- వరంగల్‌కు ప్రపంచస్తాయి గుర్తింపు
- యునెస్కో గ్లోబల్ నెట్‌వర్క్ ఆఫ్ లెర్నింగ్ సిటీస్‌లో చోటు
- హర్షం వ్యక్తం చేసిన కేంద్రమంత్రి కిషన్ రెడ్డి
- గతేడాది రామప్ప గుడికి యునెస్కో గుర్తింపు
- ఏడాది వ్యవధిలోనే వరంగల్ నగరానికీ యునెస్కో గుర్తింపు
- కేసీఆర్, కేటీఆర్‌ల కృషి అంటూ ఎర్రబెల్లి ట్వీట్
వరంగల్: హెరిటేజ్ సిటీ వరంగల్‌కు మరో అరుదైన ఘనత లభించింది. యునెస్కో గ్లోబల్ నెట్‌వర్క్ ఆఫ్ లెర్నింగ్ సిటీస్‌లో ఓరుగల్లు చేరింది. యునెస్కోకు భారత శాశ్వత ప్రతినిధి బృందం అధికారిక ట్విట్టర్ ఖాతా ద్వారా ఈ విషయం వెల్లడైండి.
ఈ సందర్భంగా వరంగల్‌ను అభినందిస్తూ, కేంద్ర సాంస్కృతిక మరియు పర్యాటక శాఖ మంత్రి జి.కిషన్ రెడ్డి కూడా శుభాకాంక్షలు తెలిపారు. ‘తెలంగాణ రాష్ట్రంలోని వరంగల్ యునెస్కో గ్లోబల్ నెట్‌వర్క్ ఆఫ్ లెర్నింగ్ సిటీస్‌లో చేరింది. ఈ మహత్తర సందర్భంలో వరంగల్, తెలంగాణకు అభినందనలు. వరంగల్‌లోని గ్రేట్ రామప్ప ఆలయానికి యునెస్కో వరల్డ్ హెరిటేజ్ సైట్ ట్యాగ్ ఇచ్చిన తర్వాత , వరంగల్ రెండో గుర్తింపును పొందింది.’ అని ఆయన ట్వీట్ చేశారు.
Great News!
Warangal in Telangana state joins The @UNESCO Global Network of Learning Cities!
Congratulations Warangal & Telangana on this momentous occasion.
After the inscription of World Heritage Site Tag by UNESCO to the Great Ramappa Temple in Warangal,
1/2 pic.twitter.com/ZpbWg3tVXV— G Kishan Reddy (@kishanreddybjp) September 5, 2022
అభ్యసన నగరాలను నిర్మించడానికి నిర్దిష్ట వ్యూహాలను అభివృద్ధి చేయడంలో స్థానిక సంస్థలకు మద్దతు ఇవ్వడానికి, యునెస్కో ఇన్‌స్టిట్యూట్ ఫర్ లైఫ్‌లాంగ్ లెర్నింగ్ (UIL) UNESCO గ్లోబల్ నెట్‌వర్క్ ఆఫ్ లెర్నింగ్ సిటీస్ (GNLC)ని స్థాపించింది, ఇది జీవితకాల అభ్యాసానికి మద్దతు ఇవ్వడం, వేగవంతం చేయడం లక్ష్యంగా పెట్టుకుంది.
రామప్ప ఆలయం ఇప్పటికే యునెస్కో ప్రపంచ వారసత్వ సంపదగా గుర్తించిన సంగతి తెలిసిందే. అద్భుత శిల్పకళా సంపదకు కొలువైన ఈ కాకతీయుల నాటి ఆలయానికి వారసత్వ సంపదగా గుర్తింపు దక్కినట్లయింది. ఏడాది వ్యవధిలోనే వరంగల్‌కు కూడా యునెస్కో గుర్తింపు లభించడం విశేషం.
“UNESCO గ్లోబల్ నెట్‌వర్క్ ఆఫ్ లెర్నింగ్ సిటీస్ (GNLC)” ఆగస్టు 2021లో ప్రారంభించారు. గ్రేటర్ వరంగల్ మునిసిపల్ కార్పొరేషన్ (GWMC) యునెస్కో – ఢిల్లీ జాతీయ కమిషన్ ద్వారా యునెస్కో GNLCకి దరఖాస్తును సమర్పించింది. దీన్ని జనవరి 2022లో ఆమోదించారు.
