వాషింగ్టన్: జాతి ఘర్షణలు చెలరేగిన తర్వాత మణిపూర్‌లో పెద్ద ఎత్తున మానవ హక్కుల ఉల్లంఘనలు జరిగాయని అమెరికా విదేశాంగ శాఖ తన కంట్రీ రిపోర్ట్స్ ఆన్ హ్యూమన్ రైట్స్ ప్రాక్టీసెస్‌లో పేర్కొంది.
అమెరికా విదేశాంగ కార్యదర్శి ఆంటోనీ బ్లింకెన్ విడుదల చేసిన ఈ నివేదికలో మానవ హక్కులు, భావప్రకటనా స్వేచ్ఛ, 2023వ సంవత్సరంలో చోటుచేసుకున్న కొన్ని సానుకూల పరిణామాలను కూడా ప్రస్తావించారు.
జూలైలో, కాశ్మీర్‌లోని ప్రధాన నగరమైన శ్రీనగర్‌లో ప్రభుత్వం మార్చ్‌ను అనుమతించింది, షియా ముస్లింలు మతపరమైన ముహర్రం ఈవెంట్‌ను నిరహించుకోవడానికి అనుమతించారు. ఈ ఊరేగింపు 1989లో నిషేధించాక, శ్రీనగర్‌లో జరిగిన మొదటి కార్యక్రమం. ప్రభుత్వం ఏదైనా నిషేధిత సంస్థల నినాదాల ఉపయోగం లేదా లోగోల ప్రదర్శనపై కొన్ని పరిమితులను విధించిందని అమెరికా నివేదిక పేర్కొంది,
‘తప్పుడు సమాచారం, లోపభూయిష్ట అవగాహన’ ఆధారంగా మానవ హక్కులు, మత స్వేచ్ఛలపై నివేదికలను విడుదల చేసినందుకు అమెరికాను భారతదేశం గతంలో విమర్శించింది. కొంతమంది US అధికారుల పక్షపాత వ్యాఖ్యానాలు మరింత బలహీనపరిచేందుకు మాత్రమే ఉపయోగపడతాయని వ్యాఖ్యానించింది.
ఈ నివేదికల విశ్వసనీయతపై గత ఏడాది మన విదేశాంగ మంత్రిత్వ శాఖ అనుమానాలు వెలిబుచ్చింది.
“భారతదేశంలోని ఈశాన్య ప్రాంతంలో మణిపూర్‌లో ఏడాది కాలంలో కుకీ, మైతీ మెయిట్స్ జాతుల మధ్య సంఘర్షణ కారణంగా మానవ హక్కుల ఉల్లంఘన జరిగింది. ీఈ ఘర్షణల్లో కనీసం 175 మంది వ్యక్తులు మరణించారని, 60,000 మందికి పైగా నిరాశ్రయులయ్యారని మీడియా నివేదించింది.
కార్యకర్తలు, జర్నలిస్టులు సాయుధ ఘర్షణలు, అత్యాచారాలు, దాడులతో పాటు, వ్యాపారాలు, ప్రార్థనా స్థలాలను నాశనం చేయడం వంటివి జరిగాయని నివేదించారు.
దేశ అంతర్గత విషయాలలో జోక్యం ఆమోదయోగ్యం కాదని, వలసవాద మనస్తత్వాన్ని విరమించుకోవాలని భారతదేశం గతంలో అమెరికాకు తెలిపింది.
స్థానిక మానవ హక్కుల సంస్థలు, మైనారిటీ రాజకీయ పార్టీలు, ప్రజా సంఘాలు హింసను అరికట్టడానికి చేపట్టిన చర్యలు, బాధితులకు మానవతా సహాయం అందించినందుకు కేంద్ర ప్రభుత్వం విమర్శించిందని నివేదిక పేర్కొంది.
సెప్టెంబరు 4న, UN నిపుణులు మణిపూర్‌లో సహాయక చర్యలను వేగవంతం చేయాలని, హింసాత్మక చర్యలను పరిశోధించడానికి, నేరస్థులను జవాబుదారీగా ఉంచడానికి…మీటీ, కుకీ, ఇతర ప్రభావిత వర్గాల మధ్య సయోధ్య ప్రక్రియను ప్రోత్సహించడానికి సకాలంలో చర్యలు అందించాలని ప్రభుత్వాన్ని కోరారు.
నివేదిక ప్రకారం, పౌర సమాజ సంస్థలు, మతపరమైన మైనారిటీలు సిక్కులు, ముస్లింలపై రాజకీయ పార్టీల ప్రతినిధులు తప్పుడు వ్యూహాలను ఉపయోగిస్తున్నట్లు అనేక పత్రికలు, పౌర సమాజ నివేదికలు ఉన్నాయి, కొన్నిసార్లు వారిని భద్రతాపరమైన ముప్పులుగా చిత్రీకరిస్తున్నారని నివేదక పేర్కొంది.
ప్రధాని మోదీకి వ్యతిరేకంగా డాక్యుమెంటరీలు ప్రసారం చేసినందుకు ప్రతీకారంగా బీబీసీ ఇండియా కార్యాలయాలపై ఆదాయపు పన్ను దాడిని అమెరికా ఈ నివేదికలో ప్రస్తావించింది.
అంతేకాదు జమ్ము కశ్మీర్‌లో జర్నలిస్టులు, మానవ హక్కుల కార్యకర్తలను విచారించడంపైనా అమెరికా దగ్గర అనేక నివేదికలు ఉన్నాయి, కనీసం 35 మంది జర్నలిస్టులపై దాడులు, పోలీసు విచారణలు, దాడులు, కల్పిత కేసుల కదలికలపై 2019 నుండి ఆంక్షలు విధించడాన్ని ఈ నివేదికలో అమెరికా ప్రస్తావించింది.