేజీ ప్రక్కనే ఉన్న పేజీలో కూడా ఒక ఆంగ్ల వెర్షన్ ఉంటుంది. అదేవిధంగా, హిందీ మరియు ఉర్దూ మీడియం విద్యార్థులకు, ఒకే అంశం
వరుసగా హిందీ మరియు ఆంగ్ల భాషలలో  ఉర్దూ, ఆంగ్ల భాషలలో అందుబాటులో ఉంటుంది. దీంతో వచ్చే విద్యా సంవత్సరం నుంచి ప్రభుత్వ పాఠశాలల్లోని విద్యార్థులు ద్విభాషా పాఠ్యపుస్తకాలను చదివి నేర్చుకోవచ్చు.
ప్రభుత్వ పాఠశాలల్లో ఇంగ్లీషు మీడియం విద్యాబోధనను ప్రవేశపెట్టాలని రాష్ట్ర ప్రభుత్వం నిర్ణయించిన నేపథ్యంలో ద్విభాషా పాఠ్యపుస్తకాలను ప్రవేశపెట్టేందుకు ఈ నిర్ణయం తీసుకుంది. ఈ  పాఠ్యపుస్తకాలు, ఆంగ్లేతర మీడియం విద్యార్థులు ఇంగ్లీషు మీడియంకు మారడానికి సహాయపడతాయని విద్యాశాఖాధికారులు పేర్కొన్నారు. అంతేకాకుండా పాఠాలను సులభంగా అర్థం చేసుకునేందుకు, నేర్చుకోవడంలో విద్యార్థులకు ఇతోధికంగా సహాయపడతాయని వారు తెలిపారు.
దీనికి సంబంధించి, పాఠశాల విద్యా శాఖకు చెందిన స్టేట్ కౌన్సిల్ ఆఫ్ ఎడ్యుకేషన్ రీసెర్చ్ అండ్ ట్రైనింగ్ (SCERT) ద్విభాషా కంటెంట్‌పై పని చేస్తోంది.
“ప్రస్తుతం, 7వ తరగత వరకు భాషేతర సబ్జెక్టుల పాఠ్యపుస్తకాలు ద్విభాషలుగా తయారు చేస్తున్నారు. కంటెంట్ ప్రిపరేషన్ దాదాపు పూర్తయింది. ప్రింటింగ్ కోసం కంటెంట్‌ను విడుదల చేయడానికి ప్రభుత్వ ఆదేశాల కోసం మేము ఎదురుచూస్తున్నాము, ”అని ఒక అధికారి తెలిపారు. తెలుగు, ఇంగ్లీషు భాషల్లో అందుబాటులో ఉన్న కంటెంట్‌తో, పాఠ్యపుస్తకంలోని పేజీల సంఖ్య పెరుగుతుంది, తద్వారా పాఠ్య పుస్తకం బరువు పెరుగుతుంది. స్కూల్ బ్యాగులు అధిక బరువును తగ్గించేందుకు మ్యాథ్స్‌, సైన్స్‌, సోషల్‌ సైన్స్‌ వంటి భాషేతర సబ్జెక్టుల కోసం రెండు భాగాలతో పాఠ్యపుస్తకాలను అందించేందుకు కూడా విద్యాశాఖ ప్రయత్నం చేస్తోంది. వచ్చే విద్యాసంవత్సరానికి, పాఠశాల విద్యాశాఖ 1.70 కోట్ల ఉచిత కాంపోనెంట్ పాఠ్యపుస్తకాలను ప్రభుత్వ సంస్థల్లోని విద్యార్థులకు పంపిణీ చేయనుంది. భాషేతర సబ్జెక్టులకు రెండు ద్విభాషా పాఠ్యపుస్తకాలను అందించాలని ప్రభుత్వం నిర్ణయించినట్లయితే ఈ సంఖ్య పెరుగుతుంది. గతేడాది మొత్తం 1.46 కోట్ల ఉచిత కాంపోనెంట్ పాఠ్యపుస్తకాలను ముద్రించి విద్యార్థులకు పంపిణీ చేశారు.
“ప్రస్తుతం పాఠ్యపుస్తకాలకు అవసరమైన పేపర్ కోసం టెండర్ ప్రక్రియ జరుగుతోంది. మేము SCERT నుండి కంటెంట్‌ను తీసుకొని ఉచిత కాంపోనెంట్స్  పాఠ్యపుస్తకాలను ముద్రించడం ప్రారంభిస్తాము. ‘మే’ నెలలో విద్యార్థులకు పాఠ్యపుస్తకాలు పంపిణీ చేసేందుకు ప్రణాళిక సిద్ధం చేశాం’’ అని ఓ అధికారి తెలిపారు.