హైదరాబాద్: రాష్ట్రంలో ఉద్యోగ నియామకాల జోరు కొనసాగుతోంది. తెలంగాణ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ – రిక్రూట్‌మెంట్ బోర్డ్ (TREI-RB) ఫిబ్రవరి 10 నాటికి దాదాపు 11,000 పోస్టులకు నోటిఫికేషన్ ప్రకటించడానికి సన్నద్ధమవుతోంది. దీంతో ఈ ఏడాది కూడా ప్రభుత్వ ఉద్యోగాల ఖాళీల భర్తీ పెద్ద ఎత్తున సాగనుంది.
ఇప్పటికే 8,710 ఖాళీల భర్తీ కి నోటిఫికేషన్లు ఇచ్చేందుకు తెలంగాణ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ – రిక్రూట్‌మెంట్ బోర్డు సిద్ధంగా ఉండగా, వాటికి అదనంగా మరో 2,000 పోస్టులను భర్తీ చేయాలని ప్రభుత్వం భావిస్తోంది. అందువల్ల అన్ని పోస్టులకు ఒకేసారి నోటిఫికేషన్లు వెలువడనున్నాయి. ఆర్థిక శాఖ నుండి కొత్త ఖాళీలకు ఆమోదం పొందిన తర్వాత, సంక్షేమ రెసిడెన్షియల్ విద్యా సంస్థలలో దాదాపు 11,000 ఖాళీలకు ఫిబ్రవరి 10 లోపు నోటిఫికేషన్ జారీచేస్తారు ”అని సంబంధిత వర్గాలు తెలిపాయి.
తెలంగాణ సాంఘిక సంక్షేమం, గిరిజన, బీసీ మరియు మైనారిటీల సంక్షేమ రెసిడెన్షియల్ విద్యాసంస్థల్లో నోటిఫికేషన్ ఇవ్వాల్సిన పోస్టులలో డిగ్రీ లెక్చరర్లు, జూనియర్ లెక్చరర్లు, స్కూల్ ప్రిన్సిపాల్స్, పోస్ట్ గ్రాడ్యుయేట్ టీచర్లు, శిక్షణ పొందిన గ్రాడ్యుయేట్ టీచర్లు ఉన్నారు. లైబ్రేరియన్లు కాకుండా కళలు, సంగీతం, క్రాఫ్ట్ టీచర్ పోస్టులను భర్తీ చేయడానికి బోర్డు సిద్ధంగా ఉంది.
అధికారిక వర్గాల ప్రకారం, బోర్డు వివిధ రిక్రూట్‌మెంట్ పరీక్షల కోసం ప్రశ్నపత్రం నమూనా, సిలబస్‌ను ఖరారు చేస్తోంది. 2023-24 విద్యా సంవత్సరానికి సంబంధించి క్లాస్‌వర్క్ ప్రారంభానికి ముందే రిక్రూట్‌మెంట్ ప్రక్రియను పూర్తి చేయడానికి, సంబంధిత విద్యా సంస్థలకు కొత్త సిబ్బందిని నియమించడానికి ఇది ప్రణాళికలను రూపొందించింది.
తెలంగాణ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ – రిక్రూట్‌మెంట్ బోర్డ్ (TREI-RB) కి టీచింగ్ స్టాఫ్ రిక్రూట్‌మెంట్ బాధ్యతను అప్పగించగా, తెలంగాణ స్టేట్ పబ్లిక్ సర్వీస్ కమిషన్ (TSPSC), తెలంగాణ మెడికల్ & హెల్త్ సర్వీసెస్ రిక్రూట్‌మెంట్ బోర్డ్… నాన్ టీచింగ్ పోస్టులకు అభ్యర్థులను ఎంపిక చేయనుంది.
కమిషన్ ఇటీవల నోటిఫై చేసిన 8,039 గ్రూప్-IV ఖాళీలలో 952 జూనియర్ అసిస్టెంట్ పోస్టులు రెసిడెన్షియల్ విద్యాసంస్థల్లో ఉన్నాయి. అలాగే మెడికల్ బోర్డు సైతం 522 ఖాళీల కోసం నోటిఫికేషన్ విడుదల చేసింది.
మార్చి 2022లో రాష్ట్ర ప్రభుత్వంలోని వివిధ విభాగాల్లో 80,039 పోస్టుల మెగా రిక్రూట్‌మెంట్ ప్రకటన చేసిన తర్వాత, 2022-చివరి వరకు 60,929 పోస్టులకు ఇప్పటికే నోటిఫికేషన్ ఇచ్చారు.