లైఫ్‌లాంగ్ లెర్నింగ్ కాన్సెప్ట్‌లు, వాటాదారుల ప్రమేయం, వనరుల సమీకరణ, ఈక్విటీ మరియు ఇన్‌క్లూజివ్‌నెస్ మరియు లైఫ్‌లాంగ్ లెర్నింగ్‌ను పర్యవేక్షించే ఫ్రేమ్‌వర్క్‌లను అమలు చేయడానికి సిటీ యొక్క ప్రణాళికలు ఏమిటి అన్న అంశాలపై అప్లికేషన్ ఎక్కువగా దృష్టి సారించింది.
యునెస్కో జిఎన్‌ఎల్‌సి సభ్యునిగా, వరంగల్‌కు
ఎ) లెర్నింగ్ సిటీని నిర్మించే దిశగా వారి ప్రయాణంలో మార్గదర్శకత్వం, మద్దతు పొందడం
బి) డైనమిక్ నెట్‌వర్క్‌లో భాగం కావడం, వారి స్వంత భాగస్వామ్యాలు, నెట్‌వర్క్‌లను బలోపేతం చేయడం
సి) గ్రేటర్ వరంగల్ మున్సిపల్‌ కార్పోరేషన్‌ (GWMC) అధికారులు) తమ ప్రయత్నాలకు సరైన గుర్తింపు పొందడం వంటి అంశాలపై దృష్టిని కేంద్రీకరించారు.
“మేము (GWMC) అమలు చేసిన అనేక కార్యక్రమాలు UNESCO యొక్క లెర్నింగ్ సిటీస్ ఫ్రేమ్‌వర్క్‌లో ఉన్నాయి. పీర్ లెర్నింగ్ అవకాశాల ద్వారా లైఫ్‌లాంగ్ లెర్నింగ్, ప్రయోజనం, కలిసి పెరగడం కోసం ఫ్రేమ్‌వర్క్‌ను అమలు చేయడానికి మా నగరం కట్టుబడి ఉంది, ”అని వరంగల్ కార్పొరేషన్ అధికారి తెలిపారు.
వరంగల్ నగరం ఇప్పటికే నగర-స్థాయి అర్బన్ పాలసీ ఫ్రేమ్‌వర్క్‌ను అభివృద్ధి చేసింది, ఇది పౌర సౌకర్యాలను మెరుగుపరిచింది. అలాగే ఆరోగ్యకరమైన జీవనాన్ని ప్రోత్సహించడంపై దృష్టి సారించింది. మహిళలు, శిశు సంక్షేమ విధానం, పట్టణ విధానం, అట్టడుగు వర్గాలపై చొరవ ప్రభావాన్ని పర్యవేక్షించడానికి, మూల్యాంకనం చేయడానికి ఒక సలహా కమిటీని ఏర్పాటు చేయడంతో సహా ఈక్విటీ, చేరికను ప్రోత్సహించడానికి ఓరుగల్లు నగరం అనేక వ్యూహాలను అమలు చేసింది.
వరంగల్ నగరంలో నిరుద్యోగాన్ని తగ్గించి, ఆర్థిక అభివృద్ధికి దోహదపడేందుకు మున్సిపల్‌ కార్పొరేషన్ ఆధ్వర్యంలో నైపుణ్య అభివృద్ధి కేంద్రాలను ఏర్పాటు చేసింది. అంతేకాదు జిల్లా వ్యాప్తంగా, వరంగల్‌లోనూ ఎన్‌జీఓలు, విద్యా సంస్థల మధ్య సహకార విధానాన్ని ప్రోత్సహించింది. అంతేకాకుండా, ట్రాన్స్‌జెండర్ కమ్యూనిటీకి ఉపాధి అవకాశాలు అందించేందుకు ఉచిత శిక్షణను మున్సిపల్‌ కార్పొరేషన్ సహకరించింది.
యునెస్కో గ్లోబల్ నెట్‌వర్క్ ఆఫ్ లెర్నింగ్ సిటీస్‌లో చోటు దక్కడంపై పంచాయతీరాజ్‌శాఖ మంత్రి ఎర్రబెల్లి దయాకర్‌రావు సంతోషం వ్యక్తం చేస్తూ ఓరుగల్లుు ప్రజలకు శుభాకాంక్షలు తెలిపారు. ఈ గుర్తింపు కోసం కృషి చేసిన ముఖ్యమంత్రి కే చంద్రశేఖర్‌రావుకు, మంత్రి కేటీఆర్‌కు, ఉమ్మడి జిల్లా ప్రజాప్రతినిధులకు దయాకర్‌రావు ధన్యవాదాలు తెలిపారు.