కోల్‌కతా: తృణమూల్ కాంగ్రెస్ నాయకుడు, మమతా బెనర్జీ మేనల్లుడు అభిషేక్ బెనర్జీ నివాసం, కార్యాలయాల వద్ద ‘రెక్కీ’ నిర్వహిస్తున్నాడనే ఆరోపణలపై ఓ వ్యక్తిని కోల్‌కతా పోలీసుల ప్రత్యేక టాస్క్ ఫోర్స్ అరెస్టు చేసింది.
అతడిని రాజరాం రేగే (30)గా గుర్తించి నిన్న ముంబయిలో అరెస్టు చేసినట్లు పోలీసులు వెల్లడించారు. 26/11 ముంబయి ఉగ్రదాడిలో కీలక నిందితుడైన డేవిడ్ హెడ్లీతో అతడికి పరిచయం ఉన్నట్లు పేర్కొన్నారు.
భారతీయ జనతా పార్టీ తనను, ఆమె మేనల్లుడు, ఆమె పార్టీ జాతీయ ప్రధాన కార్యదర్శి అభిషేక్‌ను లక్ష్యంగా చేసుకుని హాని చేయడానికి ప్రయత్నిస్తోందని TMC అధినేత, పశ్చిమ బెంగాల్ ముఖ్యమంత్రి మమతా బెనర్జీ ఆరోపించిన ఒక రోజు తర్వాత ఈ సంఘటన జరగడం గమనార్హం.
వచ్చే వారం ప్రారంభంలో టిఎంసిని విచ్ఛిన్నం చేసే రాజకీయ విస్పోటనం సంభవించే అవకాశం ఉందని శనివారం పశ్చిమ బెంగాల్ అసెంబ్లీలో ప్రతిపక్ష నాయకుడు సువేందు అధికారి చేసిన జోస్యాన్ని కూడా ఈ సందర్భంగా పోలీసులు ప్రస్తావించారు.
బిజెపి ప్రమాదకరమైన గేమ్ ఆడుతోంది. వారు అగ్ర ప్రతిపక్ష నాయకులపై దాడికి ప్లాన్ చేస్తున్నారని సూచించడం సాగదు!” అని టీఎంసీ మహిళా విభాగం చీఫ్‌ చంద్రిమా భట్టాచార్య అన్నారు.
“ఈరోజు మా అధికారులు ముంబై నుండి రాజారామ్ రేగేను అరెస్టు చేశారు. అతను గత వారం కోల్‌కతాకు వెళ్లి, ఇక్కడే ఉండి, TMC ఎంపీ అభిషేక్ బెనర్జీ కార్యాలయాలు, ఆయన నివాసం వద్ద రెక్కీ నిర్వహించాడు. ఆ వ్యక్తి బెనర్జీ ని PA మొబైల్ ఫోన్ నంబర్‌లను పంపాదించాడు. వారిని సంప్రదించడానికి ప్రయత్నించాడని” పోలీసు అధికారి తెలిపారు.
‘రేగే’ కోల్‌కతా పర్యటన ఉద్దేశంపై విచారణ ప్రారంభం.
“రాజారామ్ రేగే కోల్‌కతా పర్యటన వెనుక పెద్ద కుట్ర ఉండవచ్చు. అలాంటి ప్లాన్ ఏదైనా ఉందా లేదా అనేది మనం తనిఖీ చేయాలి” అని పోలీసు అధికారి శర్మ చెప్పారు. రేగే ఏప్రిల్ 18 -20 మధ్య నగరంలో బస చేశారని, హోటల్‌లో రేగే చెక్ ఇన్ చేయడానికి ఉపయోగించిన పత్రాలను పరిశీలిస్తున్నట్లు పోలీసు అధికారి తెలిపారు.
“అతని కదలికలను తనిఖీ చేయడానికి మేము సిసిటివి ఫుటేజీని పొందడానికి ప్రయత్నిస్తున్నాము,” అతను ఏదైనా రాజకీయ ర్యాలీని నిర్వహించడానికి వచ్చాడా లేదా అని కూడా పోలీసులు తనిఖీ చేస్తున్నారని అధికారి తెలిపారు.
“రేగే మొబైల్ నంబర్‌ను ఎలా సంపాదించాడు, అతను అతనిని ఎందుకు సంప్రదించడానికి ప్రయత్నిస్తున్నాడు అని మేము తెలుసుకోవడానికి ప్రయత్నిస్తున్నాము. అతను ఇక్కడ ఉన్న సమయంలో అతను ఎవరిని కలిశాడో కూడా మేము కనుగొనడానికి ప్రయత్నిస్తున్నాము” అని శర్మ చెప్పారు.